قصص فتيات عراقيات

شنو توقعاتكم للبارت ليوم وتتوقعون راح يرجعون سوه لو انتهت قصتهم

-اي ان شاءالله يلا بنتي روحي غسلي وصلي وتعاي بمكاني

- ماشي

راحت بدلت وكملت واخذها الحجي يوصلها
شوية واندكت الباب دخد عزام صاح : يممممه .. حجييي

صحت : ماكو احد راح ديوصل ماما للمستشفى

دخل للبيت : يولي صارت ماما

ابتسمت واني اصبلي ماعون من الطبخ
حجه : اذا الامل جاهز صبيلي وعندي الج اخبار حلوة

- شنو هي ؟

- دصبي بالاول

- ماشي

صبيتله ووديتلا بالاستقبال ..
ووكفت اباب الاستقبال من جوا وهو ياكل ويحجي

- شفتلج بيت شايفة هذا البيت جيرانه البصفه دا يريد يأجر الفوك الطابق الثاني

- اي

- ورايد مؤجر فكرت بموضوعج

- اي

- مو تريدين بيت ايجار

- اي والله ياريت وقريب عليكم شفايتلي بلكت الله الكي شغل وتترتب اموري

- اي بس اكو شغلة

- شنو هي

- ما يرضى يكعد بنية

- ليش

- يخاف من المشاكل ..

- يا .. لعد شلون اذا ميقبل الكي غيره قريب

- لا يريد عقد زواج بانو هذه البنت عدها رجال وراها تا ياجرلها البيت

- ومنين اجيب العقد اني وعيفان اتطلكنا واحنا ما عاقدين بالمحكمة .

دا يحجي .. وميحس الا الباب تندك
وتندفع .. وجان تدخل مرته واخوها بالباب .. يتبع

__

#زينب _ماجد

چچك: لا ما شايفته من اخر مرة جنت حامل ومحبوسة يمج واجا عيفان اخذني ما عادها وتعرضلي .

- اي هو هم انشغل ما شايفته

ضحك : طلعتي تعرفيننو وتعرفين مشغول عجل شلون تكلين ما تعرفينه ؟

- لا ما اتذكرته والله تعبانه صار عندي مسح بالذاكرة من التعب شنو غير الطريق مينحمل .. نمت وكعدت كومه وهو ممخلص ..

- اي حقج .. اخذي راحتج واضح تعبانة رسل راح تضل هينا

- ليش

- افضل






- لا شلون اني جاية عليها

- اي حياج ابقي ذيج غرفتها روحي اكعدي بيها .

- شنو اكو اشكال لو راحت ويايا

- اي الصراحة اكو

- شنو هو

- امور براسي احسبلها .. ما اريد اضوجج بيها بس افضل ما تروح وطبعا هي حرة انا ما احكمها بس اكول الافضل .

حجيت : اصلا تعبانة كلش ياريت لو تبقين

ش- لا لعد اروح ونتشاوف اصبح اخذي راحتج .

- ماشي

سلمت عليه باستني ومشت ..
وصلتها للباب ودعتها ودا اسد اللاب لكيت عزام وراي : راح اروح محتاجين شي

- لا مشكور

- رسل

- ها

- هذه مو صديقتج

استغربت من كلامه : - ليش

- هذه صاحبة وكت ووراها واحد دازها

باوعت بوجهه : قصدك وطبان

- باجر اجي الصبح ورايد اعرف قضية وطبان بالكامل هسه ارتاحي الواضح تعبانة ما اريد اتعبج ازيد .. تصبحين على خير .

- اجمعين
حجيتها واني اباوع وراه
معقولة دا تعيد السوته ويايا وكت ما بلغت عيفان بمكان واجوي اخذوني من البيت .

بس شيردون مني هالمرة
بس لا حتى يغصبني ويرجعني للشغل بعد ما عرف بموضوع طلاكي من عيفان .. رايد يرجع يستغلني

يربي واني اطلع من ضيم عيفان ارجع لوطبان
زين وتالي .. يربي والله تعبت

رحت للفراش متعبة الى ابعد حد
تعب جسد وروح وكلب وعقل ومن كلشي تعبانة .

اول ما تمددت التمت عليه همومي كلهن وحده وحدة
بقيت افكر اجيبها منا اردها منا حياتي دائرة لو اتحمل ضيم عيفان لو انغصب على غير حياة .. هي البنية متكدر تعيش حياتها بسلام بهذا البلد بدون مز تضطر تكون ويا رجال يحميها من الغربة .. بس يطيح حظها ؟

بالاخير شفت كل تفكيري وهمومي مالها قيمة
الفكرت والنا فكرت شيفرق ؟

كمت من مكاني رحت توضيت
ومشيت للصالة مديت السجادة وصليت المغرب والعشا قضاء وتليتها بركعتين لوجه الله .. وكعدت من بعد الركعة الاخيرة .. سلمت وسكتت

كامت دموعي تجري
غمضت عيوني .. وكمت اكوله ربي تشوفني ؟
ربي ساعدني مالي غيرك يوكفني لتخليني احتاج احد غيرك
ربي تعبت من كلشي بس بداخلي روح رزقتني بيها حتى اعيش الها ربي اترجاك ساعدني .

كمت ابجي وادعي بدون ما افتح عيوني
حسيت صوت ورايا .. انداريت الحجي : ها يابه

- لا تبجين بنتي الله ما يحمل انسان شي ما يكدره .. وراح يساعدج كولي يا الله بنيتي وروحي نامي






- انا ما اريد اذيكم ولا بقصدي اذيتكم

- يا بنتي انا ما متضايق منج وانت مثل هيفاء وازود .. بس انا متضايق من عزام وعنريته ابعد عن الشر وغنيله لو تتنازليلهم وتعيشين بامان يا بنتي الفلوس والبيت لا تكبر بخت ولا تجيب راحة بال .

- اني مستعدة اتنازل عن كلشي بس يتركوني بحالي وميأذون احد

- ان شاءالله بنتي ان شاءالله كومي نامي وسهلة ربج ما يترك عبده

لميت السجادة ورحت هو راح للتواليت ورجع كتلو : يابه كعدني لاذان الفحر لو اذن

ابتسم وهو يكولي : تأمرين امر

ابتسمت ومشيت للغرفة شي من داخلي اطمئن وارتاح رغم ثقل الهموم بس من الانسان يلجئ لربه يخفف عنه الثقل وكثرة التفكير فجأة يصيبه فراغ مريح يكدر ياخذ نفس وينام مرتاح حتى لو الدنيا ملتمة فوكاه اكو رب يشيل عنه ويحميه

ومن صدك نمت
وكعدتني الحجية للصلاة كعدت صليت ورجعت نمت .

للصبح اجا عزام سائل عني كايلتله الحجية نايمة موصي الحجي ورايح للمستشفى للسايق وضعه بعده حرج ومحتاجله عملية ..

الظهر يلا كعدت
مشيت للمطبخ : لكيت الحجية دا تطبخ بامية

- صباح الخير

- يا خير هذا عيني صباحج ظهراوي يولي

ابتسمت : راسي جان مأذيني مكدرت اكعد

- دنامي يمعودة قابل شوراج تلحكين من تخلفين الليل متنامي وتصير النومة حسرة عليج

- وتتوقعين يصير ؟
حجيتها واني الزم بطني

- يا وليش ميصير قابل شكو ؟

- ما ادري يم الله بعد

- لتفكرين .. اكولج اني راح اطبخ واروح للمستشفى ماشي انت صبي لعمج وراه كعده ويا عمامه

- شراح يصير

- عدهم كعده العصر ويا اهل طليقج

- شوراح يسوولهم

- شمدريني والله بنتي بس هواي ناس دخلت بينهم وبعد ما ندري شراح يصير بس عزام توالهم بالقانون وسجل دعوى على ابن عمهم واليوم راح يطلع امر القاء قبض ..

- الله يقوي

ابتسمت : صديقتج وين صارت

- ما ادري ماخذة بيت من اقاربهم كاعدة بيه

- مو ما عدها بيت اقارب

- ما ادري يعني معارف مو اقارب

- ها خير ان شاءلله خبر حلو فرحي وياي كبل لا اروح

- شنو

- هيفاء باجر راح تجي

- يا الله واخيرا نتعرف عليها

كمت ابجي بقوة واني تحت الدوش
اختلطت ادموعي وامي سوا

بالربع ساعة واني على نفس الوضع
بس ابجي .. بضعف بهضم بقلة حيلة .. وين اروح شاسوي
طفل ببطني واني مالي مكان ولا عندي احد صدك استند عليه .. شراح اسوي بروحي وباللي ابطني .. وشلون راح اعيش ؟

دكت عليه الباب الحجية : رسل

- ها يوووم

- يولي اني راح انام اذا طلعوا الرياجيل عود اغسلي الاستكانات وراهم ليبقن للصبح كلش تعبت رجليه مبقى بيهم حيل

- روحي ارتاحي اني اغسلهم حبيبتي ماما

- ديلا حبيبتي كملي

غسلت شلون مكان وطلعت واني انشف براسي والف بالخاولي
عرضلي عزام : ها العفو

- تعاي هين

- ها

- ما كتيلي شصارلج حتى رحتي للدكتورة

- يعني شوية تاذيت ببطني

- بطنج ؟ خير اكو شي

- لا بس يعني توجعت فرحت للدكتورة

- انت رحتي لعيفان .. كون سوالج شي لو اذاج

- الحجية وصتني اغسل المواعين خل اكملهم كبل لتوصل صديقتي ..

- صديقتج لاح تجي لهينه ؟

- لا ما اعتقد بس تمر عليه

- ها .. عجل ما راح اروح راح انتظرها .

غسلت الاستكاين والصينية .. مر هو للمطبخ ..
كتلو : عزام

- هلا ، كولي

- اني محتاجك بيت ايجار اطلع

- اطلعين ؟

- اني اعرف الحجي تضايق وعمامك مقابيلينًوانت دا تتورط من ورايا






- لا اكفي السالفة الصارت ما تخصج

- وان انا ما رايد اثقل على احد تكدر تشوفلي بيت اجره وياريت قريب منانه حتى ابقى قريبة من الحجية

- سهلة ان شاءالله اشوفلج .

شوية ودك تليفوني رديت .. كالتلي : وينج يولي

- موجودة منتظرتج

- عجل اطلعي

- صرتي تحجين بالعجل

- مو دخلت الانبار كنكت كبل

- وين انت

- قريب من العنوان الكتبتيلياه .. اطلعيلي

- تمام بس خلي ابلغ الحجي

- ديلا .. انتم الشارع اللي براس الركن مالته صيدلية النهرين ؟

- اي صيدلية بس ما اتذكر اسم الصيدلية

- اوكي ..

مشيت للصاله الحجي وعزام ماعدين كتلوا : يابه صديقتي اجتي دا اروح وياها

عكد حاجبو وباوع لعزام وعزام كالي : خل تجي حياها

- ما اريد اثقل عليكم

- واثقلين علينا وين راح تروحن

- احتمال ترجع بس اروح اشوفها

- عجل ما بيها هل تجي هين تتلاكون وتحجون والحجي راح يروح ينام وانا اخليكم براحتكم

الحجي شكله مجان راضي
انحرجت حيل مجنت رايده اضوجهم لو اضايقهم مني بشي جنت اتمنى امشي مثل ميحبون بس كلشي ديجي مو مثل ما اريد .

لبست حجاب .. وطلعت برا هو لحكني وطلع ليكدام اتصلت بيه كالي : انطيني

انطيته التليفون دلاها .. اجت وجانت كاعدة بالصدر مو ورا
كاللها : الرجال اقاربج

- لا لا بس سايق

سلمت عليه وكالتله : منريد نكلفكم اخذها ونروح

- ووين تروحون

- بيت اقاربنا هنا انطاني مفاتيحه .

- اي هسه دفوتي خل نضيفكم وسهلة

فاتت وهي تكولي : خوش مز يولي .. دجرجري

- هشش بان الله يخليج والله تعبانة مالي خلك هيج حجي

- دا اتشاقى وياج ..

فاتت للصالة وهي تكولي : اي سولفيلي شسوا بيج هذا المخبل ..

- شنو اللي مسواه
سلوفت الها فات عزام هي تجاوبني

- ترا هذا مريض نفسي سايكووو مو صاحي .. اكو واحد يعتدي على طليقته خو ليش طلكتها انطيها بنتها واكسبها وخليها مرتك .. شكد حيوان

زين واح تبقين هنانه ؟

- شلون اروح .. ما ادير خاف عيب

- عيب منين ؟






- لازم اكوله لعزام

- طلع برا

- يا خاف راح والحجي نام

- لا لا ذاك يمكن بعده موحود بالباب .. هسه عرفي كليلي شنو صار

- مو سولفتلج

- مو انت وعيفان .. انت وعزام

- اني وعزام شنو وشيجمعنا اني وعزام حتى دا تجميعنا بجملة

- اهووو قصدي شصار وياه

- شمدريني هوسه

- يعني متعرفين شصايرله لو ميقبل تحجين

- ليش ميقبل

دخل هو كال العفو اذا جاي اقاطعكم بس الليلة ابقي هينا

- لا والله اريد اروح تعرف طريق طويل وتعب ولو انت متقصر

- دبقي يا بابا ابقي هنا والصبح روحو

- لا والله ما اكدر

- اكو احد منتظرج ؟

- لا لا منو قابل بس ارتاح اكثر

- اي انت هم خطية اجيتي طايرة عليها هاي الصداقة الحقيقية

- شلون لعد اول مسمعت كلبي طار عليها وألله احيت اركض كلت لا مستحيل اعرفها بهيج ظرف

- سمعتي ؟

- يعني قصدي من عدها هي كالتلي

- اي اي اكيد منها قابل منو يكولج هيج اخبار اكيد منها
بس ما كتيلي منو اقاربج هنانه ..

- شوف هي اربيل متروسه دليم وجبور .. تعرف بعد الاحداث الصارت بالمحافظة اعلبيتهم انتقلوا هنا فخابرت ابو نمير تعرفه چچك عاد خابرلي اقاربه وكالي تاخذين مفاتيح بيته هالاريد اروح اخذه

- اقارب ابو نمير يعني طلع مو اقاربج

- لا طبعا اني من وينلي اقارب انت تعرف اني وياها وضعنا ما عدنا اقاربها غير بعضنا

- اي صح الله يعينكم بس انتو سباعيات .. وطبان تعرفينو صحيح

باوعتلي : لايا وطبان

- هاي شنو معقولة مو رسل تعرفه

- يا رسل .. يا قصدك چچك اي وطبان هذا القديم يعني شبيه بعدو يتعرضلج

- يولي الدنيا مكلوبه والسايق مالي بين الحياة والموت وانت حايرتلي بهالسوااااالف ومتخصرتلي بنص الشارع دفوتيييي

دفعها ليجوا بقوة كامت تصيح وتعيط ..
وتكوله: ابو الكحاا *** هامك صديقك انت خاطها وتفتر بيهاااااا وتجذب عليه تكول ما عندي شيييييي

كام يتصايح وياها والحجية طلعت هي وعمته ونسوان مرابتهم جايات .. كامن يصيحون عليهم وهو يتهجم ويغلط ويهدد بيها .. وامه تهدي بيه وتكوله : ميخالف مرتك متضايقة يمه على كيفك

دخلوها جوا .. واني كتله : ما اريد اكلفك اكثر من هيج
اني بس اتمنى ادليني على فندق ااجر بيه بهاليل

- يولي انت الثانية هم بطرانة هي الانبار منيلها فندق دفوووتي

حجاها وتعداني وطلع .. والحجية تكولي : يولي وين رحتي البيت باقي بيبانو مفتحه

- جنت بالدكتورة

- شصارلج

- خابرتج مجاوبتي

- اي ورجعت خابرتج ما حاوبتي

- ما ادري ما طلع عندي

- دفوتي يولي تعبنا والله

- اني ما اريد اتعبكم زيادة ماما هلي ابتعد افضل هو وزوجته ديتقاتلون بسبب وانسان بين الحياة والموت من ورايا .. اني ما اكدر ادخل بخطية احد .

طلعت وهي تصيح : متريد تبقى طبعااااا ميعجبها تبقى هنا تريدو يحطلها بيت ويصريلها خادم وهو ما يقصررررررر

كامت تصيح الحجية : يا عزا العزاج يولي من الجيران صوتج

- صووووتي لو دا تكو* لابنججججج حاطتله كح* بنص بييييتج

- يا يا ولج ليش دا تفشرين البنية لا يمه ولا بكرباه البنية عدنا

- علييييه هالحجي والاتصالات هي وياه ومخابرات وكاميرا تالي الليل يكولي خفو وهو يلزم خفارة يمها ويجيكم وانتو تغطولااااا

- يولي استحي على روحج منهو المغطيلا ..

- والله ما ابقيها عدكم دقيقة واذا بقت والله هسه تنطوني طلاكي والدنيا اكلبها فوكاكم افتهمتوا لو لا

حجيت : حرام عليج اني ما عندي وياه شي وهذا تليفوني وفتشي ما بيني وبينه اي تواصل ؟ اصلا ميخابرني استغربت عرف رقمي وخابرني هسه علمود اعرفله اللي استعدفوا السيارة اني ما عندي شي وياه






- اي صدكت حبيبتي .. والمراسلات والتليفونات تالي الليل منو امييييي .. بس ما عليج عتب خلك بنت ليييييل العتب على المعتبرتهم اهل ومثل امي وابوه مستكعديج يمهم حتى بلكي يبقالهم

اني عبالكم ما ادري تردوووووه يتزوجلا وحدة ويكعدها يمكم حتى تستغلووووه اعرف كلش زييييو وادري بكل سوالفكم بس هينة والله ما اسكت واصطبرولي

كامت تتحاجى هي والحجية وتتكاون
خابرت على اهلها يجوها .. مر اخوها طلعت صعدت وياه ومشت ..

.. حجت الحجية : مالج علاقة بيها يولي فوتي دفوتي .

- ماما والله ما عندي وياه شي ولا اني مخابرته هياته تليفوني كدامج فتشي والله اني ما عندي شي وياه

- قابل ما ادري بيج لو ما اعرف ابني بس هذه غاوية مشاكل كل كوانه بينها وبين رجلها تجي تطرحها بنصنا واتطلعنا الصوج .. ختولي

حجت عمتهم : انت شسمج بتي ؟

- چچك

- يا داده شنو هالاسم شو غريب

- تركماني

- يا انت تركمانية ؟

- اي

- يولي سليمة اذا متاخذيها لابنج خليني اخذها لوسام شنو رأيج خالة اخذج لابني ادللج والله احطج بين عيوني

حجت الحجية : يولي توها مطلكة وهوستها كايمة يا زواج

- اي تخلص عدة قابل شكو هن ٣ اشهر غمض فتح تلكيها خلصت .. يولي اريدله هيج بنية نعومة وصغيرونه .. تا يلم نفسه ويكعد

- يولي ابنج وسام حيخش بال٤٥ وتريديلو بنية بعمرها دكعدي

- اي خوما اخذلو بنت بعمره رحمها يابس يا سليمة .

- الناس وين وانت وين يصبحة .. تا اشوف الحجي شصاروا راحو لبيت نعمان كالوا غاد يلتمون ...

- شراح يسوون

- يرحون على بيت الهددهم غير قابل يسكتولا

دا يحجون دك تليفوني باوعته بان .. رديت وكمت : ها بنو

- ها عمري وين انت

- ابيت الحجي

- خطية شلون وضعهم

- لا ابنهم بخير ما بيه شي

- صدك !!! شفتي

- اي اجاني للدكتورة اخذني واني هسه ابيت ابوه

- يولي خاف هذا صدك رايدج

- شرايدني انت الثانية اني بيا حال

- المهم اني بالطريق عمري شغلة ساعتين اني يمج

- بان بس وين تكعدين

- يولي اطردين بيه

- واني عندي مكان واطردج تره كبل شوية انطردت بس من لا حارة باقية






- منو طردج

- هسه تعاي واسولفلج مو مال تليفون بس وين نكعد

-مالج علاقة ندبرها

- تمام

- تعبانة

اخذت نفس قوي .. دمعت
اني واكفة بالطرمة دخل عزام صار مقابيلي

بسرعة مسحت عيوني وتحركت من مكاني كالي : بلا زحمة بس فوتي جوا تا يفوتون عمامي

حجاها وابوه فات
اني سبقت الحجي وفتت جوا
وهو يصيحلي : بنتي الله يرضى عليج جيبلي ماي

- اي يابه تدلل
مشيت بس متوجعه اخذت مي وطلعت هم كاعدين بالصالة دا امشيلهم كام عزام من مكانو وكال : لا تفوتين انطيني

عفتهم ومشيت للغرفة اخذت ملابس ورحت للحمام
جنت كلش تعبانة شغلت الدوش فوك راسي بس ما بيه حيل اشيل اديه واغسل واسبح

- وين اكو فندق يمعودة .. اني كلش تعبانة بان مدا اعرف شسوي

- هسه كولي يا الله وادُخلي للدكتورة وبلغيني شنو تكولج .

اخذت نفس .. سديت الخط
فتت الدكتورة تريد تطلع .. بس السكرتيرة شافت حالتي وابجي حجت ويا الدكتورة .. قبلت تشوفني كبل لتطلع .

هسه دا اريد ادخل للعيادة دك تليفوني باوعته جان عيفان يتصل .. رفضته وانطيته بلوك ودخلت للدكتورة

سألتني عن حالتي كلت الها حامل ما اعرف اي شهر .. بس صار تقررب بيني وبين زوجي وتأذيت وصار نزف .. وخفت ليكون اسقاط

سوتلي سونار كالت : انت بشهر الثاني من الحمل والطفل كلش زين صحته ووضعه عال العال ..

انداريلي دا اكشفج حتى اشوف مصدر النزف
كشفتني كالت : انت متأكدة المتقربلج زوجج هذا حيوان مو زوج ولو تزعلين ليش هيج ؟

سكتت بس الدموع تجمعت بعيني : عندج جروح قوية .. وهاي يحتاج خياط غرزتين ..

- لا دكتورة الله يخليج والله ما اتحمل وجع اكثر

- انطيني بس علاج ..

- تمام .. بس لازم ترتاحين تمام وممنوع يتقرب منج نهائي لمدة ما تقل عن شهر كوليله شهوتك الحيوانية قلبها انت بشر حجر

كتبتلي علاجات ومرهمات وغسولات
واني دا اخذ منها دك تليفوني .. باوعته عزام
استغربت ! وفرحت بنفس اللحظة رديت بسرعة
اجاني صوته : الووو

- عزااام انت بخير

- يولي بخير وين انت

كمت ابجي بقوة واني امشي
صاح : ها ها يولي ما بيه حيل والله بس كليلي وين انت

- اني يم الدكتورة

- كون بيج شي

- لا بس اريد اعرف شصار وياك كالوا كتلوك

- محد كتلني يولي انا بخير بس تعاي رايدج
ولو كليلي انت وين انا اجيج

انطيته مكاني .. ورحت للصيدلية .. دا اخذ الدوة بس جان كلش غالي .. عفته وطلعت وكعدت انتظر لحد ما اجاني صعدت وياه بالسيارة

كتله : شلون كالوا لعد تعرضت الهجوم مدري شنو الحجي والحجية كلش انخبصوا عليك

- السايق جان بالسيارة مو انا ربج مرتي طنكرت اليوم وتكاونت وياي وكسرت التليفون ورادت تزعل لاهلها اضطريت ادز السايق ياخذ السيارة يشدلها بك لايت من واحد انطوني عنوانه .. دزيته بس مكلوبه بيه السيارة يكلون الموضوع حادث بس بعدهم كاعد يحققون بس السايق خطية منتهي توني رجعت منه .. وهالرايدج لهالسبب






- مو خابروا الحجي كالوله عزام جان موجود

- سيارتي مو انا موجود بس يخابرون علي ما يحصلون عبالهم انا بالحادث بس مرتي كسرت تليفوني هالتشوفين حاط السيمكارت بالف ومية الصوت مالو جني واحد بنص مسبح .. اكلج اريدج تروحين لعيفان اريدج تخلينو يزوع الاول والتالي كون يعترف

- رحتي ؟

هزيت راسي : وشكالج ؟

- نكر واعترف ورجع نكر بس الحجي لما سمع كال لابه الحبير هذه توريطه امش نبلغ عمامك .

- توريطة شنهو ما افتهمت

- ما اعرف

- هو عندو عدوان او احد متربصلو

- امبلا .. اني الصدك اذيت ناس هواية بدون قصد .. عيفان وهو يساعدني اتخلص من قضية المخدرات اكو واحد اسمه وطبان جان يتربصله ما خله مشكلة الا وسواها .. وبينهم دم هم كتلوا مروان اخوه وعيفان كتل اخوهم .. بس اثنينهم ما عليهم دليل يعني القضايا تتسجل بمجهول هوية يعني هيج بدون ما احد يعرف منو القاتل بس هم يعرفون ملش زين الاتل مالهم منو يعني ما اعرف اذا كاعد تفهم عليه

- افهم افهم .. يعني دا تكولين عيفان واهله مالهم ايد بسالفة الحادث اليوم

- لا مو بعيده يسووها هم ملهم على بعضهم الكال عدهم شي هين وارخص ما عدهم حياة البشر

- بس الصدك انا انتبهت لشغلة ابوهم توه طالع من سجن وعليهم قضية لهسه ما مسدودة .. سالفة ينفذون تهديدهم وهم عدهم قضية ما ادري يمكن صدك توريطة ما اعرف شنو اسم اللي عدهم عداوة وياه

- وطبان

- وطبان نوري

- اي يمكن

- وطبان ابو الكحا* قصدج لو منهو

ديحجي دك تليفونه رد وهو يحجي بانفعال ويكوله : عمي والله حاي هاي انا واصل .. اي اي بس انطيني دقايق انا يمك اي اي بيت الوالد .

بقيت دايرة وجهي وافكر بوطبان معروف بديرته هاي شغلته .. سده وحجه : اي واحد يخابرج او يتواصل وياج تكليلي خوش .

-تمام بس صديقتي حتجي واني ما ما اريد اثقل عليكم اكثر اذا تعرف فندق قريب

-صديقتج منو

-بان

-وين عايشة

- باربيل

- باوبيل وهسه راح تجي .. ليش اساسا بكردستان حطر اكثر من هنا شلون راح تجي وتحصل تكسي بهيج وكت وشيجيبها

- خطية ضل بالها عليه لان درت بيه مريضة

-منين درت انت مريضة

- لا ما تدري بس خابرتني هيج تطمن عليه عرفت لوضعي

- صدك ما سألتج خيرج شعندج رحتي للدكتورة






- اتذأذيت

- من عيفان ؟

سكتت : ليش رحتي ؟

حجاها وصف السيارة كدام الباب .. جانت مرته دا تدخل للبيت من شافته صف السيارة واني موجودة تخصرتله ووكفت ما دخلت للبيت قطع الحديث ونزل بسرعة

نزلت وهي تكوله : تكولي ما عندي شي اندار الكاك مصعدها وياك بالسيارة

- شنهو القصرت بيه وياج هااا بشنهو قصرررررت حتى تسوييين بيه هيييج

- عيفان وخر مني اكولك .

- مشتاقلج

- اني وياك مطلكييين وخررر

- انت مرتي ماكو طلاك بالغصب

- بكيفك دوخر مني شنو هااااي دوخر عوووفني

- دا اكولج مشتاقلج والله افتهمي

- ايييي ابتعددددد
كمت ادفع بيه بقوة : والله اذا ما وخرت راح اصيح واخبص الدنيا عليك

دا احجي حط شفته على شفتي وكام يبوسني بقوة
احاول ابعد نفسه مني وهو يشدني اله ..

سحبني اله ورغم كل محاولاتي ابعده مني ..
هو جان اقوى واخذ اللي يرده مني .. بس كانت بطريقة مقرفة وعصبية ومكرهه .. كانت كلماته وحركاته كلها اهانة .. لحد ما انتهى مني ..

سحبت الغطا منه اغطي بيه روحي وهو ابتعد اخذ باكيت الجكاير و الجداحة من البنطرون .. وكعد على حافة السرير يدخن

حجيت : من جهة تريدني ومن جهة تبخل عليه بحقي تكولي اريدج وانت تبخل عليه حتى ببنتي اني ما شفت انسان حقير واناني بكدك

- منهو الكايلج انا رايدج ؟

عقدت حاجبي .. سحب البنطرون .. ولبس ملابسه وطلع محفظته طلع خمسين الف شمرها بوجهي : اخذي حقج وطلعي برا

عقدت حاجبي : شنو قصدك

- هذا مستواج ... كحـ ... تنطيني راحتي وتكومين تولين وزايد عليج الخميسن بس لان حلوة وتريحين تستاهلين

غمزلي وهو حاط الجكارة بحلكة
بقيت اباوع بوجهه بدون ولا اي كلمة .. اخذت ملابسي لبست وهو يكولي : هااا وهاج هاي خمسين زايدة

انداريت عليه : حق اول ليلة
هي جانت لازم تمشي هيج انا الغبي الرحت وياج زايد حسبالي شريفة وتنعدلين طلع حجي اهلنا صدك من يكولون الماي يروب والكحـ ** ما اتوب .. هذا اجرج

اخذت نفس قوي واني اتجرع الكلام وابلعه حتى ما ارد لأنه ما يسوى حتى رد .. سحبت الحجاب حطيته على راسي استفزه انو اني ما رديت

اخذ المية الشمرهن ولزم ايدي وفوت ايده بصدري خلاهن بملابسي الداخليه : هيج اعتقد يخلوهن الج مو .

- اي هيج

- هههههههه متعودة

اخذت نفس واني احاول اطلع وهو يكولي : اركضي وراح سرا طويل






استهضمت من كلامه كمت افتح بالقفل وعيوني تنملي دموع .. سحبني بقوة وهو يكولي : تروحين نوادي بنص الليل ووراه تروحين لبست الضابط وانت على ذمتي

هو ديحجيها اني الدنيا كلها افتر بيه لما سحبني قوي .. وهو دا يحجي .. اختل توازني بلحظة وغوشت عيني ووكعت من طولي

فز بسرعة لزمني وهو يصحي بيه
احس بس اكو حرارة براسي .. رجع نومني ع السرير .. وكام يركض يريد يجيب مي ..

فتحت عيوني واني احاول استجمع قوتي واشيل ظهري
الزم بالفراش واني الم بحيلي ..

كعدت راسي كلش دايخ وحار
فات وهو بيده كلاص المي ومرت مروان تركض وراه وتكوله : شصاير شكو

- اشربي الماي

دفعت الكلاص من وجهي واني ارتكز على حافة السرير حتى اكوم
صاح : اكعدي شوية ارتاحي وروحي

باوعتله : عندي زباين هواية غيرك ينتظرون .

كمت هو احترك حرك لما كتله الكلمة هاي دفر الكلاص بالحايط اطشر الكزاز بالغرفة .. ومرت مروان صرخ : يا يا شبيكم شجالكم شصاير

كام يصرخ : ساااااقطة طاااااايحة حظ كح *** العتب علييييي عليييي انااااا

عفته يصرخ وطلعت من البيت ..
كمت امشي بسرعة وهمة بس رايدة ابتعد من البيت .. جان اكو وجع عندي بسبب الطريقة اللي اهاني بيها ..

ومثل كل مرة اتندم اجي واتسرع بس اتصرف دائما كبل لا استخدم عقلي وارجع اكعد اتندم واكول شبية رحت وليش ؟

ابتعدت من بيتهم وكفت
باوعت وراي الطريق فارغ
لزمت بحديدة واني احس اكو افرازات مثل الدم تنزل عندي ..

جان خوف بگلبي انو الافرازات هذه هي اسقاط الطفل
لانو روحي تعلكت بيه واحسه عوض عن اللي خسرته

اريد اروح اشوف الحجية
بس ما اندل هي وين .. رجعت للبيت .. محد جان اكو ..

خابرت الحجية
ما ردت ... دخلت الحمام شفت عندي دم
خفت .. اخذت تليفوني وغراضي وطلعت من البيت ..

واني بالطريق خابرتني بان ..
رديت بسرعة هي كالت الو اني كمت اشهك من البجي
فزت : ها شبيج

- كلشي بيه كلشي

- شكو يمعودة خوفتيني شكو

- اني دا اموت ودا اذي كل اللي حواليا لا اكدر اكتل نفسي ولا اكدر اعيش اني تعبت

- شصاير

- الضابط عزام اللي هدده عيفان

- اييييي ؟

- جابولنا خبر عنه متعرضيله بالطريق ومكلوبه السيارة وراحوا اهله ولهسه ماكو خبر عنه وخابرت الحجية مدا تريد وما اعرف اي شي غير عيفان اللي رحتله واذاني كلش اذاني
اذاني بجسمي وروحي وكلبي
حيل اذاني ..






- انت وين هسه

- اني راح اوصل للدكتورة

- يا دكتورة شكو ؟

- عندي دم دينزل خايفة ليكون اسقاط

- يمه .. چچك حبيبتي لتبجين يروحي اني راح اجر تكسي هسه واجيج لو اعرف اوصل نص الليل راح اجيج لتبجين يكلبي

- تجين وين نروح وين نكعد اني مالي مكان ابقى بيه
بعد ما الناس انكتل ابنهم بسببي وين الي وجه ابقى عدهم

- نأجر فندق ونكعد على ما نأجر بيت اني هسه اجيج

#البارت__28

#المفقودة

((( بقلم زينب ماجد )))

#الحلقة_ ٢٨

فزت الحجية .. وركض من مكانها من سمعت صوت ابنها وفزت الحجي .. اني اديه كلها دهن كمت من مكاني باستغراب واريد افهم شبيهم

هي تصرخ وتكوله : شبيه عزام .. احجي

هو سد التليفون ويكلها : مصيبة يولي مصييييية كتله عزام يابه خلينا نقبل ونعوف البنية تتنازل .. هاي تاليها يا ياببببببه

- غير افتهم شبييييه

- وانا مفتهم منه شبيه ناصبيلا كمين والسيارة مكلوبه وهسه خابروني راح الولد يولي رااااح

- عزا العزاني يمممممه ابني دخيلك ربي ابني وينه شصاااااايرله

- خل اروووووح واعرف شصايرلوووو

كام يركض وهي انخبصت وراه تصيح وتسال وهو يصرخ ويكوللها : غير اروح واعررررف شبييييه .

طلع هي لبست جبتها وحجابها وركضت وراه ..
اتصنمت بمكاني .. بس دموعي كامت تجري
معقولة مات ! .. منو قتله .. عيفان لو اهله لو منو
كله من ورايا ؟ لانو ما اتنازلت ؟

رحت غسلت اديه واخذت جبة وحجاب لبستهم وطلعت ..
الطريق كله امشي ودموعي تجري بقوة .. لو يقتلوني لو يقتلون من احد من ورايا

هم ماكو غيرهم سواها ..
هم اللي قتلوا عزام .. لان دافعلي لان حماني منهم
كل اليوكف ويايا يتاذى .. وكفلي عيفان شهروه ونشروه .. وكفلي عزام كتلوه

بس هالمرة عيفان واهله هم اللي سووها
كلهم يحجون بالله وبالحرام بس ولا واحد بيهم يخاف الله
كلهم يكذبون

ركبت سيارة وطلعت لبيت عيفان
اول ما وصلت لكيت عيفان اصلا واكف بالباب فاتح البنيد ما سيارته وديعبيلها مي ..

صفت السيارة نزلت كباله ..
باوع باستغراب شافني نزلت سد البنيد مال سيارته
وكالي : شكو شصاير

- كول شنو اللي سويته ها
ما كدرتوا تكتلوني تروح ع الضابط الحماني تكتلوه
انتم متخافون من الله انتم ما عدكم خوووووووف الله

- اسسسسس منا الناس يا ضابط منهو اللي انكتل

- جاي دا تغشم روحك هااااااا ..
دا تسوي نفسك متعرررررف شي .. انت اللي كتلته مو .. ليش متخاف الله القتل عدكم اسهل شييييي

- اشششششش تعاي جاي يولي

- وخر منيييي

- ماشي اوخر بس فوتي جوا

- ما راح افوت وخلي الكل يدري انتم شنوووو مكدرتوا تكتلوني لو تسكروني وتخلوني اتنازل رحتوا كتلتوا الي دافعليييي

كام يصم حلكي ويرفع بيه من الكاع ..
واني اصيح وابجي فوتني جوا وهو يكولي : بنت الاوادم انت شصايرلج فهميني






- افتح الباب طلعني

اجا الحجي ابوهم : هذه هم لفيتها شتريد بعد

- دا تكول الضابط كتلوه

صفك ايده : وياهو الجتله ؟

- تسوي روحك ما تعرف مووو مثل ما ردت تكتلني ونكرت وتكوووووول ما كتلتهاااااا وانت ذبيتني بنص الصحرا ... الله ينتقم منكم كلكم اذا رايدين تكتلوني هاي اني كدامكم ما اخاف منكم ولا اني منهزممممممة منكم اكتلوووووووني

اتجاهلني وهو يندار لعيفان بهمة : عيفان فوتها جوا وعبدالله انت صيح ابوك بالعجل هاي توريطة راح تنذب بروسنا ... امشووووا

عيفان : ياهو الرايد يورطنا ..

- لو مو تكتلووووني لو تمووووتنوي ما اتنازل والله والا يجي اليوم الاشوفكم بيه معفنيييين بالسجن يا حقراااااااء

دفعني عيفان وهو يحاول يسكتني : دمشي يولييييي جابتي دفوووتي

- وين دا تدفعني وخر مني

- اي دفوووتي

- لا تتوقع اتنازل الكم بعد اللي سويتوا والله لو على كص ركبتي ما راح اتنازل

- اي ماشي ادخلي

- وخر مني كتلك

- امشيييييي

جان البيت هدئ الكل بغرفه ..
طلعت امه من الغرفة شافتني بسرعة حجت : هاي شكو شبيها هاي شحابها شدخلها

- هشششش ماكو شي

سحبني واني اجر بنفسي
دخلني بالغرفة مال جدته الماتت وفات وسد الباب : افتح الباب وخليني اروح

- منهو القنعج بالطلاك ؟

- انت

- انا لو هو

- ما ناوية ادخل وياك بجداااال امشي منيييي

- ولا انا رايد يجمعني بيج شي بس رايد اعرف شنهو البينج وبين الضابط

- هاااا لهسبب كتلته موووو

- ومحترك دمج علييييه ؟

- لك انت ما عندك دم ما عندك غيرة متخاف الله تكتل بشر بس حتى ترضي نفسسسسك

- اي ماشي اكعدي شو اكعدي خل نسولف

— لتحاول باحلامك تخليني اتنازل والله والله ما راح اتنازل لو هسه الدنيا تنكلب واعلمكممممم

- تعلمييييين منهو يولي .. تعلميييين منوووو

اتقرب عليه يريد يلزمني كمت اسحب بروحي منه .. شبكني وكام يجر بيه : بيمن غريتيييي ها بيمن اشتريتي وخليتي طلي وراااااج احجي

- انت كلب وسااااقط ابعدددد مني

- انا الساقط لو انت .. هااا اناااااااا .. كام يسحب بوجهي ويتقرب لركبتي .. اذاني






- ابتعد منيييييي ...
حسيته يتقرب مني بشهوة ... ييييي دوخر لعبت نفسيييي

كام يتنفس قوي ويحشك روحه ويايا اسحب بنفسي وهو يذب بروحه ويعضني من ركبتي ..

- انت شرايد مني دوخررررر

- مشتاقلج افتهمي جننتينييييي

- وخر مني اكووولك

عود ليوم عيد ميلادي الله وكيلكم صباح الخير محد كلي😂😂

زين مني دا اطلع ابوكم بكفالة ذيج هي اذا قبلت تتنازل لابوكم بدون تسوية بكيفها انا مجرد وسيط بينكم حتى اخل المشكلة

- عحل انطينا لبنت احنا نتفاهم وياها

- اي ذيج هي اذا قبلت تجي وياكم اخذوها .. قابل احنا لازميها زين منا احنا احتوينا البنية بعد ما رجلها ذب عرضه بالشارع جايين حتى تعيبونا

- لا لا ما دامك حاطها ابيتك انت شريك وجاي تبتزنا

- احترم نفسك يووووول مو انا التكلي ابتزك .. كلامك هذا اذبك جوا والله وما تطلع ولا تشوف الضوا .. تتهم ضابط على راس عمله بالابتزاز وين دليلك

- عمي احنا نعتذر منك ونبوس راسك بس النا حك وياك ونعرف شلون ناخذه

- اي روح وشتريد تسوي سوي ..

طلعوا وهم يهددون عزام ...

خابر ع الحجي .. كالو : يابه اخذ حذرك الجماعة كاموا يهددون

- عليش ابوهم طلع لو لا

- راح يطلعون اليوم بس تكمل احرائات الكفيل

- عجل شنهو اليردون بعد ؟

- يردون تنازل كامل

- ابني اكول لو نكف هين ونخلي البنية تتنازل .. احسن ما تتضرر وندخل بمشاكل في غنى عنها

- والله لا ادعس على خواصرهم وانعل والد والديهم .. طولة شلة ناس زايعتهم الكاع كدرتهم ع اليتامى يتسغلوهن وياخذون ضناها .. لا ما اخليها تقيم دعوى وتحط اسم المحامي الوقع العقد وغصبا ما عنهم يسجلون بيت باسمها او .. يسحلون البنت باسمها

- ابني انت دا تروح زايد بالموضوع .. مو كلشي ندعس وندوس .. ذولة ما ينطون اكثر من اللي اخذناه منهم اليوم خلي نتكفى شرهم ونبتعد عنهم ونخلي البنية ترتاح

- نتكفى شنهو خوش زلم ويهددون والله لا العب بثملاتهم وانعل والد والديهم .

- عزام ابني شنهو التريده ؟

- شرايد يابه ابنية يتيمة نرضالهم يستغلوها

- وتذب روحك بالنار وانت صاحب عايلة خاف على نفسك على عائلتك لا ياذوك بيهم ذولة ناس ينخاف منهم

- مو انا الاخاف منهم والا انعل والديهم ..

عزام حسبه الموضوع تحدي لان ذوله زلم بعشايرهم تتامر على بنية لا حول ولا قوة ويهددون كلمن يطلع يدافع عنهم ..

من مهددينه مشهد الشرطة الوياه ومسجلها عليهم اي شي يصيرله هالايام هم اللي وراه .

هم هدوا اللعب اول بداية .. وطلع الحجي جحيل وعمران من السجن وسووا موسيقى وحفلة .. وجوبي وفرحوا بطلعتهم

من بعد اسبوع .. جان الحجي نايم
واني والحجية كاعدين بالمطبخ نسوي كليچة ..

دك تليفون .. رد الحجي
واحنا نسولف منحس الا الحجي كام يصيح بكل صوته ويصيح ( ابني عزاااااام ) ...... يتبع

___

#زينب_ماجد

اجا عزام كال : ول يابه اشون عثرة ذولة ..

الحجية : شصار ؟

- اتفقنا يجون باجر ينطون ١٥ مليون

- من ٥٠ مليون ل١٥

- وما راضين نا يقبلون ينطون .. ويكولون المرة هاي ساقطة وهي تلزكت ابابنا .. بس خوش كطبتها عليهم كاموا كل ما يحكوني ويكلولي مرته اكلهم مو تكولون هي التلزكت عمي المرة ما تريد ابنكم شلون بالله ؟ منهو اليركض ورا منهو ؟


- وتتنازل

- لا اتفقت وياهم .. اطلع ابوهم واخوهم بكفالة ..
التنازل وكت اللي ينفذون العقد الوقعوا وياها قبل الولادة يا ينطوها بيتها يا تتسجل الطفلة بأسمها حتى لو تبقى عدهم .. كالوا نراود ابو الطفلة وهو يحل هالسالفة

كتلهم بس كبل هذا كله باجر الصبح تجيبون الشيخ اطلكون لان الزلمة ذاب عليها يمين الطلاك وينكر يكول ما مطلك وهذا طلاك مو لعب بعدي ومين ترجع وياه وهم يكول بنت ليل اني مطلكها ومستكعدها بالحرام .. يطلك البنية ويخليها تشوف مستقبلها بلكت اللهي دزلها قسمة تريد تتوفق على اساس اسمها متزوجة وهي اسمها بالحصاد ومنحلها مكسور ..

- عاشت ايدك زين تسوي بيهم.

- مقتنعة رسل بهالحجي ؟

- اي

- ما عندج اعتراض

- لا بعد يمك انت شنو تشوف بكيفك .

- خليها وراي لا انعلج والد والديهم والله .

- ما اعرف شلون اشكرك .. الله يحفظك ويخليك

- لا تأمريني امر

- بس اكو شي ولو ازاحمك

- شنهوه ؟

- غراضي ومستمسكاتي وكل حاجاتي يم صديقتي باربيل

- تدزهم بيد سايق تعرفين رقمها

- اكدر اتواصل وياها على حسابي بس ما اعرف رقمها

- اي تواصلي وياها وخلي اتدزلج غراضج .. وسهلة واحنا هينا ندفع فلوس الاجرة .

- تمام ..

اخذت تليفون الحجية حملت الانستكرام بيه .. وتواصلت وياها ب١ بالليل جاوبتني .. كامت تسألني عن احوالي سولفت الها اطمنت عليه .. وكالتلي باجر اشوفلج سايق ادزلجياه .

ثاني يوم الصبح كعدتني الحجية
.. كالتلي : بنتي راح يجون عمام الرجال علمود موضوع الطلاك .. كعدي حبيبتي

- اي كعدت

- شبيج متضايقة

- لا بس راسي يوجعني ولعبانة نفسي

- اي هاي من الحمل .. كومي غسلي واكليلج حاجة هسه الصداع يروح ومعدتج تستقر يلا بنيتي كومي

كمت سبحت وغسلت .. لكيتها مسوية بيض وفوكها طماطة هي والحجي وباقي منها حمتلي الجاي كتلها : ماما لا اتعبين نفسج اني احمي ارتاحي انت

- ما عندي شي بنتي ..

حضنتها : ما اتمنى افاركك ابد .. اتمنى ابقى يمكم للابد

- البيت بيتج يماما شعدنا شو اني وابوج مالنا ونيس تونسينا لو بقيتي يمنا .

- اني احبج هواية

- يمه صدقة للبنيات اليعرفن يحبن حبيني بس اني مو تروحين تتوطين بغير حبجيات

- ههههههههههههههه لا بس انت
وكفت اكل واني احجي وياها : تصدكين ماما والله كرهت الرياجيل وكرهت كلامهم وغزلهم وحبهم وكرهت كلشي يطلع منهم احس تعقدت منهم كلش كلهم انانييين محد يحب صدك مل واحد يحبج حسب مصلحته .. من تتعارضين ويا مصالحه يطلع وجهه الثاني

- والوجه الثاني اخبث منه ماكو

- اي والله

- اغلبهم هيج بنتي بس هي هاي الحياة شنسوي .. الوحدة اضل بلايا زواج احسن الها هاي هيفاء رايدة ابن خالها .. مشوفتني الويل وهو لهسه لا خطب ولا بادر

- ابن خالها الكاعدة عدهم

- لا لا خالها الثاني هالباقية ابغدادمتقبل تجي تخاف تجي هنا وبعد ما تشوفه بس مو تكولين ابوها وعزام ضايجين من كعدتها هناك ويردوها تحي وشاكين بموضوعها اكو شي واني كاعدة اطمطم تا ما تتأذى لو دروا هي باقية هناك علمود ابن خالها شيخلصها وشيخلصني

- خطية

- يلا بنتي ..

رحت رتبت نفسي لحد ما اجو لبست حجابي ودخلت ..
بس الحجي جان موجود عزام بالشغل .. جان عيفان وعمه .. وعمه كوه مسيطر على عيفان كون اتفقوا وما يريده يخرب كلشي ..

اني ما دخلت ولا واجهت بس الحجي يمهم
والشيخ ردد صيغة الطلاك وعيفان طلك .. واني والحجية ورا الباب

اخذت نظرة شفته عاقد حواجبه وعيونه حمر دم
ما حركلي مشاعر بداخلي حسيت كلشي بيه مات من ناحيته .. لان شفت منه وجوه خبيثة ما تخدعني منظر المتضايق والزعلان افعاله جانت غير السانه ابدا .. ما شفت منه خير ابدا دمرني ما حياني .

رمى يمين الطلاك وانطى ١٥ مليون كغايب وتعويض عن الصار ويايا .. خلصوا وطلعوا .. هم عبالهم الطلاك وال١٥ هاهية .. تنازل وراح يطلعون ابوهم واخوهم ..

بس ما افتهموا عزام وهو يكللهم كفاله .. لما وصلوا للمركز ... كاللهم جيبوا كفيل حتى يطلع ابوكم واخوكم .. يتعهد الكفيل ان المتهمين ما يغادرون العراق ولا ينهزمون لحين اتمام الدعوى القضائية

كاله عمه : اي دعوة الردته منا سويناه وانطينا ١٥ مليون والولد طلك

- اي مقابل يطلعون بخير وسلامة ويرجعون لبيوتهم يبقى الموضوع الاساسي اللي تكاونوا عليه واللي هو الطفلة ..

- هذا الموضوع احنا نحله

- اي حلوه تا تسسون الموضوع وينتهي

- انت شنهو ول يابه ولي امر البنت .. عمها خالها بيا صفة جاي تامرنا وتساومنا

- انا مالي علاقة ..

احسه واكفلي هواية وديساعدني هواية ويدزلي ناس زينة مثلكم توكفلي وتساعدني بس اني كلشي ممسويتله .. فاريد اتقرب منه اكثر

- عفية .. هو هذا الصحيح التقرب من الله نجاة وتوفيق وانت لان نيتج طيبة وانجبرتي على الوضع .. محد يعرفج ويعرف المريتي بيه غيره لهذه هو دائما وياج ويساعدج

- ومرات يعاقبني لما اعلط اوكع بمشاكل تأذيني

- لما يعاقبج مو حتى يأذيج بس مثل الام لما تعاقب ابنها تريده منه ما يعيد غلطو .. حتى يصير احسن ويمشي عدل وما يتأذى بعد ..

كام ينصحني ويعلمني .. واني استمعله
احس متعطشة لانسان ينصحني ويرشدني اتمنى الانسان اليدليني ويكولي شنو اسوي وشنو ما اسوي واخلص من الضياع الاني بيه اتمنى الياخذ ايدي ويكولي هذا صح وهذا غلط .

صبينا الغدا وتغديت وياهم وهم يحجون وينصحون
والناس الكبار يحبون احد يستمع الهم ويسمع نصايحهم يكعدون يشرحوله شصار وشدار بحياتهم ..

فكعدوا بجلسة طويلة والحجي يحجيلي شصار وياه وشلون واجه الحياة وربى اولاده وتعب .

لحد ما صارت ب٣ الظهر ..
الحجية نامت بمكانها وهي متمددة بالصالة والحجي كال : راح اروح اخذلي غفوة ساعة وكعدينا تنروح للطبيب

- ماشي عمو

- لا تكليلي عمو كليلي بابا انت مثل بنتي ان شاءالله واحسبيني مثل ابوج .

دمعت عيوني لما كالي هشكل ..
حسيت ربي كافئني لما صليت ... صارلي اب !

ساعة وكعدت الحجية كالت خلي اروح اكعد عمح
كتلها : يكولي بعد لتكوليلي عنو كوليلي بابا بعد هو ابويه

- هااا ولج شعارة هو ابوج واني شنو ما تكليلي يمه

كمتلها من مكاني احضنها باستني وهي تكولي : الله يرضى عليج بنيتي بس عمج او ابوج مثل ما سميتي ما يقبل تطلعين بلا حجاب وياه انت البسي جبة من هيفاء وحطي حجاب لان ناس وجماعته يشوفوه ..

- اي اي عادي اني احب البس هيج

- يلا عفية بنيتي

رحت لبست من ملابس هيفاء .. جبة و حجاب وهو غسل وجه وغير دشداشته والحجية لفة حجابها والجبة مالتها وطلعت اني وياها وهو بالسيارة

خابر عزام كالوا : ها يابه وينك

- طلعنا والله يابه

- مو كتلك اني اجي اخذها للبنية

- اخذ راحتك انا وامك هم تضايكنا من البيت نطلع شوية نفتره

- ها زين .. عم الولد خابرني كتلو البنية يم الوالد كال نجيكم بالليل

- وعلويش يجونا العدنا حجينا

- ما يريدون ينطون فلوس يابه يردوها بحجة رجلها يريدها تا تتنازل

- حجي بكيفهم هم الواحد يتعدى عليك ويكتلك وتعال يلا اتنازل بدون تعويض وين صايرة حتى القران يكول الجروح قصاص

-يجون بالليل ونفهم منهم ..

- ان شاءالله خل نشوف شنهو يالفتها البنية وجهه اصفر ومخنچرة ..

- عود خابرني

- ان  شاءالله

سده واخذوني للدكتور طلب تحليل رحت سويت التحليل ربع ساعة وطلع .. ابو التحليلات كالو : لبنتك حجي ؟

- اي والله ابني لبنتي

- حامل

عكد حاجبو : ها خير ان شاءالله

احنا شوية عنه .. كالتله : ها بشّر ؟

- البنت حامل

- يارحمتك ربي ..

عقدت حاجبي : شلون حامل !

اندارتلي : ليش هو ما يجي يمج ؟

- لا بس ما ادري .. يعني

همستلي : يعني هو ما متقربلج لو شنو

- لا يمكن مرة او مرتين بس قبل لازتصير هاي الحادثة مال اهله

- اي عجل عليش مستغربة غير الله ما قصر هالرزقج جاهل بدل الخذوه منج

-وارجعلهم اني ما اريد ارجعلهم

- لا ترجعيلهم اذا اتريدين ياهو اليجبرج

- اذا دره اني حامل راح يغصبني ارجع واعيد نفس السيناريو ياخذ الجاهل مني وهم يكولي بيباي وارجع اعيد نفس الوجع

باوعت الحجية للحجي : ما نكلوا اذا تريدين .. خلي الامر بينا حتى عزام ما نكلوا خاف ينحرج بينهم .. خلي يحجي وينطلق ويجيبون شيخ يطلك .. تا تخلصين منو 

عاقدة وجهي واباوعله بحيرة وقهر وخوف
طبطبت الحجية على رجلي : لا تفكرين مو اليوم صليتي وذبيتي حملج على ربج .. الله موجود بنتي ما ينساج هو اليشيل حمولج .

- ولو جبت وهم ياخذو مني

- حطي عينج بعين الله وكولي يا الله .

كمت وياهم مشينا اخذلنا حجي لفات كباب وبيبسي وهم يضحكون ويحاولون يونسوني .. رجعنا للبيت والحجية تكولي : لا تكدرين خاطرج ربج ياخذ وينطي احسبي الراح الهم والجاي الج لا تفكرين بغير هيج حتى تريحين نفسج ..

فتحت اديه الها : الله لا يحرمني منج .

حضنتني : بنيتي حبيبتي .. لا تفكرين امي انت افترهي وافرحي ومالج علاقة دنعل ابو الراح لابو الاجا ..

بقت تطمني .. دخل عزام مال : ها اليوم دك احضان شنو الموضوع.

- اي اني وبنتي شتريد من عدنا

- هاااه صارت بنتج اي الله يثخن لبنكم .

ضحكنا وهو يكول : جايين بالطريق حضروا نفسكم .

رحت ويا ماما هي وكفت تسوي جاي واني كمت انظف رغم كلشي نظيف بس طلعت الكلاصات اللي بالكاونتر والغراض وكمت امسح الدواخل هي حيل فرحت وكامت تعلمني شحط منظف وشلون اصفطهن

اجوي الزلم جوا يسولفون واني وياها نشتغل وهي تسولفي عن ايام شبابها ولون جانت عند اهلها وزوجوها ووضعها ويا اهل زوجها هم رحلة معانات استمتعت وانقهرت واني استمع الها .

لحد ما خلصوا ..

ركضت جابتلي مي والحجي دخلني ع المروحة ويهفيلي بالخاولي خطية وهو يدعي عليهم ويكول : حسبنا الله ونعم الوكيل .. بنية يتيمة مستقوين عليها مخافة الله ماكو .

شربت مي هديت وهم خطية رغم ما عرفوني هواية كعدت عدهم يومين بس هلكد تعلقوا بيه وخافوا عليه اثنينهم واكفين على طولهم منتظريني احجيلهم شصاير ويايا

.. سولفت الهم الصار
حجه ابوهم : هذا بنتي مو ادمي وما يناسبج
كلنالج بنتج اتركيها هي من الاساس مو الج واذا الله كاتبلها ترجعلج ماكو قوة اكبر من الله تكدر تمنع بس الله رايد هيج ارضي بقضاء الله وقدره وكافي تعومين عكس التيار تتعبين وما تكدرين ذول يا عمو انت مو كدهم ولا تكدريلهم ابتعدي منهم وخل يولون اتحسبي واتوكلي على ربج يدير امرج

حجت الحجية : مو لازم ناخذها طبيب خاف مسمميها شوف وجهه كلش اصفر

- اي بس المستشفيات كلهن امراض مو مال ناخذها للمستشفى خل شوية يصير العصر وناخذها اني وياج للطبيب احسن

- اي افضل خل اكوم اسويلها شوربة حبيبتي حتى دم مباقي بوجهه ..

مشت والحجي هو يكلي : ارتاحي بنتي ارتاحي
تمددت وراسي كلش مأذيني .. وروحي باهتة ومدري شصايرلي ..

راح الحجي للحمام واني على هالحالة سمعت الباب الكراج انفتح ... باوعت لباب الغرفة .. دخل عزام ..
باوعتله كال : ها العفو اسف .. ورجع للكراج

كعدت بسرعة وتعدلت ..
واني اكوله : لا العفو تفضل ..

دخل : ها شنو صار ضل بالي كلت مو مال اخابر 

طب ابوه كاله : ملة جلاب يولو .. ماخذها تا يلعب عقلها وينطيها الجاهلة ساعتين تتنازل يكلها الله وياج

- قابل تعلموني بهيج ناس .. شايفين منهم هواي
كلتي وقعنا عقد يم محامي اذا جبت الطفل يسلمج بيت وراتب دائم ..

- اي

- وليش لحد الان ما اتسلمتي شي

- لان اريد الطفلة

- ومدا ينطيجياها ليش ما انطاج البيت والراتب وسكتج .. هذا رايد ياخذ كلشي بدون ما ينطي شي ..

- هم خير من الله يعني ما اعتقد الموضوع عنده فلوس بس

- وخيرهم ينطوه الج انت بعينه بنت ليل .. يمكن يعجبه تبقين عنده لامور براسه بس لا تتخيلين فلوسه وتعب عمره ينطيجاه .. لا تتوقعين .

باوعتله : وشلون ؟

-اعرفي اتصرفي بذكاء مو تسرع وصياح وتجاوز اي غلط وياهم ممكن يكلفج حياتج وسووها .. هسه انت اكعدي ارتاحي هينا واليجي خلي يتفاهم ويانا .. نحلها نكول اجاي دخيله عند الوالد وما نكدر نعيفها .

بس لا تطلعين هالفترة .. ولا تخليهم يلزموج باي مكان
اذا رجع طالب بيج نحجي وياه .. مالهم غير ينطونج فلوسج واسويلهم كفالة ويطلعون ..

حجه ابوه : كفالة لو تنازل

- لا التنازل يصير في حال وفوها حقها بنتهم عدهم البيت اللي واعدوها بيه وينه ووين العقد ؟ باي حق مرة تحبل تسعة اشهر وتجيبلها بشر يتسمى بأسم غيرها .. روح خلي ياخذه بس اقلها يسجله باسمها هاي دنيا المفروض الطفل باسمها حتى لو منع الطفلة منها .. عاد هنا يتخير لو تتسجل الطفلة باسمها لو يمضي عقده وينطيها حقها .. مال تطلع من السالفة بلا حمص هذا لعب واستغلال .

الحجي : اي والله هذا الصدگ .. بس يابه البنت اجتنا تزوع وتذب من راسها لازم ناخذها طبيب خاف مشربيها مسمميها ما ندري شمنطيها

- العصر ناخذها ان شاءالله .. خلي ترتاح هسه
هيفاء شوكت تجي ؟

حجت امه : خابرتها ابيت خالها .. تكلي كاعد اقرا وامتحن

- وين اكو اقراية وكتابة خلي تجي هنا تقرا

- تكول الكتروني مدري شلون والله ما افهم يا ابني

- الى متى تبقى هناك خلي تجي هنا .. وتمتحن ع التليفون .

- خابرها واحجي وياها اني حجيت لحد ممليت مدا تقبل .

- سهلة .. شمسوين غدا

- دا اسوي شوربة كلت خطية تاكل معدتها متأذية

- خير ان شاءالله انا راح ارجع الدوام مناك اطلع للبيت .. العصر اجيكم

- اخذ راحتك يمه .

مشى واني بقيت كاعدة يمهم اثنينهم وكفوا يصلون الحجي ع السجادة والحجي ع الكرسي .. كملت كالتلي : بس شوفي الشوربة بنتي خاف استوت

كمت من مكاني خطتها في ايرة ثكيلة حطيت شوية مي وحضرت الصينية والمواعين ورحت الها هي تدعي

كلت الها : الواحد شلون يصلي خالة

ابتسمت : متعرفين تصلين

- ما بحياتي احد علمني شلون تكون للصلاة .

- روحي توضي وتعاي

- شلون اتوضى

ضحك الحجي كاللها : اكسبي بيها اجر وعلميها الصلاة يصيرلج اجر بكل ركعة تصليها طول حياتها

- شفايلته اليعلم احد ع الصلاة كومي بنتي

وكفتني كدام المغسلة علمتني شلون اتوضى .. وانطتني ازار الصلاة ووكفت بمكان الحجي كاموا هي وياه يحجون ويعلموني .. وفرحانين بيه وهو يحجي شي وهي تصححله وهي تحجي وهو يعترض .. وانخبصوا بينهم

كمت اضحك على وضعهم ..
كلش حبيتهم .. خلصت الصلاة .. صابني شعور حلو وخفيف وكانما اطنان من الهموم والثقل على اكتافي .. انزاح وكأني روحي تحررت .

وهو يكولي : عفية بنتي التزمي بصلاتج والج مني هدية ..

- كلما تصلون صيحولي اصلي حتى اتعلمها زين وابقى اصلي

حجت الحجية : شنو الخلاج تصلين

- محتاجة رب العالمين محتاجة امشي بطريقه ..

- الفلوس رادها الي مو اله

- وهذا شي يخصنا احنا

- بس هم تعدوا عليه ورادوا يقتلوني .. لما يردون يطلعون غير ينطون حق طلعتهم

- يعني انت دا تساوميهم

- لا .. بس اتنازلت بسهولة شمدريني ما الموضوع ينعاد

- وتريدين تعويض وبنتج وكل هاي مقابل تنازل

- واللهي عيفان من بعد الصار والسويته لا تتوقع مني اعاملك بلين وعاطفة من حقي ادور مصلحتي .. اهلك تعدوا عليا انت تعديت عليه وضربتني وكملوها ولد عمك .. ليش دا اسكت عن حقي على كل هذا الضرب والاعتداء ؟

- هسه ما افتهمت تريدين فلوس لو تريدين بنتج

- اثنينهن من حقي

- طلعتي مادية يعني

- ليش الطيبة بيش فادت حتى اتعامل بيها ؟

- اني شذنبي بابوي والسواه عمران

- ذنبك صدكتهم وضربتني واذيتني ..

- سبحان اللي ما يغلط انت ليش توكفين وياي على الزلة

- يا زلة منهن اعديها وما اوكف عليها .. اتريد اعددلك المشيت وما وكفتلك عليهن ؟

- هسه يا بنتي دا اكولج اجيبلج البنية والله واحطها بحضنج بعد شتردين

- اي روح جيبها صار ساعة اكولك انطيني

-وتتنازلين

- انطي فلوس ونتنازل

- انطي ٥٠ مليون منين اجييب دشوفين كورونا وخسرت بالمطعم وسديته ومعاملنا نصها وكفت ..

- ومنو كال منك .. من ابوك واخوك خل يدفعون ثمن حريتهم مثل حاولوا يقتلوني ليش دا تتحمل ثمن افعالهم

- لان اني جبتج

- واني ابتعدت منك مع هذا هم معافوني

- لان كل الصار من وراي

- ومن ما كدرولك كالوا عاي مالها اهل يلا هل نكتلها ونريح بالنا مو

- تالي

- جيب بنتي

- وتتنازلين

- عادي ٢٥ مليون

- لا والله

- اكولك على كولة الضابط لو متزوجني ودافعلي مهر ومسويلي عرس هم يصير فوك هالمبلغ انت ليش مستخسر بيه كلشي

- منهو المستخسر بيج .. اجرت عاملة افريقية لخدمتج وانت العفتيني وطلعتي

- طلعت !! ااااااخ اخخخخ .. انت راح تجيب الطفلة لو لا ؟

- تأمريني امر اجيبها والله بس لا تصعبيها عليه بداعتي

- ان شاءالله بس جيبها .

طلع .. اني لحكته وطلعت وراه رحت للحمام .. طلعت ريحة الاكل كلش قوية يم الكليدور .. وما اعرف ريحة زفر بيض تلعب النفس .

بسرعة لزمت المغسلة وكمت اتقيئ
نزل عيفان يركض : شبيج يولي شصايرلج ؟

- ما اعرف ريحة البيض تلعب النفس ياربي راحت روحي
اتقيء واحس اريد استفرغ رغم ماكو شي ببطني .. روحي دا تطلع من الالم ..

- دتعاي تعاي ارتاحي
مشى جاب مي وامه تتحاجه وياه
انطاني المي .. اخذت اشرب وهو يكولي ارتاحي شو ارتاحي

اخذني للغرفة تمددت راح جابلي الطفلة واجا ..
فز كلبي من شفتها .. اخذتها احضن بيها وابوسها ..

بس الطفلة مدا تريدني ابد كامت تبجي بحضني
وهو عافني ومشى .. كمت ابوس بيها واسكتها وهي مستغربتني نطت من البجي وتباوع للباب عرفت تريده .. ومتريدني

تركتها وصعدت بسرعة حتى اخذ الممه او الملاهيه اسكتها بيها
جانت بيان تتعارك وياه .. لان ماخذ الطفلة وهو يكولها : شصير انا ما دا تشوفين ابويه واخوية بالسجن تردين اعووووفهم يخيسوووون بالسجننننن

- وتاخذ الطفلة

- ويولي بس فترة اصبري فترة وهي وين عنج هيانها كبالج انت ليش اتطلعين صوتي .. كافي اتحملي بس هالفترة .. وترجعلج

- اكولك انت دا تبيع براسي حلاوة بنت الشوارع هاي تريد تاخذ الطفلة تسجلها باسمها دا تفتهم شنو يعني البنية بعد ما جانت باسمي وبنتي تصير امها بنت الملاهي ما اقبل

- ليش تخليني الخج يولي كتلج صووووتج شفتيني سجلتها خفتي حسج واصبري لحد ما احلها ما اريد صوتج يطلع .

وهي ترد عليه .. عفتهم ونزلت
دخلت الغرفة البنية ناطة من البچي .. باوعتلها .. شلتها وبستها وهي تبعد نفسها مني تريد اصعدها الهم ..

دمعت عيني ..
الطفلة متعلقة بيهم ومتريدني .. وهم متعلقين بيها
اني اللي حاطة روحي بمكان غلط .. اني هنا مضحوك عليه .. لو بقيت راح يجبرني بطريقة يخليني اتنازل وساعتها افلس من كل شي .. لا بنتي ولا فلوس لان هو مستحيف يتنازل ويدفع بيه ربع مو ملايين ديسلكلي ويطلعلي حجج

صحت على بنت مروان كلت الها .. اخذيها لبيان كوليلها تريد ممي

اخذتها وصعدت اني مجنت شايلة غراضي
بس طلعت من البيت بلا تفكير افضل منا يلزمني عيفان عرفت ناصبلي كمين حتى يغصبني اتنازل فطلعت قبل لا اتعرض لامور اكبر من طاقتي

اول ما طلعت لزمت تكسي ..
طلعت لمركز الشرطة .. وكفت بالباب كلت للشرطي : الرائد عزام موجود

- اي

- تكدر تصيحلو

الشرطي يعرفني من كثر مشاكلي كل اللي بالمركز صاروا يعرفوني .. شوية وطلع عزام : ها رسل شنو شو رجعتي

- اتندمت

- على ؟

- اعتقد راح يلحكني لهنا

دنگ لابو التكسي انطاه فلوس ودلاه منطقتهم والفرع ..

لما دخل الفرع اني عرفت بيتهم صفيت ونزلت ..
دكيت الباب .. شوية وطلعلي الحجي : هاااا ؟

- ياريتني ما رجعت ..

دخلت كمت اتقيى بالكراجب س مي اذب من معدتي
طلعتلي خالة تركض : شجالج يولي شصايرلج

- ما ادري راح امووت

- شاكلتي عدهم ولج خاف سمموج

- ما ادري
وارجع اتقيئ ..

المفقودة

((( بقلم زينب ماجد )))

الحلقة_٢٧

صعدت بالسيارة .. باوعتله عاقد حواجبه ..
كتله : ليش جاي

- لا يكون عاجبج الضابط وطابتلج العيشة ابيته

- تريد تقنعني دا ترجعني لان غيران وتحبني مو حتى تغصبني على التنازل

- رايدة فلوس مقابل تتنازلين ؟

- لا رايدة بنتي ..

- اي هاهية انطيج بنتج وكعدي وسكتي متفقين ؟

- بيان راح تقبل

- وياهو المسؤل عن الطفلة انا لو بيان

- ما راح تاخذها مني

- هسه انا كتلج اخذها منج لو كالج اكعدي واسكتي وخلي بنتج عندج ؟

- نشوف ..

اخذني وصل بيه للبيت .. جانوا نايمين محد كاعد ..
دخلت الغرفة كالي : نامي والصباح رباح

- لا انت جبتني حتى تنطيني بنتي وينها

- نايمة هي وبيان اعلعل الطفلة واجيبها تا تشوفيها

- اني انومها بس جيبها اني مشتاقتلها

- كتلج الصبح نامي ..

عافني ومشى .. تنهدت
كل مرة يرجع ويايا احس بشعور حلو واحسه راجعلي لانو ميكدري تركني ويخاف عليه ويحبني الا هالمرة ..

جانت المرة الاولى اللي گلبي كان قافل بابه بشكل نهائي
بعد ما تركني بنص الليل بحجة طلكني وسلمني لولد عمه تايضربوني وياذوني ولما خلصت نفسي من اديهم اجا ينكر هو مطلكني !

اني الغشيمة اللي كنت اصدك هو يحبني
زوجته صارلها وياه عمر ما حبها ولا وفالها ولا شفته فد يوم قدرها اجي اني من تالي استغرب ليش ميحبني .. انسان اناني ميحب غير نفسه .

تمددت ع السرير .. والافكار تترادم براسي ما اعرف منين ابدي وشسوي المهم ينطيني بنتي والباقي سهل.

ثاني يوم الصبح ..
كعدت جانت بيان كاعدة واكفة بالمطبخ دخلت الها احاجيها: بنتي وينها

هم استغربوا اني موجودة كلهم انداروا
عدت عليه امه : الج عين يطلعلج صوت وزلمنا بالحبس صارلهم اسبووووووع

- انطوني بنتي بالاول

بيان : ما الج بنت عندي هذا بنتي

- منين صارت بنتج خلفتي جبتي شسويتي ؟

- اخذي فلوسج من عيفان وشوفينا كفاج ما انطيج بنتي لو تنطيييين

- عيفان هو اللي جابني وكالي بنتج الج .. البنت ويييين

انصاح من وراي : صوووووت
انداريت عيفان ورايا

امه كالتله : يول انت شنهو من بشر بعد كل السوووووته باباوك واخوك جايبهاااااا للبيت

- يممممممه لا تعلميني شغليييي

عقدت حاجبي : وشنو هو شغلك تلعب عليه ؟ بنتي وينها اجيت وياك بالليل كتلي تنطيني بنتي

- ما جذبت عليج امشي تنازلي عن الدعوى مال الوالد وعمران وهسه البنت تصير الج

- لا والله وشنو اليثبت تصير الي ؟

- انا كتلج تصير الج يعني تصير الجججحح

بيان : كطنة واشعلها من اذنك واذنها بنتي ما انطيها لاحد افتهمت لو لا

عيفان : - انت لا تدخلين واصعدي لغرررررفتج

- اريد بنتي

- مو قبل ما تتنازلين

- مجان اتفاقنا البارحة هيج

- وشنهو جان اتفاقنا مو كتلج راح اخلي بنتج بحضنج بس فكي مشاكل

- ووينها بنتي

- تنازلي بالاول وتاخذيها مني

- لا حبيبي اللي. اكلته وشربته منكم ومن عمايلكم وصل بيه لهنا .. تسجل الطفلة بأسمي وتسويلي بيها تنازل وتعهد الحضانة تكون الي .. ذاك الوكت اني اتنازل

- وانت حاسبة التنازل سهل يحتاجل شهور اذا مو سنة يلا تتحول الطفلة بعد تحليل وفحوصات وودي وجيب

- اسمع .. مال تبيعلي السمج وهو بالمي وبالمشمش استلم .. لا يماما انتهى افلامك خلصت ويايا .. تسجلي الطفلة بيدي وتتنازل اتنازل متسلمني .. ما اتنازل عن حقي لو هسه على كص ركبتي .

- لا انت اسمعي اسلوب الملاهي هذا وافلامك وبالمشمش .. من تحجي كدامي السانججججج اكصو .. خليني كوا بالع اللي شفته بعيوني .. وساكت فاحترمي نفسج وانجعمييي خوووش

دفعني : لا لا .. ممجبور تتحمل ولا مجبورة اتحملك .. لا تحاول تقنعني انت رجعتني ومتحملني علمود انت تحبني ورايد مصلحتي .. تنطيني بنتي وتسجلها باسمي .. متنطيني ما اخطي ربع خطوة واتنازل افتهمت لو لا

سحبني من شعري : ياهو هذا التكليلا افتهمت لو لا احترمييييي نفسج .

- اوكي تمام .. ابتعد راح احترم نفسي ..

دفع ايده مني وابتعد : مدام انت مناوي تنطيني اني ما اريد ابقى هنا

- ووين تروووووحين

- وين ما اروح .. شيخصك .. لما تكون مستعد تنطيني بنتي احجي ويايا اذا جايبني هنا حتى تاذيني وتسحبني من شعري .. لا ما ابقى

- انت شحاسبة روحج

- انسان .. اذا متعاملني على هالاساس وتحترم شعوري وتحترمني وتبطل تستغلني .. اتركني مو صعب ولا طالبه المستحيل

-ولك يا حيف هاي مو ادعسها هيج بالقندرة كاعد تتكاون وياها وترد عليها وابوك بالسجنننننن

- امشي كدامي دا نحجي

- ما عندي شي احجي وياك

- امبلى نحجي

مشيت وياه .. دخلنا كال : يبنت الناس وتالي نضل هادد ومهدود

- انت اللي مصعبها اجيت وياك على مايك وكتلي راح انطيج بنتج بس وينها

- اذا ع الطفلة هسه اجيبلجياها

- لا مو بس تجيبيلاها اليوم وتاخذها باجر .. تسجلها باسمي اليوم وتاخذها باجر .

- زين شلون ابوي يبقى مسجون من وراي

- لا اذا على هاي كالك الضابط يطلعه بكفالة

- الكفالة يريد مقابلها فلوس

شوف عيفان اثبت اني زوجتك بالاول وعود ذاك الوكت اثبت انت طلكتني لو لا .. ما اريد اشوفك بحياتي

لزم الباب : شنو اللي تريدي فلوس ٥٠ مليون بيت اني انطيجياهن كلهن بس امشي وياي

-امشي منا عيفان

- ما اكدر اخليج هنا كافي انا البارحة حرت واحتاريت وين ادورج انا شفتج دخلتي المركز ما شفتج طلعتي حتى بالمركز اجيت ودورتج حسبالي لزموج بفد قضية ومحد كالي غير اليوم يلا عمي بلغني .. كافي تعبتيني

-عيفان اني نفسي اللي لكيتها بالحفلة نفسها اللي جبت الطريق كله تكتل وتهين بيها

دفع الباب ضربني بيه : اششششش كافي لتحجين هذا الحجي امشي

-اوووو دكافي اني مليت منك رووووح

-اسمعي انت مو تريدين بنتح انا مستعد اجيبها الج وتكعد بحضنج وتبقى يمج بس لا تسوين بينا هيج يولي خليتينا سيرة على كل السان .

-منو يثبتلي هالكلام ؟

-امشي هسه ويايا اذا ما اشيلها وانطيجياها شاربي مو علي

-ولو تراجعت ورجعتها لبيان

-شتريدين سوي

دنحجي اجا عزام وكف الضاهر الحجية مخابرته خافت ع الحجي وهو مريض اجا كاله : شعندك هنا

- انت اللي ماخذها ..

- ها انت رجلها تذكرتك حسيت على روحك واجيت

راد يتلزم وياه الحجي صار بيناتهم
كاله : شرايد

- اذا ما تجي وياي هسسسسه بالقران لا اكلب الدنيا والبيت احركه فوككم

- لا تهدد يوووول احترم نفسك دا احجي وياك عدل احجي وياي عدل

- اليعرف العدل ما ياخذ مرة من رجلها ويضمها ابيتها

- دامك رجالها اخذها انا ما كاضبها بس لو ما صرتلها رجل واذيتها هم تجيلي مرتك وتشتكي وترفع دعوة

وكف وياه طول بطول وكال : -انت خليك جنب ومالك علااااقة

باوعلي عزام : رايدة ترجعين وياه ؟

-ديكول حيرجعلي بنتي

-افضلج ترجعين بس اذا واحد منهم حاول يخليج تتنازلين عن القضية اعتبري بيت اهلي بيتج

-رحم الله والديك ما تقصر

-تاخذها بس .. فلوس التعويض مالتها توصلني .. ولمااا توصل انا اطلع ابوك بكفالة غير هالحجي لا تحاول تجبرها على شي لان قضية ابوك يمي

- ههههههه من البداية احجيها حضرة الضابط كول رايد المالات حتى اشيل ايدي بعد مسوي بيها الكافل ليشش

- الفلوس توصلني .. اطلع ابوك ما يطلع يبقى بالحبس واحوله محكمة عود ساعتها جر ليل واخذ عتابة

ضحك عيفان : تأمر اذا على الفلوس هن وقنادرنا والرخيص للرخيص

باوعلي : امشي كدامي

-اغير ملابس

عيفان وكف على صفحة وعزام دخل يحجي ويا الحجي ..
بدلت ودا اطلع .. حجه : هين

-ها

- اعتبري البيت بيتج ولا يخدعج بتنازل وانا ما راح اطلع ابوهم بكفالة لحد ما يوصلج التعويض .. وعود من يحول بيت باسمج ويكتبلج راتب حقيقي ساعتها اتنازلي خوش

-بس ديكولي راح يرجعلي بنتي ما اريد البيت

- لا تتأملين .. ما فاد العنف والنهديد راح يتمسكنون لحد ما يتمكنون يريد بنتج صدك يثبت نسل ونسبها ويحط اسمج ويمضي على تعهد في حال انفصلتوا الحضانة الج  .. غير هيج لا تصدكين يحطها بحضنج ابد ..


-اني والله ما اعرف شلون اجازيك وشلون اوفيك

-هسه دروحي وخلي نشوفج بخير وسهلة ولو احتاريتي وصاكت بيج الدنيا هالباب مفتوح وانا تندليني

ابتسمت .. رغم ما متزوج
بس لأول مرة اشعر برجل كدامي كلامه كلها حنية وامانة
بكم كلمة سندلي گلبي وطار الخوف مني وكأني عندي ظهر لو رحت وما وفوا ويايا ما اخاف وما افكر راح ارجعله ..

من هالليلة جان اكو نقطة تحول بشعوري .. يتبع

_____

#زينب_ماجد

- سمعته يحاجي ابوه البارحة كال يساومهم يكلهم ابوكم واخوكم رادوا يكتلوها كتل موت .. وابنكم طلكها وذبها بالشارع لا مهر ولا عانة وفوك هذا .. ولدكم كتلوها وهددوها .. كل ذني اكدر انا اثبتهن عليكم وعدها اليثبت والادلة ( الصدك هو ما عنده بس حتى يضغط عليهم ) تا ياخذ منهم الج فلوس .. وتتنازلين

- ما ادري .. ما اعرف شسوي ..

كامت تحجي ويايا وهي تشتغل .. لحد ما كملت ريوك واني اساعدها كعدنا ناكل ونسولف ..

للظهر اجا عزام تغدا وكعد ينتظر اهل عيفان واعدهم يجونا تيتفق وياهم .

لحد ما اجو اول شي حجالهم الوضع القانوني وكاللهم
كل ما دا تأذوها دا تعقدون الموضوع اكثر وتثبتون اقوالها على ابوكم واخوكم اكثر ويزيد عليهم الحكم

واذا كتلتلوها فرضا ما راح تستفادون شي بس ممكن ابوها واخوكم ياخذون سجن سنين طويلة وابوكم رجل كبير احتمال ما يتحمل احتمال يموت بالسجن .. فانتم اذا تعتقدون الموضوع راح ينتهي بالعنف والترهيب لا تتوقعون تنجحون

البنية مثل اختي اذا مالها اهل ومحد يطلع الكم ويواجهكم انا اطلع ولا تعتقدون انا ضدكم .. اكدر اتبرى من السالفة وابوكم واخوكم يتورطون لكن دا اتدخل بالسالفة لخاطركم ولخاطر البنية كونها يتيمة .. ورايد ادخل بينكم بالمعروف

كالوله : شنهو المطلوب منا

كاللهم : ٥٠ مليون نقدا كاش تنطي بيد البنية تعويض على كل اللي صار بيها من محاولة قتل وتعذيب وتهديد وابتزاز وايضا استغلالها واستغفالها .. بامر حملها

واللي عرفته انه اكو عقد ما بينها هي واللي اتولها عيفان يمكن اسمو .. هذا العقد ينص على ان يدفعلها بيت بأسمها وراتب شهري  مستمر لأنها راح تحمل بدل زوجته وتنطي الطفل لزوجته ..

وين البيت ووين الراتب ووين الطفلة ؟


حجه عمه :  موضوع البيت والراتب احنا نحله ويا عيفان وهو يخصموا  .. والطفلة بتنا ومالها ضنا عدنا ولا تحلم تشوف من البنية قيد شعرة

والفلوس ما عدنا غير بالزايد ١٠ ملايين .. تحسبهن مهر تحسبهن تعويض اليحلالها وتتنازل عن الدعوى الرافعتها بحق الحجي اجحيل

غير هيج هذا يسمونا ابتزاز يا حضرة الضابط عد ما تريد ٥٠ هلى التنازل ..

- اي من حقك ذيج المحكمة وروح اثبت هي ابتزتك و طالبتك ٥٠ مليون حتى تتنازل .. وشوف  اذاالمحكمة بعد ستة اشهر سبعة تنطيك حق لو لا

انا هذا العندي والبنية تبقى هنا بامانتي وخاف تكول ابيتي .. البيت فارغ بس الحجي والحجية موجودين .. وانتم عاندوا بكيفكم

حجه واحد من ولد عمهم وهو يغمزله  : - اطلع النا من الاخير شمواعدتك وشكد حصتك من التعويض .

عزام : الحشمة للكاعدين وللبيت كون انتم ضيوفي .. والا علمتك ياهو المنا اليستغل مرة ويستفاد براسها .

- المرة مرت ابنه واحنا بالعشاير نحكك مخلي مرت ابنا ابيتك على يا مال

- ابنكم رمى عليها يمين الطلاق

- باطل لا مطلك ولا حاجي وذاك وينه يصيح اريد مرتي .. وهي كل التلزك بيه تكول انا ما متزوجة ومطلكني تا ينفكها .

- هذا طعن بالشرف كدام الكل اعتبره ؟

- من زود الشرف تا تكول طعن هي غير ركاصة ولفيناها

- عجل الشور ع اللفاها من تلفي ركاصات وتخليهن عرضك معناها انت تشتم بعرضك .. حالك حال تفال السما يولو ..

- ٢٠ ما نزيد عليهن مليون

- لا تزيد خليهن بجيبك وادفى بيهن محد جابركم على شي ولا هي رايدة شي .. العندي كلته تنفذوه انا كتلكم طباب خير .. القضية يمي اطلعوا بكفالة .. لحد ما تسوون كل المطلوب منكم ذاك الوكت تتنازل .

كاموا يحجون ويتصايحون
هو جان كلش حاد وياهم .. شافوا ما بيه مجال خلوا وطلعوا ..
ما حجة ويايا طلع وراهم وراح لبيته واني بقيت ويا الحجي والحجية .

بالليل واني نايمة اندكت الباب كام الحجي ديشوف منو
طلع عيفان .. كالوا : مرتي عندكم بالبيت انا رايدها

- هلا بيك وليدي بس البنية اجو عمامك وحجيتا بالسالفة وعزام كاللهم العنده والتريده البنية

- وعزام ياهو تا يتدخل بمرتي ؟

- كالت طلكني

- جذاب انا ما مطلك وهسه تطلع من بيتكم لا والله هينا اكلب الدنيا

- ول يابه عليش تكلب الدينا وشعدنا وياك البنية هي اللي لاذت بينا بعد ما انت وولد عمك جرتوا اعليها

- صيحلها حجي

- اتوكل منا والصباح رباح

- ما ارضى تبقى عدكم .. هسه تجي

- روح منا وليدي ليش تسويها هوسة

على صوت صياحه كعدت .. فزيت من مكاني وكمت .. شفت الحجية واكفة وتسمي وتدعي .. شيريد ؟

ركضت ليبرا والحجي يتصايح وياه صحت : شتريد
الحجي دخل وكف بالحوش على تى يخليني احجي وياه وهو يصيح

- امشي كدامي يولي

- ليش حتى امشي وياك منو انت ؟

- امشي بلاااااااا كلام

- امشي منا احسن ما يأذوك اسلوبك هذا ما نفعك كبل حتى ينفعك هسه ابتعد وعوفني  انت طلكتني وعفتي هاهية رووووح

- انا ما طلكت لج رايدة تشيعين طلكت تا تخورين على كيفج اهينج بالنعال والله

- قصدك ما عندي دليل يثبت طلاقك .. وجاي دا تنكر طلاقك لما عفتني بشارع اظلم وحدي بلا تليفون وبلا فلوس ...

- ماخذين مني بنتي

- بنتج اللي هي حفيدتهم مو صحيح ؟

- اي

- شوفي اختي .. واني بحسبة اخوج ان شاءالله بس ثقي بالله العلي العظيم لو اني بمكانهم وانت ام بنتي ما اسلمج بنتنا

- بس هي بنتي

- بس بنتهم وعرضهم وراجعتلهم .. صح لو لا

- اني ما افهم هالامور هي بنتي ممانعتهم منها بس مالهم حق ياخذون بنتي مني

- غلطج وانا اذا اكعد اعاتبج والومج واكثر حجي ونصح واليصير والمايصير ما يفيد ولا راح ينفعج بشي بس اكولج ما راح ينطونج بنتهم لو على كص ركبتج ... هاي الفكرة اتقبليها اسحبي نفسج ما خلفتي .. ما جبتي اتجرعي الحقيقة وابلعيها واكسبي نفسج

يا اختي والله ما راح يعوفوج بحالج
ولو دروا انت ابيتنا راح يدارونها علي ويطلعوني صاحبج ويطلعوني متعاون وياج ويألفون الف شغلة هاي اذا ما ضروني بشغلي ولفوها علي هيج ناس اعرفهم وانت مندكة ويا جبيرهم

تعرفين شنهو يعني ابوهم صارله ٣ ايام مسجون
يولي كتل مستعدين يكتلون هسه ياكلون بشر والله .. انت خوية لا بكدهم ولا تكدرين تتقارشي وياهم خلصي نفسج

- وانسى السووه بيه

- لا .. بس ساوميهم دوري مصلحتج من القضية خو بدل ما كاعدين يدورون عليج ويتعطشون لدمج ساوميهم انت لا بيت لا مكان لا مستقر لا شغل لا عمل ضايعة .. اخذي مصلحتج منهم

مو القران يكول الحروح قصاص ينطونج تعويض مقابل تنازل .. واخذي اللي يفيدج

- وبنتي

- ما ترجعلج يا اختي اذا ما تستوعبين هالفكرة ثقي بالله العظيم ما راح يعرفوج بحالج .. ولا تكولين انا نا اخاف الموت وما عندي شي اخسره اغلى نعمة عند الإنسان صحته لو سوولج شي  وعوقوج ما موتوج وما متي وخسرتي صحتج بيش تعوضيها ؟ ترجعلج بنتج ؟ لا تكولين ما عندي شي اخسره امبلا عندج صحتج خافي على نفسج ..

دامج بنية بعدج بحيلج وصغير ان شاءالله باجر عكبة الله يرزقج ابن حلال ادمي وتخلفين منه بدل الوحدة عشرة .. بس اتركيها واخذي مصلحتج .

- صعب يعني اعوف بنتي

- يولي مو اصعب من وضعج ؟

حجت خالة : ياما نسوان انحرمن من ضناهن وحطن عينهن بعين ربهن وصبرن وعاشن . والصدك يخالة وضعج مو مال تاخذين البنية عندج تاخذيها وين تعيشيها اذا انت نفسج ما جاي تكدرين تعيشيها تورطين البنية وياج ..

عزام : لا وحتى لو ثبتي هي بنتج وهسه انطوج ياها ترا يكدر يرفع عليج دعوة بالقانون ويثبت انت غير مؤهلة للحضانة وترتادين الملاهي والاماكن وجان عندج ماضي  حتى القانون يحرمج الحضانة ..

وترجعين لنقطة الصفر
يغني فوك نا مواجهة عشيرة كلها تواجهين القانون .. وتخسرين بيهن كلهن .. فالواحد ليش يطب معارك خاسرة وهو ما عنده سلاح يحارب بيه .. استسلامج من صالحج بس بشروطج

كمت ابجي احس الحجي صعب كال : حقج انت بنت ومحرومة وما عندج عائلة وحقج تتعلقين بيها بس هذا الصدك انا والله قاهرني وضعج والا لا الي علاقة بيج ولا اجيبج لبيت اهلي ولا ادخل اتعامل مع القضية كشؤون عمل تنتهي بمجرد ما ينتهي الدوام وخلصت ..

بس وضعج هذا صعب وانا ما بيدي الج غير النصيحة اللي انت بامس الحاجة الها ولواحد يوجهج ويكولج شنو الوضع ويعلمج لان انت صغيرة لا تعرفين ذوله العشاير شنو ولا تعرفين الواقع شنو .. ما تكدرين لازم واحد جبير ينصحج ويعلمج شنهو اليفيدج وشنهو اليصير بيج اذا اصريتي وواجهتي

ثقي مايعوفوج ولا ينطوج بتهم وياخذون اللي يريدو ياخذون .. لا قانون يمنعم ولا اي بشر .. هذا الواقع اذا عايشة غير واقع فانت وهمانة اصحي لنفسج

- شسوي

- تخليها عليا واني اخوج ؟

هزيت راسي .. كالي : اخذي راحتج اذا تعبانة انا ادزلهم واحد احاجي واكلهم البنية عندي .

- وتنطيهم مكاني

- لتفكرين بهالامور اخذي راحتج

حجت خالة : انت تعبانة امشي نامي وارتاحي ومن تكعدين يحجيلج الصار روحي

- ماشي

كمت للغرفة ذبيت الحجاب وتمددت
تخيلت وضعي كلش كرهت نفسي
بس كلامه صحيح اني ادور بدوامه شكد ما انهزم منهم مدا اكدر ..

واذا جنت حاطة ابالي .. اشتغل واوكف على حيلي وارفع عليهم دعوة تبدت احلامي وهو يكولي القانون ما راح ينطيني حق وراح يكدر يسحب مني الطفلة اذا عيفان يثبتلهم اني اشتغل بنوادي ليلية .

اذا اني رحتلي ليلة خابروه وكالوله اني بالسهرة
شمدريني ما يجيبهم يشهدون هم جانوا بحفلة اني اركص بيها ويشهدون لصالحه ..

كامت دموعي تصب
اجيب راسي منا مترهم احط راسي منا .. صعب
حياتي ملش صعبة ومالي معين


لليل واني منايمة بس امثل النوم وعقلي بدوامه
بس كدرت استوعب ان بنتي مو الي لو شما حاولت اسوي ..

ما كعدوني لثاني يوم كعدت راسي كلش ثكيل وعيوني مورمة
حجت خالتي : وجهج اصفر خالة .. راح اسوي ريوك اكلي تا يرجع الدم بوجهج اكيد باجية مو

- صعب خالة صعب

- يعيون خالتج ليش اني ما ادري صعب بس شتسوين .. شجابرك ع المر غير الامر منه ولا حالج هذا يخاله يصعب ع الكافر ..

وعزام ما قصر .. كاللهم  البنية عندي وانا كفالها تجون باجر ع اليوم .. تسمعون شروطها وتنفذوها وانا حلال سالفتكم .

- شلون راح يحلها

تنهدت واني امشي اباوع الملابس مال البنية بنتهم .. اخذت ثوب يجي على كدي .. ومشيت للحمام سمعت الحجية بالمطبخ والحجي بالصالة يسمع اخبار

رحت للحجية : اساعدج خالة

- لا يخالة فدوة لعمرج حبيبتي رايحة تسبحين

- اي

- حمام الهنا روحي اسبحي وارتاحي تا تتغدين ويانا سويت شلون دليمية تاكلين اصابيعج وراها .

ابتسمت : ماشي

رحت للحمام .. غسلت واكتشفت جسمي كله جروح وزراك وراسي كلش ياذيني ما اكدر افرك الشامبو الشعراية احسها تاذيني من احركها ..

وكفت كدام المرايا اثار ضرب على خدي وشفتي كلها جروح .. تجمعت  الدموع بعيني واني اشوف  روحي جايسها الوجع من كل مكان .. جسد وروح

اجت على بالي اغنية .. ادندنها واغنيها لروحي واني واكفة اباوعلها
هتعمل ايه لو نمت يوم وصحيت بصيت ..
وشفت نفسك في المرايا .. بكيت
جواك سؤال تصرخ تقول انا مين
انا زي ما انا وله انقسمت اثنين ؟
وبعدين ؟

ادندن ويا روحي ودموعي تنزل على خدودي ..
ربي اكتبلي اللي بيه الخير ..

لبست ملابس بنتهم وغسلت ملابسي الداخلية لانو ما عندي  غيرهم وطلعت الحجية بالمطبخ كلت الها : وين اشرهم خالة ؟

-ها نعيما سبحتي

- اي .. بس هاي الملابس مالتي اريد اشرهم بمكان بيه شمس لانو ما عندي غيرهم اريدهم ينشفون بسرعة

فتحتلي الترك وكالت : هنا ع الشمس ساعة تلكيهن ناشفات

- ها مشكورة

شريتهن وهي تسألني : ليش اخذ بنتج منج

حجيتلها بقت واكفة وانتجت ع الكاونتر تستمعلي
كالت : بس خالة السويتي غلط يعني البنية بنت حرام .. بس هم ما عليج عتب الله يقيم الحجة ع العاقل واليعلم اذا انت محد معلمج قابل بيدج بس هن ذني دروب ابليس يخالة كلهن مهانة

وهسه يخالة شلون تضلين هيج
انا اكول الصدك وانت بحسبة ابنيتي وانت هذا حالج لو متحملة ويا رجلج ما دامه تكولينه يركض وراج لو كاسبته

- وبنتي

- شتسوين الدينا يخالة مو كلها النا اليريد شي يعوف شي

- ما اكدر اعوف بنتي صعب

- اي والله الله يلوم اللي يلومج الضنا عزيز يخالة واحدهم لجمته بالكلب الحان عمره يوم  والجانه اطول منج .. هو هو ..

- مبين بعيونج تشتاقيلهم

بسرعة دمعت : اي والله
ورفعت حجابها تمسح عيونها : بس شسوي كل واحد بيهم يريد يعيش حياته ما بيدي اكضبهم واخليهم كبال عيوني

-عزام لعد ليش معايش وياكم

- عده عائلة وجهال ومرة ما ترهم يكعد ويانا

- بس انتو غير امه وابوه جان انتم رحتو كعدتوا وياه يعني اشوفها صعبة انتم وحدكم مرة ورجال

- مرته ما تود الها احد

- يا يعني متريدكم

- بعد شنسوي خوما نهجم بيت ابنا حتى يعيشنا شنريد منه وهو هم حنين ما عايفنا الشاهد الله يومية عدنا واكثر الاوكات يجي ويانا يتغدا ..

- خطية

واحنا مستمرين بالسوالف طلعت المواعين وصبت الاكل انطبك الباب صاحت : صااااالح هذا عزام اجا

صاح عزام : اي يمه انا

.. راد يفوت ابوه كاله : بنت داخل ول ابني

كال : ها العفو

رحت للغرفة .. وهي تصب وشالت الصينية : يلا خالة تعاي تغدي ويانا

- لا والله خالة كلش تعبانة اكلوا بالعافية تسلمين

- لا ما يصير ناكل شنو وعزام هم يريدج يريد يحاجيج كومي بس ذبي حجاب على اكتافج لان جسمج بارز

- ما عندي حجاب

- ذني مال هيفاء شو فتحي هاي الخانة

فتحتها لكيت حجابات خذيت اسود وذبيته على راسي كامت تعدلة وتجيبه ليكدام حتى تغطي لان ملابسه ملابس داخلية .. رحت سلمت كال : يا هلا شلونهم 

- زينة

- تفضلي اتفضلي ..

كعدت من جهة الحجية وكاموا ياكلون انتظرته يحجي بس ما حجه .. راسي جان كلش مأذيني واحس بروحي نعسانة وتعبانة .. بس كاعدة ومنتجية هيج

حجه ابوهم : ما تاكلين بنتي لا تستحين اكلي

- ما اشتهي نفسي مسدودة

- شماكلة

-كلشي مماكلة بس ممشتهية شي

.. كام عزام غسل والحجية شوية وشالت الصينية كمت وياها صاح عزام : اختنا

- عليه

- اي خلي الوالدة تجيب الحاي وتعاي تا نحجي

- تمام

كملت الجاي ورجعت وياها اخذت كوب الجاي بيدي .. وهو كام يحجي وياي ويستفسر عن امور ووضعي السابق والحالي .. كالي : هسه شنهو اللي ابالج تسوي ؟

- ما اتنازل الهم

- وياچ لا تتنازلين بس الإنسان لابد يحكم عقلو ويتصرف على اساس تا ما يندم بعدين .. انت هسه انهزمتي منهم لاربيل وما خلصتي منهم انعرف مكانج بسرعة واجوج كبل .. معناها اللي تعرفيهم وواثقة بيهم هناك هم البايعيج ..

ما تنازليتي وبقيتي هشكل شلون راح تنحل ؟
انا رجل قانون واحجيلج قانون واكولج حقج ولازم يتعاقبون بس نحن هينا ديرة عشاير وهيج ناس انا اعرفهم ما يكدرلهم قانون وانت بلا ظهر لا اهل لا عمام تطلعلج وتواجهم ..

مثل اليوم كتلوج واذوج وهددوج وجابوج لا تعرفين اساميهم لا ارقام سياراتهم .. يطلعولج الف منهم تكدريلهم ؟

- ما ادري .. اني ما عندي شي اخسره اذا ما واجهتم يكتلوني هم بالحالتين ما عايفيني

- على ثمج نور بالحالتين ما عايفيج .. شنهو اليردو منج ؟

- اترك ابنهم وابتعد

- اي خلصي نفسج اتركي شعندج مورطة نفسج وياهم

بقى يحجي ويا الممرضة
ورجع اندار ويحجي ويايا واني هلكانة من التعب

راح أوصفلچ مسكن للألم، وبعد ما يخف الألم نبدأ علاج طبيعي بالتدريج حتى ترجع حركة الكتف وقوته. والأهم، لا تحملين شي ثقيل ولا تسوين أي حركة مفاجئة بالكتف إلى أن نسمح لج تمام ؟

هزيت راسي بدون جواب

عدلتلي ملابسي وعيفان مام يحجي ويا الدكتور دخل وهي لبستني مسند مال ظهر وجتف وايد وكالت : هالفترة راح تحتاجين احد يمج يساعدج تكومين وتكعدين لحد ما يرجع جتفج لمكانه متنامين صفح ابدا ..وارتاحي لا تسوين اي شي على كد الحمام وارجعي






-راح ابقى بالمستشفى

- عادي الدكتور كال تكدرين تطلعين بس راح تتأذين برا .. اذا عندج سرير كهربائي وناس يهتمون بيج بالبيت نكتبلج راجيتة علاج واطلعي بس اخذي حذرج كلش زين اي حركة مفاجئة او حمل اي شي بأيدج اليمنى راح يعرضج لالم قوي .. وراح تسوء حالتج اكثر ..

- لا لا تطلع افضل هناك احنه نهتم بيها اكثر .

كتب الدكتور لستة علاج واجاني كالي : راح اخليج على كرسي خاف تتأذين بالمشي منا للسيارة وصيت عبدالله يخليها كدام الباب

- اتركني وروح انت ما مجبور بيه

- ياريت تنجبين وتاكلين *** لا بزعتيني وروحي واصلة منج لهينا كلمة زايدة والله انعل والديج واكص رجليج واعوقج طايحة الحظ هم اسمعلها رأي بعد السوته

- ممجبور بيه

- كلت اكلي ****

حجاها وطلع جاب سديا .. ورجع
سندني على صدره ورفعني وكعدني على الكرسي كلش اتأذيت كمت اون وهو يمشي بالكرسي نزلنا بالمصعد طلعنا برا المستشفى .

عبدالله جان واكف .. منتظرنا فتحلا باب السيارة الورك وكالو : تمددها

حجيت : لا لا اتأذى بالطسات اذا نمت اسندني اكعد

كعدني بالسيارة كوة شدة لحد ما كعدت
حط البطانية عليه ولفني وهو كعد بالصدر وعبدالله يمه
ملت راسي ونمت بعده تاثير المنوم بجسمي .

محسيت بالطريق .. كعدت احنا بداخل بيت ابوه ..
ساعدني انزل .. كال اشيلج للغرفة

- لا ظهري ياذيني اذا شلتني .. امشي

وكف ابوه كالوا : بعد كل السوته يول جايبها ورايد اهلك يخدموها ..

عيفان : الحجي مو وكته يابه

- الا وكته خلتنا بحلك اليسوى والما يسوى احنا حرمة من بيت ال جحيل تدوس عتبة بابو وتنهزم ؟ من يا زمن حريمنا تتهزم من البيت يول حط حرمة لبيت اهلك وابعدها بنتنا عدها خل تولي

تجاهل ابوه وهو يمشيني وكفت كتلو : دكولك اتركني عوفني

- امشي لا ادفرج اكطع نفسج والله لا تسمعيني صوتج .

مشاني لغرفة ..
وشندني تا ينومني اجتي امه تكوله : ابوك ما راضي بجيتها بعد الصار كله ترجعها للبيت

- يمه انا افتك من ابوي تجين وراي تحجيلي رأيه .. الله يخليج اطلعي وعيفيني بضيمي

- اي ضيم خلص روحك يول هذه شرها ما يتعداك وانت وياها اخلص ..

- لا حول ولا قوة الا بالله يمه ليل الله المر ما شفت النوم بيه يعني اذا رايدن اكلب البيت فرككم كلولي بالخدمة روحي واصلة لهين شرايج

- عافته ومشت
باوعلي وهو يتنهد .. طلع جاب فراش واجا فرشه يم السرير
وصاح على مي كامت بنت عمران جابتله : كومي شربي دواج






اخذت الدوة من ايده شربته
شوية اجا عبدالله دك الباب جايبلا شوربة حاول يخليني اكل بس مجنت مشتهية .. عافها على صفحة وتمدد بس حط راسه ع المخدة نام .

اني بالي يم بنتي تمنين المحها لو اشوفها لو اسمعها تبجي او احد يجيبها بس ما شفتها .

بقيت بين افكاري اتمرجع لحد ما نمت ..
ما كعدت غير على صوت بيان وهي تكعد عيفان .. تكلوا : الطفلة مريضة مختنكة كوم خلي ناخذها للدكتور

فزيت : بنتي وينها .. جيبيلياها الدكتور انطاني علاج الها ..

خزرني عيفان وهو يكولي : انت انجعمي ولا تسمعيني صووووووتج

وعك راسي ومشى طلع ..
بقيت ساعتين بالغرفة وحدي بالي انشغل عليها
بقيت ابجي لحد ما رجع .. فات كتله : وينها

مجاوبني ..
- حاجيني تونا زينة

- تخليني الخج على وجهج اذا ما متي بالحادث اموتج

- انت ليش مبقيني عندك اذا ما متحملني اني مرايدة ابقى عندك ولا رايدتك اني رايدة بنتي وبس جيبلي بنت

كاملي : اذا جبتها راح تكدرين تشيليها راح تكدرين تداريها لو تأذيها بغبائج مثل ما اذيتي نفسج .

سكتت بس دموعي كامت تجري ..
محد جابلي بنتي ولا شفتها هو يجي ينام ويطلع وميجي واني بالغرفة وحدي

ثاني يوم وجعني للمستشفى عادولي على كتفي ورجعني ونفس الوضع اهله يتكاونون وياه ما رايديني

اجر عاملة افريقية تجي بمكانه دا تساعدني
تكومني تاخذني للحمام ترافقني لامستشفى تبقى يمي توكلني تشوف احتياجاتي

جنت كل يوم اذوب وانتهي من الالم ..
الم نفسي جان اكثر من الم جسمي ..

اسبوع الكدمات خفت ورجلي الرض تحسن بقى بس كتفي مأذيني وايدي اليمنى ما اكدر احركها

وعيفان بعرك مستمر ويا ابوه ما رايدني ابقى هينا
وهو يجي يغلط ويسب ويطلع كل صوجتا براسي ويتحلفلي لو ما حالتي هشكل

- لا مشكلة بسيطة بيني وبينها وتهورت الحمدلله الشارع جان فارغ واني امشي سايد وسط لو اكو سيارات لو ماخذ ايمن جان الله يعلم شصار بيها

- جان ما جبتوها لهنا تطلعون بيها للمقبرة كبل مو رسل ؟ مو هو هذا اللي تريدي ؟ متفكرين بابا متكولين يمكن ما اموت واتعوق وابقى عالة على غيري .. متفكرين بالداير مدايرج عندكم اطفال لو لا






عيفان : لا ما عدنا

- الحمدلله ما عدها لو عدها شلون راح تكوم لاطفالها بهالحالة شوف شنو صاير بيها

- يعني دكتور حالتها صعبة ؟

- قبل لا نشوف الاشعة ونعرف شنو بيها بالضبط منكدر نحكم بس وجهه وراسها ما يطمن

- هي تبجي من كتفها

- ادعي الله ما يكون تهشم .. انقلوها لغرفة الاشعة فورا وجيبولي تحليلها

اخذوا السديا لغرفة الاشعة شفت عبدالله يمشي ويا مشية السرير وعيفان منا .. رادوا يرفعوني لتخت مال الاشعة كمت اصرخ من كتفي واصيح

ثبتوني واني نار نار اشتعلت بكتفي ..
كمت ابجي بصريخ وعيفان يكولي : هانت تحملي بس يسويلج الأشعة ..

ما طلع من غرفة الاشعة بقى لازمني ومثبتني حتى ابو الاشعة يلتقط .. بمجرد ما كمل نقلوني وهم كمت اصيح وابجي واصرخ : موتوني لتعوووووفوني خلوني امووووووت ما اتحمل الوجع ما اتحمل كااااافي

- هانت هانت بس ارتاحي
ابجي ابجي من كد الالم .. لحظة غباء عبالي اموت مفكرت شيصير بيه وشكد راح اتأذى اذا الله مكتبلي اموت

الالم بالعظم احس روحي دا تطلع مثل نار ومشتعلة ما تعدأ تسعر وتاكل بروحي لا اكدر اتحرك لا اكدر الزمها اقل حركة اشيغ والم الم مثل طعن السجاجين يصير بكتفي

احس ورمت الجهة اليمنى من كتفي وايدي صار بيها زراك
عيفان جان وجهه اسود من الخوف ما عنده غير يرجع عليه ويكول : نعلعلا ابليسج يولي شبليتي روحج .. ول يابه شلون شلون منين اكضبج منين ما المسج تصيحين ما فكرتي شيصير بييييج غبيية

عبدالله : لا تكعد تلوم فوك قهرها خطية تشوفها كاعد تبجي من الالم .

- يولو لعبت بحالي لعب بالقران شيب راسي منها لو افتر وراها لو افتر بيها وكف راسي منها ومن سوالفها راح اجن شسويلها وشسوي لحالها هسه ؟

- هسه دخلي دكوم بخير وسلامة والله كريم .. بس خلي تكوم .

ثلث ساعة طلعوا الاشعة عندي خلع بكتفي ..
لازم طبيب فيزيائي يرجع ظهري بحركات طبية حذرة .. لان الوضع حرج ومؤلم الم كارثي .. من اقيسه بالم الولاده اشوف الولادة اهون .. الالم هذا نار نار تشتعل بروحي من العظم .

شوكت يجي الطبيب الفيزيائي باجر ..
لازم ابقى ع المسكنات لباجر .. ابجي من كل كلبي من الالم ينطوني مسكن يخف بس ما يروح ولا يختفي ..

غير راسي ثكيل من الصدمة والخياط البراسي وكدمات بجسمي وظهري ورض برجلي ..

جانت المستشفى بغير مدينة مو بحديثة وحظر تجوال فعيفان وعبدالله بقوا ويايا بالمستشفى لا نمت ولا ناموا للصبح .

لحد ما كتبلي الدكتور منوم .. واخذت جرعة كبيرة من المنوم ..
ما كأن نمت وكأني دخلت بغيبوبة ..






كعدني عيفان كلشي بيه ثكيل من الالم راسي كتفي جروحي رجلي .. حتى خلكي من المنوم ..

الدكتور طلب من الممرضة تنزعني ملابسي وتكلبني على بطني ..
حجه عيفان : وانت اللي راح تباشر

- حالة طبية لازم ارجع كتفها والا تموت من الالم غير

- بس يعني ماكو مرة تباشرها

- بكيفك تريد تدورلك امرأة تباشرها انت حر اكيد بس بالمستشفى هنا ما عدنا دكتورة تشتغل هالامور.

-وين اكو مستشفى توفر دكتورة تباشرها

- ما اعرف شوف مستشفيات بغداد

- حظر تجوال شلون راح اخذها لبغداد

- بعد انت نسق ويا الجهات ومشيها تبقى يمك ..

حجت الممرضة : بس مو من صالحها تبقى ترا اذية العظم مميتة ما تكدر تخليها تاكل ولا حتى تقضي حاجتها انصحك الدكتور يباشرها وهذا طب لا عيب ولا حرام ..

ما اتحمل يبقى ويشوف الدكتور يمي وجسمي طالع ..
بقت الممرضى تستر بيه وتطلع من ظهري بس الجزء اللي الدكتور كام يمرغه ويمشي ايده

صار صوتي ينسمع بالسما وبالارض على قوة الالم كمت اصيح من كل كلبي واتوسل بالدكتور كافي كافي الله يخليك نفسي انكطع راح اموت

وهو يكولي : اتحملي اختي راح نكمل

الممرضة تبز الزيت وهو بكل قوته يدعك ظهري واني اعض بالمخدة احس اختنكت انكطع عندي النفس على كد الالم

بالربع ساعة هدأ وحسيت براحة اكثر بس كلش تعبت من البجي والصياح .. كالي: جربي تندارين

ساعدتني الممرضى واني خايفة ودارتني وعدلت ملابسي
وكال : الكتف جان مخلوع، والحمد لله ماكو كسر بالعظم. رجعناه لمكانه، بس عندچ إصابة بالأنسجة والأربطة بسبب الوكعة ، ولهذا الألم والورم طبيعيين بهالفترة.

لازم ينعاد هذا التمرين عليها حتى يرجع كتفها بشكل كامل الممرضة راح تلبسج المسند لا تحاولين تحركين الكتف أو ترفعين إيدچ لفوك. أول كم يوم ارتاحي تمامًا، وحطي كمادات باردة على المنطقة لمدة 15 إلى 20 دقيقة، أكثر من مرة باليوم حتى ترتاحين

#البارت__22

#المفقودة

((( #بقلم زينب ماجد )))

#الحلقة_٢٢

كل اللي حسيته وكتها انو اني لما دفعت نفسي من السيارة هوى كلش قوي ضربني بوجهي دفعني بسرعة بعيد عن السيارة كمت اتكلب بالكاع مرة ومرتين وتلاثة لحد ما انشمرت ليغاد ..

انضرب راسي بس اقوى ضربة حسيتها على كتفي .. ووكل ضربة تصير على جسمي جانت الم بدون صوت .. جان شي من داخلي رايد يتجرع الالم لحد ما اموت حتى تنتهي سلسلة المعاناة الي دا امر بيها على مدار الأيام ..

صوت السيارة ابتعد مني واني ارتميت بالكاع
اباوع بالسما واحس الكاع دا تتحرك جوايا وكأن العالم يفتر

وكف السيارة بكل قوته وشمر الطفلة بالسيارة واجا يركض
والناس هماتين تراكضوا لما شافوا حادث

جنت مفتحة عيوني بس الم بكتفي وراسي مثل الكهرباء كلش مؤذي سوا عندي مثل الوشة بأذني شديصيح شديحجي ما اسمعه بس شفت الخوف بعيونه وهو يحاول يلمني ويشيلني

هذا اخر اللي اتذكره من بعدها فقدت الوعي
ما اتذكر شلون شالني منو ساعده شلون نقلني للمستشفى الطفلة وين بقاها .. شوكت وصل المستشفى شلون اسعفوني وركضوا بيه كل هذا مصاحيتله .. فقدت الوعي تماما

فتحت عيوني اول بدايه ما اشوف غير بياض .. للحظة ما استوعبت اني وين وشصاير بيه ..

صارت اذني شيء فشيء .. تستقبل اصوات وجسمي يستشعر اللي داير مدايره .. احس بالاصوات بعيدة عني رغم احس بحركتهم وهم يشتغلون بيه

شوية شوية صار الصوت يقترب والرؤية تتوضح .. وتبين الممرضين و الدكتور فوك راسي واجهزة قريبة مني وتصدر اصوات مستفزة ...

اول شي صدر مني انين على كم الوجع اللي بجسمي خصوصا بكتفي .. كمت اصيح : اااااااااخ .... ااااااااااخ اني ويييين
حجيت واني احاول اتحرك على كم الالم اللي احسه بكتفي

اجاني صوت انثوي : الحمدلله على سلامتج حبيبي لا تتحركين ارتاحي .

- اني وييين شديصير بيه ااااااخ

- انت صار وياج حادث وحاليا بالمستشفى .. اهدي لتتحركين حتى لا تتأذين .

كمت اتذكر اندفاعي بالهوى لما ذبيت نفسي من السيارة واتطكرت بنتي اللي ما فكرت بيها لما اخذت هذا القرار

كمت اصيح : بنتي وينها اااااخ جسمي ااااااااخ وينهاااا

- اهدي بس اهدي من تتحركين تتأذين لازم ترتاحين .

كمت ابجي وارفع بنفسي الم كلش قوي بكتفي وراسي ثكيل ..
حطولي مغذي وكمت اسمع صوت عيفان وهم يحجون وياه ما دا افتهم الكلام من كد الالم والدوخة اسمع الكلام متقطع .

مفتهمت الهوسة بس العرفت مخيطين راسي وطالبين منه ينقلني من المستشفى لان اكو امراض كورونا هواية ولازم ينقلني لمستشفى اهلي علمود انظف واقل مرضى واكثر اهتمام بس ماكو مستشفى قريبة والقريبات كلها لود






فأجر اسعاف حتى ياخذوني لمستشفى اهلي ..
بس انطوني ابرة مسكن الم .. لما اخذتها عشر دقايق سكن الم كتفي بس راسي حيل ثكيل وحتى الساني ثكل رغم واعيه بس كمت احس بروحي مثل السكرانة وثكلانة ..

ع السديا مشوا بيه احسه هو موجود
شفت وجه عبدالله هماتين .. شالوني ورفعوني لسديا ثانية صعدوها لسيارة اسعاف .. عيفان يكوله : انا راح اصعد وياها انت جيب السيارة وتعال ورانا

صعد اول شي الممرض ومن بعدها صعد وراه عيفان واني متمددة بالاسعاف .. بس اون راسي ثكيل حيل

لزم ايدي وهو يكلي : چچك تسمعيني

كمت اون : اااااخ راسي

- انت اللي صدعتي راسي بدل ما كاعد احاسبج على اغلاطج وافعالج اكعد احير بيج من مستشفى لمستشفى يولي اذيتيمن بفعلج هاذ غير اذيتي روحج يمتى تفكرين يمتى تعقلين ليش تسوين بنفسج هييييج

فتحت عيني خفيف باوعته وهو لازم ايدي ، حجيت بلسان ثكيل : اتركني اموت ودير بالك على تونا امانة عندك.

- والله لو ما حالتج هذه جان عرفت شلون اتصرف ويااج وويا تهورج وغباءج .. يولي انت ما براسج عقل ؟ عقل ماكو ؟

اون من الالم مجاوبته ..
اغفى ارجع احس والطريق بعده ممخلص حسيت كأن الطريق طول .. لحد ما وصلت سيارة الأسعاف لمكان المستشفى

نزلوني من السيارة هو ويايا ..
اخذوني لغرفة اشوفه فوك راسي وين مياخذوني
وكف طبيب واخذ الطبلة وكعد يقرا حالتي ويسأل بعيفان : هي شمرت نفسها .. لو احد ضربها

- لا هي شمرت نفسها

- انت زوجها ؟

- نعم

باوعلي : شنو اسمها

عيفان : رسل

- شلونج رسل اسمعيني ؟

كمت ان .. حجه : جاوبي سولفي ويايا تسمعيني ؟

- اي

- شنو اللي تحسين بيه رسل

- كتفي ذابحني راح اموت ايدي ما اكدر احركها راح اموت منها

صار يكشف على كتفي : احتمال جبير صاير عدها خلع بالكتف .. لازمها اشعة فورا ..

- بالمستشفى عالجوا راسها وخيطوا الجرح ورجلها همين بس ايدها كالوا تحتاج اشعة وما متوفرة عدهم الاشعة حاليا .. والمستشفى حاليا مليان بحالات كورونا .

- شلون صارت الوكعة بالغلط لو هي جانت رايدة تشمر نفسها

- يا شصارلج

هبط ضغطي من التعب كعدتني : يولي وكتج هسه وهو هنا دكومي بس خل نصعد سيارة اقلها

كوة شلت نفسي واسحل بيها .. ودموعي كامت تجري لزمتنا سيارة

دا اصعد .. عيفان طاع من المستشفى شافني صارت عينه بعينه .. بس هو ع السايد مال المستشفى

صاح : هييييين تعااااي

كالتله : امشي بسرعة خوية البنية راح تتخربط

انطلق ابو السيارة بسرعة واني كرصتها همست : شفت شفت .. بس كولي يا الله ولتخافي

كامت تحضن الطفلة وتبوس بيها ..
كمت اباوع سيارة عيفان ماكو .. اطمئن كلبي لما مشت السيارة وهو ما لحكنا .

كمت ادعي ربي يعديها على خير
وافكر وين راح اروح لو رحت لاهلها اول شي يسوه يكلولي ما نتحمل مشاكل واضطر لو اطلع منهم لو ارجع ويا عيفان .. شسوي وين اروح

دا افكر ما احس الا سيارة عيفان .. تدك هورن ويأشر للسيارة تطبك ويدك هورن بقوة

حجت سلوى : لتوكفله خوية هذا طايح حظ لحكنا للمستشفى وما كف من عدنا بس وصلنا لبيت اهلنا فدوة لتوكفله

- كام ياشرله يكوله بس نزل الجامة

- شيريد منكم يعرفكم

- يمعود واحد تعبان بس وصلنا بيت اهلنا معليك بيه لتوكف

كام يكسر عليه ..

حجه : لا يروح يدعم سيارتي هذا مبين الشر بعيونه خوية مالي حيل مشاكل

- معليك ميضربها خيولي

كسر عليه كسرة قوية ابو السيارة كوة لافها ووكف السيارة ونزله : انت شنو ما تستحي

عيفان عاف السايق وتوجهلي فتح باب السيارة اني ابعد بروحي والطفلة بيد سلوى

دفعه ابو السيارة : انت شنهو احاجيك هيييييي يول

دفع السايق وجابه ببوكس ويكولي : تعاي لج بنت الكح* تعااااي

جر ايدي بقوة من الباب نزلت سلوى وهي تكوله .. ما مسموحلك تلزمنا عندك حجي تحجي ويا اهلي اذا انت زلمة لا تستقوى ع النسوان يا مرة

لخها على وجهه صرت كباله : عيفان لا لتسوي هيج عوفها

لزمني من راسي : يولي اني اطلعين من بيتي وتبوكين بنتي

- مبايكة بنتك هذه بنتي .. وخر مني

سلوى : والله لو تموت الطفلة ما انطيك ياها وابن ابوك اتعدى عليه وضربتك على وجهي ما اطلع بنت اهل وعشاير لا ما خليتهم يزوعونك دم ..

تحجي وهي تخابر
خابرت اخوها كالتلهم : الاسمه عيفان تعدى عليه وضربني بالشارع تعالوا بسرعة

وانطتهم العنوان وعيفان يداور عليها يريد ياخذ الطفلة من ايدها ..
واني ادافع وياه واوخره والرجال السايق يلزم بيه ويبعده

صارت هوسه بالشارع والزلم كلها كامت تلرمه لان ديتهجم ع النسوان لزموا السايق وكالوله : بس وصلهن بيت اهلهن عندك شي احجي ويا اهلهن شنو وين صاير تتهجم ع النسوان بالشارع ماكو اصول

صدك رجعونا الزلم اللي بالشارع للسيارة ووصوا السايق يوصلنا لبيت اهلها .

كلت الها : نزليني هنا لتاخذني لبيت اهلج

- لا لتنزلين هنا ..

- راح ياخذها مني لو وصلنا بيت اهلج

- نرجع ناخذها منهب القانون شبيج انت مدام الطفلة بنتج معناها الج لتخافين

- مراح اكدرله بالقانون الله يخليج خليني انزل هنا

- لا معليج ابقي ..

- لا راح انزل .. الله يخليك نزلني ..

- راح ياذيج اذا نزلتي

- وراح تتأذون ويركب الحق عليكم اذا رحت وياج .

- ماشي بس ديري بالج على نفسج

- ان شاءالله

صف السيارة ونزلت منها وهي توصيني .. وتنطيني الجنطة مال الممة  والحفاظة .. اخذتها ومشيت بسرعة اريد ادخل بالفرع حتى اذا مر يضيعني

بس هو شاف السيارة وكفت اني امشي بهمة بالطفلة ..
هو شخط السيارة وكسر عليه .. هنا وكفت استسلمت محاولت اركض ولا بقالي حيل اقاوم ..

حجيت : شتريد من عدنا كافي عرفنا بحالنا

واني دا احجيها جابني بكف يمكن طار نص خدي من قوته .. واخذ الطفلة من ايدي وهو يكولي : تفلتين مني عبالج ما الزمج

سحبني من راسي .. وذبني بالسيارة وهو يكولي : اليوم ادفنج اليوم .. تعرفين شنو ادفنجججججج اخلص علييييييج ول انا تخليني ادوركم بالشواااااارع بنت اني تاخذين بنتي منييييييي

صعد بالسيارة وهو يغلط ويفشر ويضرب على راسي ويكولي : دخلي اوصلي وانا اعلمججججج .. اعلمجججج شلون تخليني افتر وراج .. والله لا ما ربيتج

يحجي وهو حاط الطفلة بحضنه ولازم الستيرن وكل شوية يبوك ايده ويضربني ويمشي بسيارته بسرعة ..

ما اعرف شنو اجا بعقلي بس الخوف وحالة اليأس وقمة الكره لضعفي بهذه الحالة ما انطتني فكرة غير افتح باب السيارة وهي دا تمشي بكل سرعتها

هو حس اني اريد اذب روحي ..
راد يلزمني بس ما لحك يلزم اطرافي شمرت نفسي من السيارة وهي تمشي بسرعتها ... لشارع ...... يتبع

___

#زينب_ماجد

باوعت اديها وزنودها سود : عزا هاي بيمن ضاربج

- بالعودة مال الماسحة

- شوكت ضربج شصار

- البارحة بالليل رجعت منا كتله مالك علاقة ببيت ابو اجحيل هذه البنية لا بايكة ولا ناهبة ماخذين بنتها منها وهي هجت منهم ودا تشتغل بشرف يكولي مو شريفة كتله مو هي المو شريفة غيرها اللي راد وما انطته مجال وكام يطعن بيها

اخذها على روحه لعب بيه لعب .. شلون تكولين عليه اني مو شريف
واني والله مكلت هو مو شريف كلت غيرها الما انطته مجال هو لو ما بعببه طلي يمعمع وياخذها على روحه

- شوفي اني ليش ما ردت اكولج خفت لتصير مشاكل بينج وبينا

- مو ادمي مو ادمي رسل اليوم باجر اني هذا البشر ما اعيش وياه وغصبا ما عليه مشروعي وشغلي ..مو شغله هو شفهمه بالمكياج والبلشرات والغسولات غير هاي اني وافكاري ردت اشتغل مشروع من البيت هو جان بخلك السيارة التكسي يفر بيها من الصبح لليل ونصهن ع الكح١ .. ما ابقى وياه لو يصير نبي بعد على شنو مجبورة اتحمل وساخته كافي جزعت

هي تحجي واني اهز بالطفلة
: شبيها تونا ؟

- ما ادري الليل كله منامت

- شو جيبيها

اخذتها مني : يولي هاي صدرها يخرخش دا تسمعين نفسها

- حسيت اكو خرخشة بصدره بس مفتهمت شبيها

- معناها عدها تحسس متكدر تنام خطية دا تختنك

- وشسويلها

- يمكن لازم نروح مستشفى يحطولها بخاخ ويكتبولها دكسن موسع قصبات .

- دكومي يمعودة بينا ما بينا ناخذه للمستشفى مال الاطفال

- يمعودة وحالات كورونا لا يروح يصير بيها شي

- كورونا متاذي الاطفال بس الكبار كومي البسي كمامة وخلي نروح .

- دايخة حيل شلون راح نروح احس ما بيه حيل اوكف

- يولي حتى اني منايمة دكومي .. خلي ناخذ الطفلة جهزي نفسج على ما تودي حمودي لبيت اهلي

- لا لا خلي نروح سوا .. وبطريقنا ودي

- اوكي بس استعجلي

لبست الجبة على ملابسي وحطيت الكمامة وشمرت الشال منا ومنا واخذت الطفلة هي وكفت النا تكسي .. تونا طول ما شايلتها وامشي هي ساكتة بس شوية اكعد واستقر تكوم تنغوص وتبجي

حطيتا حمودي ابن سلوى عد اهلها وطلعنا للمستشفى ..
دخلنا حالات كومة تخوف .. انطونا قفازات نلبسهم علمود لا نلامس فايروس .. وتباعد ..

فحص الطفلة وهي بحضني حتى ما يخليها ع الاجهزة يولوثها لو يأذيها كال : مختنكة شصاير بيها متعرضة لبرودة

- لا والله اصلا اغطيها وادفيها حيل

- وبعدين تكشفيها وتخليها تلعب

- من تكعد

- الهسبب صار عدها تحسس
لا تدفيها حيل ولا تلبسيها هواي ولا تخلين عليها هوى من تكشفي خلي الحو معتدل اخذيها ع البخاخ ثلث ساعة وارجعيلي اكتبلج دوا

اخذناها .. وسلوى واكفة يمي ..
حطيت البخاخ على خشم تونا بس اشتمت الهوى واترتاحت خطية ذبت روحها نامت ..

سلوى : يا عمري شلون ارتاحت ع البخاخ نامت سودة عليه شلون جانت ختنكة .

دا تحجي .. دك تليفونها .. ردت .. اخوها كايلها : منو عيفان ال جحيل ؟

- شبيه

- هاجم ع البيت الحاطته مخزن يكولون مختلين زوجتي عدهم وهسه صايرة هوسة انت وين مو بالبيت المخزن

- لا طلعت للمستشفى .. شيريد

- يكول مختلين زوجتي

- مختلين زوجته شنو قابل زوجته طفل مرة وام

- هسه انتم وين

- بالمستشفى

- تعالي علينا البنية وينها

- هو وياها بالمستشفى

- انت شلج علاقة بيها

- البنية تشتغل بتثبيت الحجوزات وكاعدة بغرفة بالمخزن هي وبنتها

- دجيبيعا وتعاي لان رجلها وعيالها كلبوا الدنيا

- ديلا نكمل ونجي

باوعتلها : شكو

- عيفان جاي للبيت لما طالعين

- دخيلك ربي هسه هو بالبيت
اهتزيت من كالت اسمه وكمت من مكاني

-عزا صوتج نصي اكعدي شكو خفتي

- اذا لزمني اخاف لياخذ الطفلة من عندي

- شياخذها بكيفه دكعي خل مكنل ونروح لاهلي

- وشراح يسوون اهلج هسه يخابروه شلون عرف مكانه شوصله

- اكيد هذا احسان الحقير من اتكاونت وياه راح مبلغه حتى انت تعرفين الشغل ويخرب شغلي ويفشل مشروعي بس والله ما اخلي يفوز بافكاره وغصبا ما عليه الا اشتغل واكمل الشمروع واطلعه وفلس احمر ما يستلم من الارباح التوصل من شركة التوصيل .

خلصنا البخاخ بس جسمي كله كام يرجف من الخوف
اذا اخذ الطفلة مني شلون اجيبها وبيش اعاركه واكاونه واخذها منه ..

المكان هنا بعد ابد مو امان مدام عرف مكاني وعرف اني وين .. لازم ابتعد منا

كتلها : سلوى اني ما اكدر ارجع وياج لبيت اهلج اخاف  يجي ياخذ مني تونا اموت

- بكيفه ياخذها خل يولي نروح نشتكي عليه نلعب بيه طوبه غير بنتج هي

شلت الطفلة ورحنا للدكتور كتبلنا العلاج وطلعنا ..
مشيت من الباب واشوف عيفان كدامي طب من باب المستشفى ..
اني حاطة كمامة ولابسه شال وشايلة الطفلة ردت اتخربط

كلت الها : سلوى ولج هذا ولج هذا

ندستني : سوي روحج متعرفي وتجاهلي .. خلي نطلع
نزلت الشال ودنكت ع الطفلة واني امشي صدك تعدانا مباوعلنا ابد ما عرفني .. ولا هو يعرف سلوى لو الطفلة

غير كون اريد رجليه تشيلني من الخوف
كلت الها : سلوى .. الله يخليج الزمي تونا مدا اكدر اشيل نفسي

- يولي صارحيني ليش تخليني على عماي شنو سالفتج ؟

- ما عندي كل سالفة وهذه البنت بنتي مبايگتها من احد ؟

- ديكولون بنته هو وزوجته صحيح هالكلام

- لا والله بنت ؟

... بقى يتحقق ويايا
اني خفت يستغلني لو يساومني بسرعة راسلت سلوى كلت الها : اريدج عندي سر رايدة احجيلجياه جنت اخاف احجي بس انت صرتي مثل اختي ولازم احجيلج .

- خير صاير شي

- لا بس اريد اصارحج ليش بعد تعرفين من غيري وتزعلين عليا .

بسرعة لبست واجت هم بيتهم قريب بالفرع الثاني .. اجتني للبيت : احجي يولي صار بالي عليج اكو شي ؟

- اني مرايدة اورطج ويايا او اتعبج بس اني راح احجيلج كلشي وانت حكمي واذا متريديني ابقى عادي امشي لان ما احب أذيكم .

- احجيلي فدوة شكو

حجيتلها من الطئطئة للسلام عليكم
كلت الها اني يتيمة وهي طلعني الميتم وهيج استغلوني وهي عيفان سوا وهيج حملت ونا ادري ولعب عليه وكال تاجير رحم واخذ الطفلة مني و انطاها لمرته الما تخلف وهسه مستغل ضعفي لانو مالي احد الا ترجعين وتنطين بنتج لمرتي

حيل تعاطفت ويايا : يا فدوة شنو على اي اساس ياخذ بنتج وينطيها لمرته والله ما تخلف .. على روحها انت شكو

- يكولي انطيج بمكانها بيت و راتب .. منو يبدل ضناه بييت وراتب

- هذا اشايف روحه .. دخل يولي واذا عرف بيج اطيح حظه .. كاعدة هنا ودا تشتغلين وبنتج يمج شعليه هو وشكو خايفة اصلا

- اني الخايفة منه رجلج الصراحة لهذه كتلج تعاي وصارحتج بكلشي

صفنت بوجهي : رجلي ! شبي

- اول شي تثقين بيه

- رسل اني اعرف رجلي شنو واعرف شنو طينته واعرف عينه تزوغل .. واعرف ما بيج صوج وما عندج اي كلام وياه

- الله يشهد من فوك والله اذا يراسلني بالخاص اجاوب بالكروب واتهرب بس لان عيفان رافع دعوى عليه يكولي هذا صاحبنا

- منو الصاحبة ؟

- عيفان وبالفعل ابن حماي عبدالله هو اللي لمالي الشغل يصير صاحب احسان

- اي وشنو يعني قابل شكو

- اني خفت يطردني لو يروح يبلغهم عليه لو يساومني على فد موضوع حتى ميكولهم اني اريدج انت توكفين ويايا والله كرهت الرياجيل وكرهت وكفتهم ما اثق باس رجال يكولي اساعدج .. اكرهم كلهم لان كلهم مو نظيفين ما عرضلي رجال شريف كلهم وسخين ونفوسهم قذرة وميشوفون المرة غير بنظرة شهوانية تلعب النفس .. اني ما اثق غيرب البنات واريدج انت تكونين اختي وتساعديني

- لتخافين ولتشغلين بالج عمري واحسان اني اتصرف وياه

- اذا كلتيلي رسل هيج تكول ممكن يكوم يكرهني لو يبلغهم لو يطردني من الشغل

- لا لتخافين ما الج علاقة يمي .

حضنتها : شكرا لان اتفهمتيني
بس حضنتها بچيت : يا عزا شبيج يولي شنو اتفهمتح انت اختي والله لتهتمين .. معليج .

كعدت يمي نشتغل وفتحتلي كلبها ..
هي اللي فاتحة المشروع ورايدة توكف على رجليها لان اهلها مو سند وما عدهم مرة تطلك .. وكلشي عيب
وزوجها اكثر من مرة تلزمه عنده سوالف نسوان
واكثر من مرة لازمته يروح نوادي ليلية ويطلع ويا بنات مو زينات
ويموت على شي اسمه نسوان

- ادري هن النسوان شبيهن وهيج مستجلبين اني قرفت من هالسيرة والله يعني اذا واحد متزوج ليش ميكتفي بزوجته شنو فرق زوجته عن البقية ليش هذا الهوس ؟

- مرضى والله .. على فكرة مو بس رجلي اخوتي نفس الحالة ويا نسوانهم وكلهن صابرات وكل التحجي بينا اي شبيها غير زلمة الرجال الله حلله اثنين وتلاثة واربعه

- حلله يتزوج ما حلله نسوان خلق الله كلها !؟

- اي مو العلاقات و الزنى صار الهم مباح بحجة الله محلل ٤ فعادي يدور على مرته ويزني ويغلط يكولك يمكن يريد يتزوج .. فد مجتمع مريض ماله كل جارة

محد يكول المرة شكد تتأذى وتتعب صحتها ونفسيتها
كلهم يبررون مو بس ابهاتنا عجايزنا ذكرريات حتى اكثر من الزلم بس تضوجين تكلج غير زلمة وحكه .. مو مهم انت شنو تحسين المهم هو زلمة

- وياريت لو زلمة صدك

ضحكت : اي والله
مو هياتة انت فتحتي المشروع وانت السعيتي بيه وانت سويتي البيج

- يا ويعترف بيه يكول اني فكرت .. يكولي شغلي

- شغله كله معنمد ع البيج البيج مالتمن ؟

- يكولي اي منو الدا يتفق ويا شركات التوصيل منو دا يتسوك ؟

- وشصعوبتهن ذني ؟

- صعوبتهن اطلع من البيت واطلع اتفق ويا زلم هاي عيب فمدام هو مسويهن فشغله هالتعب وياج والتجهيز والتثبيت كله عنده مو مهم ..

بقينا نشتغل سويا
بس اطمئنيت لما حجيت الحقيقة اقلها اكو احد صدكني وراح يوكف ويايا مو وحدي ..

كملنا شغل .. وراحت لبيتها
زوجها راسلني ما جاوبته .. بقيت الليل التهيت بتونا
ما اعرف شبيها .. جانت حيل متضايقة من بطنها مدري شبيها ..

خلصت الليل كله احاول اسكتها ومدا تنام ..
لوجه الصبح واني منايمة صارت ال٩ الصبح واني بس احطها تفز وتكوم تبجي ..

كمت ابجي من التعب اريد بس اغفى واناملي ساعة مدا اكدر ..
واني بهالحالة ما حسيت غير سلوى تفوت وهي تبجي : ها خير

- والله ساعة ما ابقى وياه الكلب الطايح حظه

- شصاير شكو

- لج اني يضربني اني يتجرأ عليه ويضربنييييي هيج

دزيتله رسالة : لا ابد ما اشك انت تفتن عليا بس ما اريد اخليك باحراج واكولك اني طالعة وخفت تمنعني فكلت استقر واراسلك

ورا ساعة شاف الرسالة راسلني : هسه وين انت ؟

حولت على صفحتي وجاوبت : ما راح اكدر اكولك وين بس اني بخير

- تخافين مني تنطيني عنوانج

- لا اخاف عليك شفت ذاك اليوم بالليل لما خابرتني عيفان لو شايف مخابرتك يمكن يذبحك

- يولي واني اهتمله

- اذا ما تهتمله تهتم لابوك ..

- هسه بس طمنيني انت وين

- اني بخير هذا كل الاكدر اكوله

- عليج الله كون يم وطبان وهاي السوالف مال نوادي ليليه

- لا لا .. ابد مو يمهم

- انت بخير عليج الله

- والله بخير

- شاك انت بحديثة

- لا اني مو بحديثة

- جماعة الشغل العرفتج عليهم عدهم خبر بمكانج

ارتبكت لما حجى هيج لان اصلا احسان يصير صديقه .. بس نكرت كتله : لا بس بعدني اشتغل وياهم

- احتمال عيفان اول شي يشك بيهم

خفت : وشيريد يسويلهم ؟

- اذا انت يمهم وعرف انت يمهم شيخلصهم من شرا

رجف كلبي من الكلام صفنت معرفت شكول كتبتله : لا يمي ولا بكرباي .. بس بعدني اشتغل وياهم .

- ها .. بس ديري بالح زين وصيري حذرة چچك لا تتوقعين الناس كلها زينة وطيبة وتثقين بيهم .. اكو بشر السانه عسل وكلبه سم ..

- ليش دا تكولي هيج

- لا والله خايف عليج واحذري ترا احسان ابو نسوان

- يا احسان

- تعرفي كلش زين ..

- دا اكولك اني مو يمهم اني بس دا اشتغل وياهم

- هسه انت اخذي حجاية مني واستفادي وامني ما يطلع مني حرف لاحد واذا احتاجيتي شي بس خابريني اجيج لو بنص الليل .

- مشكور تسلم بس اني بخير

- وانا هذا الاتمناه ترا !

ابتعدت حسيت عرف اني وين وخفت كلش ضل بالي خاف عيفان يحقق وياه لو يفتش تليفونه ما اعرف ليش دا افكر عيفان يشك بيه رغم ما مرك عيفان شك بعبدالله ممخلي على باله

اني ما عندي شي ويا عبدالله اعتبره مثل اخوية
بس احس شعوره اتجاهي مو اخوي .. احس اكو شعور بداخله الي ولهسبب اكثر المرات ابتعد بس هو يراسل ويتواصل اضوج افشله .. فارد .

كمت لشغلي
وصار وكتي عبارة عن رد ع البيج وتجهيز طلبات وبنتي

من كد ما اتعب بالشغل وذابه نفسي عليه سلوى كلش اعتمدت عليه .. كامت ما يوم تجيني وطابخة طبخة شكل وتكمل طلبات ويايا

ما شاءالله البيج كل يوم الطلبات دا تزيد اكثر من الكبلها ..


اني مو محجبة ولا عندي معرفة بامور الدين .. بس البس جبة وشال كمت لما احتاج شي من الاسراق وياها كمامة حتى محد يتعرف عليه .. بس لبسي العادي ما محجبة

فبالبيت لبسي طبيعي بجامة وتيشيرت ربع ردن يكون ويا حد خصري مو طويل .. وشعري طبيعي مرات اتركه مفتوح مرات ارفعه ذيل حصان ..

كلش قليل احد مكياج ومو من محبين المكياج
يا دوب مرات حمرة خفيفة احط على شفتي وقطرتين اوزع على خدودي ومسكارة هاي اذا كلش اليوم عاجبني احط مكياج بالعادة ما احط ..

بس اني اصلا احس معانيي ما تحتاج
مو بيضة كلش بس ما اعتبر حنطية لون بشرتي مايل للبياض اكو خيط شكار بشعري .. وعيوني عسلي .. فلما اكول تركمانية .. يصدكون من شكلي عبالهم صدك تركمانية .. بس الصراحة ما اعرف اذا اني تركمانية او لا .. ما اعرف اصلي شنو بس احس روحي انتميلهم بسبب تعلقي الحان بباجي سيتا مديرة الميتم اللي علمتني على لهجتها و لكنتها وعلى كل افكارها البعيدة عن الدين والتدين .

حسيت سلوى لما تجي .. متقبل لاحسان يدخل تكوله : روح واحنا من نكمل طلبات اخابرك

بس هو يبقى مصر كل شوية جايبلنا شي حلويات لو طالع بسالفة
اني ابد ما اتقرب منه ولا اجامله ولا احجي واذا حجه ويايا اجاوب مختصر .

بس سلوى اتضايقت حسته مهتم زايد لوجودي ..
واني اتضايقت صراحة شخص لا مهتمتله لا معبرته يلج نفسه وكل شوية ها محتاجين شي مشتهين شي .. وهو بالعادة حسب معرفت مو هيج الظاهر بس من يشوف بنية يكوم يطلع هالفعاليات وضايقني

البنية حيل حبابة وصارت صديقتي
ورجلها فد ملطلط ما كأنه شايف نسوان بحياته .. سحلها لروحه بنظرات باهتمام ..

مرات يجي بالليل اعرفه هو يدك الباب بحجة جايب شي اسوي روحي ما سمعت نايمة .. بس يريد فرصة يحظ بيه وحدي واني اقفل الباب اذا مو سلوى تجي ما افتحه اله لو يوذن .

يراسلني بالخاص مراسلتي اله رسمية كلش ..
واساسا اكو كروب يجمعنا اني وياه ومرته ع الشغل من يتواصل خاص اكنسله حتى اجاوبه بالكروب

لحد ما مرة دزلي رسالة .. كتبلي : صدك عود يولي انت مرت عيفان آل جحيل ؟

شفت الرسالة خفك گلبي ، جاوبته : ليش ؟

- جاوبي انت مرته صدك ؟ وصحيح بايگة بنتو ؟

- لا مو صحيح

- ها تمام لانو رايد يجي يتحقق

- منو هذا الرايد يجي يتحقق

- عيفان

- انت تعرفو ؟

- يولي صاحبنه اشلون ما اعرفوا انت صدك مرتو

- هو راسلك

- رافع دعوى على اساس انت بايكة بنتو ومنهزمة ومعمم اسمح ع السيطرات

- شوكت هالحجي

- من فترة هسه دريت اجو حجوا وياي اذا انت نفسج المقصودة

- منو الحجه وياك ؟

من بين الاتصالات .. دكت سلوى ام الشغل .. رديت : الو

- ها شو اتصل يولي مشغول

- اي عمي جان ديخابرني

- هسه اتذكرج عمج

- بعد .. اكولج مدا الكى تكسي

- وين انت بالضبط خلي نمرلج

- ما ادري والله ما اندل

- دشوفيلج احد انطي التليفون خلي ينطيني العنوان

كمت امشي اريد ادور احذ صدك وتوكف سيارة
فتح الجامة كتله : عمو تروح تكسي ؟

- وين تردين ول يابه ؟

- هاك هاي صديقتي هي تدليك

- اصعدي

صعدت وانطيته التليفون واني ارضع بالطفلة عيفان سماها وتين .. واني محابة الاسم لان مو اني اختاريته بس ماكو اسم ابالي حاليا

كام زوج سلوى يدلي بيه لحد ما عرف المكان انطاني التليفون عيفان بس يتصل .. كمت حطيته بالقائمة السوداء من الخط حتى ميتصل .. بس يطلع عندي حاول الاتصال .

وصلت البيت ..
جان احسان واكف .. سلم على ابو التكسي وانطاه فلوس كتله : لا لا عندي

كالي : ميخالف حياج تفضلي

اول ما ردت ادخل البيت تلكاني سلوى : عزا شكداتج واني عبالي جبيرة يولي طلعتي صغيرووووونه

باوستني وسلمت عليه واخذت الطفلة من ايدي ..
كالت : شكد عمرج يولي ؟

- ١٩

- صغيرة معبالي هلكدج ما كملتي جامعة

- خلصت سادس وكعدت

- حرامات باع باع الطفلة الخالق الناطق عمج حيل تشبهج

ابتسمت .. كالتلي : شسمها ؟

- وتين

- يكلبي شلون اسمى يخبل مثلها فوتي فوتي

فتنا البيت ما بيه اثاث .. بس من الاستقبال جبير كلش حاط بيه مكتب وكرسي ورفوف داير مداير ..
وغرفتين جوا .. غرفة هم رفوف وغرفة كالتلي : هاي الج انت وبنتج

مبدئيا جبتلج بس فراشات ومجر
بس شوية شوية اجيبلج غرفة الج وكاروك للطفلة

- مشكورة

- عوفي الشغل اليوم واضح تعبانة حيل ارتاحي

- اي والله منايمة

- اي يا عيني وين اكو نوم ويا طفل انفاس .. شكد عليج وجبتيها ؟

- ٨ اشهر

- ورجلج ما سأل ما اجا شاف بنته

ابتسمت .. كالت : يولي يمعودة هم زلميش زلم هالوكت مع احترامي للزين .. كاموا يتنافسون ويا النسوان بهرموناتهم

ابتسمت: يلا يلا ارتاحي ونامي انت والطفلة
اكو مروحة ارضية اذا حارة عليج بالغرفة ان شاءالله شوية بس يحتر الحو نجيب سبالت للبيت علمود المواد والمنتجات

- تمام

- ما محتاجة شي

- لا لا

- جبتلج اكل تلكي بالمطبخ بالثلاجة ماشي

- مشكورة عمري ما اعرف شلون اجازيج والله

- يمعودة صدگ جذب غير بحسبة اختي

باوستني وطلعت من البيت ذبيت الجبة واخذت تونا وحطيتها يمي ونومتها بفراشي .. نمت ساعتين كعدت تبجي

كعدت سويتلها ممة شربتها ورجعت نامت ..
ومن بعدها نامت ويايا نومة طويلة ل٦ ساعات تقريبا لا اني ولا هي كعدنا .

بس من فتحت عيني لكيتها مفتحة عيونها وصافنة بالسكف
ابتسمت تقربت بست خدها اويلي ريحة خدها شلون طيبة كزكزت عليها

كعدت واخذتها بحضني اناغيلها الاعبها بس كلشي متفتهم بس صافنة .. غيرتلها حفوظها وبقيتها تلعب بدون كماط باديها ورجليها واني كمت للمطبخ باوعت شكو بيه طلعت البنية جايبة صينية بيها كباب عروك وخبز وخضرة وطرشي ..

اخذتهم ومشيت للغرفة كمت اكل واباوع لتونا واناغيلها
لحد ما تعبت كمطتها ورضعتها وكمت خابرت على سلوى كلت الها : نت ما عندي حتى اثبت طلبات

كالت : من الاسواق اذا متكدرين اني ادزلج احسان يشتريلج كارت وعبي .

- لا لا اذا من الاسواق اني اروح اشتري

- باجر ان شاءالله انطيج فلوس الشهر مالتج وراح ارفعه ٦٠٠ اذا تجهزين طلبات واذا متكدرين بكيفج

- لا لا عادي ما عندي شي

تركت الطفلة نايمة بالبيت ورحت للاسواق ركض جبت نمنميات الي و رصيد عبالي نت ع الخط كعدت اثبت طلبات ..

اجت سلوى بالليل كمنا اني وياها مجهز طلبات لحد ما صارت الساعة ١ كالت : اني راح اروح بعد اذا تعبتي عوفي عود تكملين باجر

- لا ما عندي شي

- زين هذا راتبج مال هذا الشهر

- مشكورة

- ديري بالح على نفسج واكو مطعم براس الشارع اذا تحتاجين اكل دزي من عنده راح ادزلج رقمه والمنيو ع الواتس

- ماشي

بس طلعت تونا بدت المسرحية مثل كل ليلة كعدت وتريد افتح كماطها بس احطها بفراشها تنغوص .. عفتها تنغوص بفراشها وفتحته واني اجهز

لحد الساعة ٤ الصبح كلش نعست وتونا بعدها كاعدة
كملت شغل ايدي ومديت رجليه وخليت مخدتها ونومتها على رجلي واني اهز .. نامت حطيتها بفراشها نمت وياها

هذا جان اول يومي الي برا بيت عيفان انقضى سلامات
والتليفون كل الوكت جنت حاطته صامت ولاغية الاشعار مال الاتصال يعني لو ينهجم التليفون رنين ميطلع عندي ولا اتصال اكمل شغلي عادي

جنت كلش فرحانة واعتقدت هشكل راح ارتاح واكعد واستقر هنا وما احتاج احد ..

اني فاتحة حساب البيج بصفحة الانستا
بس من كعدت الصبح ويا تونا موسخة نفسها بغيرتلها وكعدت ارضعها.. فتحت الصفحة مالتي .. لگيت عبدالله مراسلني

كاتبلي : جنت اتوقعج تثقين بيه بس تطلعين ومتكليلي برأيج لو حجيتي راح افتن عليج

المفقودة

((( بقلم زينب ماجد )))

الحلقة_٢١

كمت امشي بسرعة .. شبه الركض اريد بس اطلع شارعهم بلا ميشوفني احد .. وكفت نهاية الشارع كعدت وخليت الطفلة بحضني .. ولبست الكمامة ولفيت الحجاب عدل وشديته .. ورجعت كمت ومشيت بالطفلة

نايمة محاسة بشي واني امشي امشي
مدا اعرف وين اروح .. لانو موعدي ويا البنية ب٩
واني طالعة من الـ ٦ ..

ضليت افتر اريدلي مكان اكعد بيه مو ظاهر كدام العين ..
الشمس طلعت .. والجو لا بارد ولا حار ..

كعدت اباب حدادة .. حاطله سكيفة ..
كعدت وحطيت الطفلة بحضني .. رجعت راسي جنت كلش تعبانة ونعسانة .. بس خوف بداخلي

بلكي ما دبرتها ؟ واذا لزموني
وراح اكدر ابقى ببيت ام الشغل بدون ما احتاج اطلع
خصوصا البيت بحديثة وهنا ناس تعرف ناس اذا عرفوا شراح يصير بيه ؟

الطفلة كامت تتنغص كمت احاول اسكتها
كامت تبجي .. طلعتلها الممة باقي بيها حليب رضعتها .. بقت بيه قرابة النص ساعة ترضع على كيف .. لحد ما رجعت لنومتها .

كمت اباوع للسما ياربي اكتبلي اللي بيه الخير ياربي ساعدني فدوة مو لخاطري لخاطر هالطفلة مو بيدي ما اكدر اعيش بدونها .. احسها جزء مني ما اتحمل ياخذوها مني

يمكن اني هم انحرمت من امي ويمكن هي هم انحرمت مني .. ما اعرف هي ذبتني بس ربتني واني صغيرة .. لان لما احيت للميتم جان عمري تلاثة مدري اربع سنوات ..

يمكن بهالسنوات اني جنت عند امي او يمكن عند غيرها .. بس جنت اتمنى عندي ام .. وتحتضني هيج مثل ما اني هسه حاضنة بنتي

لهسبب ما اريد اعوفها
ما اريدها تعيش مثل ما عشت لو تتمنى مثل ما اتمنيت وتكولي ياريت ماما ما عافتني .. فما راح اعوفها .. حتى لو كتلوني حتى لو اموت ..

مجنت مستعدة اجيب طفل لان حياتي مو مستقرة
ولا جان هذا اختياري .. بس من صارت احسها صارت قطعة مني ..

ياربي ساعدني اعين هالطفلة واكبرها وما اخليها تحتاج احد .. مراح اخليها تشوف النوادي الليلية ولا راح اخليها تشوف ناس مثل وطبان .

جنت اتمنى اعيش ويا ابوها وتبقى عندي
لان عيفان احسه كلش حنون .. بس مو عليه .. ما يريدلي بنت
يكولي مو مصلحتج .. منو هو ويعرف مصلحتي لو مصلحة بنتي واذا يناسبني تبقى عندي لو لا ؟

مرجعة راسي كمت اكلب بالتليفون ما بيه نت صار طابوكة
كمت اكلب بالستوديو اقضي وقت من ٦ للتسعة بلكي تخلص واكوم اخذ تكسي ياخذني لمكان ام الشغل

.. بس واني اكلب نعست كلش
حطيت راسي ع الحايط واني اكلب غفيت ..
ما حسيت غير الطفلة تبجي فزيت الشمس واصلة لحضني وجاية عليها .

كمت من مكاني واني اهز بيها باوعتها احسها تشبهني هواية شكارها نعومة وجهه ذبة عيونها ميحتاج احد يكولي هي بنتي لو لا نظرة وحدة تعرف هي بنتي

باوعت الساعة ٨ الا عشرة ..
اخذت الجنطة وكمت امشي بيها امشي
دخلت اسواق .. مجان عندي فلوس عراقي بس الدولار اللي اخذته من عيفان ..

حجيت ويا ابو الاسواق : تصرف دولار ؟

- شكد عندج ؟

- ورقة

- اخذها على ١١٧ ..

- هي بييش الورقة

- ١١٩ ..

- تمام

اخذ مني الورقة وصرفها وانطاني ١١٧ .. اشتريت مي وكيكة وعصير .. شربت واكلت .. ابو الاسواق بقى يباوع عليه كال : متيهة انت ؟

- لا بس رايدة اروح لبيت اختي راح يجيني رجل اختي كال من اوصل اخابرج لهسبب منتظرته ..

- اجيبلج كرسي تكعدين بلا ما كاضبة الطفلة وتفترين ترتاحين

- ياريت تسوي فضل

- لا ادللي ول يابه بالخدمة

جابلي كرسي كعدت بالنص ساعة حسيته
كام يباوع خفت لا يشك شغلت النغمة مال الاتصال وطفيتها وكلت : الوو .. ها احمد اي اي وين انت .. ما ادري وين صاير هذا اني بالاسواق هنا شسمه الاسواق ؟ ما ادري
حاجيته : شسمه

حجه : الرحمن

- الرحمن الرحمن .. اووو شيطلعني يمعود اني والطفلة ماشي ماشي جاية

كمت من مكاني : مشكور اخوية ما قصرت رحم الله والديك

- ووالديج خوية كل الهلا ..

طلعت من الاسواق وكمت امشي باوعت الساعة تقريبا راح تصير ب٩ الا ثلث

خابرت على ام الشغل ..
ردت : ها رسل

- هلو حبيبتي بس وين العنوان حتى اجي

- اخذي تكسي وانطي التليفون احسان يدلي

- ها ماشي

كمت وكفت بنص الشارع .. الشمس ضربت راسي ومدا يوكف تكسي صبح وماكو احد وحظر تجوال بسبب كورونا ..
دك التليفون .. رديت بسرعة : الو ها حبيبتي

اجاني صوت عيفان : بنت القنادر انت وييييييييييين

فزيت من مكاني كمت سديته بوجهه بسرعة بس كلبي كام يدك بسرعة واحتريت حيلي وارتبكت كمت ادور بكتاري منا ومنا

هنوب الطفلة كامت تبجي اهز بيها متسكت
الممة خلصت .. اخلي بحلكها وهي فارغة متسكت ..

وكفت على صفحة غسلت الممة بمي وشمرته وسويتلها رقم واحد ..
اني اعرف تقريبا للاطفال لانو من جنت بالمتيم .. جانوا يخلونا احنا الكبار نعتني بالايتام الصغار نسويلهم مميات نغيرلهم حفوظات .. نبقى نداريهم .. فتقريبا اعرف للطفل بس مو بهالعمر ..

هالطفلة كلش كلش صغيرة
تطلع شوية اطول من الكف .. لانو اجتي قبل اوانها تقريبا

حطيت الممية بحلكها والتليفون يدك يدك يدك ..