Kurdish News

وەزارەتی ناوخۆی عێراق لە راگەیێندراوێکدا دەڵێت؛ ئەو هەواڵانەی لە تۆڕە کۆمەڵایەتییەکان دەربارەی هەڵوەشاندنەوەی کارتی نیشتەجێبوون (کارتی زانیاریی) بڵاوکراونەتەوە، هیچ بنەمایەکیان نییە و "رەتیدەکەینەوە".
وەزارەتی ناوخۆی عێراق باسی لەوە کردووە؛ پڕۆژەی "نیشتەجێبوونی ئەلیکترۆنی" لە قۆناغی جێبەجێکردندایە، کە ئامانج لێی رێکخستنی زانیارییەکانی نیشتەجێبوونە بەشێوەیەکی دیجیتاڵی، ئەم هەنگاوەش وەک ئامادەکارییەک دێت بۆ ئەوەی لە داهاتوودا زانیارییەکانی نیشتەجێبوون بخرێتە ناو "کارتی نیشتیمانیی" بۆ ئەوەی خزمەتگوزارییەکان باشتر بکرێن.

عەتا ڕەئوف: هەشت مانگە بەهێز كەناڵێكی تەلەڤزیۆنییان داخستووە کەچی بافڵ و قوباد تاڵەبانی باسی ئازادی ڕۆژنامەگەری دەكەن

لە ساڵیادی ڕۆژنامەگەری کوردیدا، عەتا ڕەئوف، نووسەر و ڕۆژنامەنووس، هێرشی توندی کردە سەر دەسەڵاتی سلێمانی و ڕایگەیاند: "هەشت مانگە بە هێزی چەکدار کەناڵی (زووم) داخراوە، کەچی بافڵ و قوباد تاڵەبانی باسی ئازادی ڕۆژنامەگەری دەکەن." ئەو ڕووداوەی وێرانکردنی بینای کەناڵەکە، وەک ناشرینترین پێشێلکاری بەرامبەر بە ڕۆژنامەنووسان و پەڵەیەکی ڕەش لە مێژووی شارەکە ناوزەد کرد.

کارمەندانی کەناڵەکە ئاشکرایان کردووە، جگە لە سووکایەتیکردن بە ڕۆژنامەنووسان و هەڕەشەکردن لە ڕێگەی گرووپی واتسئاپەوە، بەشێک لە پارەی قاسەی کەناڵەکەش دزراوە. ئەمە لە کاتێکدایە کە 201 کارمەند بێکار کراون و تا ئەمڕۆش چارەنووسی پیشەیی 150 کەسیان بە نادیاری ماوەتەوە و لە ژیانێکی سەختی ئابووریدا دەژین.

عەتا ڕەئوف پێیوایە ئەم ڕەفتارە نیشانەی باڵادەستی توندوتیژییە بەسەر یاسادا. لە ساڵیادی ڕۆژنامەگەری کوردیدا، ئەم دۆسیەیە وەک بەڵگەیەکی زیندوو بۆ کێشەی ئازادی ڕادەربڕین لە سنووری دەسەڵاتی یەکێتیدا دەمێنێتەوە، کە هێشتا قەرەبووکردنەوە و چارەسەرکردنی دۆخی ئەو میدیاکارانە لە خشتەی کارەکانی دەسەڵاتدا نییە.

کەناڵ ١٢ی ئیسرائیلی: ئێرانیەکان ترەمپیان زەلیل کردووە.

ماڵپەڕی "ئۆیل پرايس"ی ئەمریکی:  گرووپە چەکدارەکان 600 ملیار دۆلاریان لە ئابووری عێراق بەهەدەر داوە

ماڵپەڕی "ئۆیل پرایس"ی ئەمریکی لە ڕاپۆرتێکی نوێدا ئاشکرای کردووە کە لە دوای ساڵی 2003ـەوە، چالاکیی گرووپە چەکدارەکان لە عێراق زیانی 600 ملیار دۆلاری بە ئابووری وڵاتەکە گەیاندووە.

بەگوێرەی ڕاپۆرتەکە، ئەو گرووپانە لە ڕێگەی بەکارهێنانی "کۆمپانیای وەهمی"ـیەوە، باج و رسوماتێکی نایاسایی بەسەر بازرگانان و کاڵا هاوردەکراوەکاندا دەسەپێنن، بەمەش ساڵانە نزیکەی 11 ملیار دۆلار قازانج دەکەن.

لە بەشێکی تری ڕاپۆرتەکەدا هاتووە کە ئامانجی ستراتیژی ئەم گرووپانە لە عێراق، دووبارەکردنەوەی ئەو مۆدێلە ئابوورییەیە کە لە ئێران یان میسر پەیڕەو دەکرێت؛ ئەوەش لە ڕێگەی دروستکردنی دەسەڵاتێکی ئابووری بەرفراوان بۆ باڵە چە*کدارەکان، هاوشێوەی ئەو نفووزەی سوپا لەو وڵاتانەدا هەیەتی.

100$ دۆلاری ئەمەریکی ئێستا لە بازارەکانی هەرێمی کوردستان بۆتە 154,400 دینار.

دۆلار فڕی

جەی دی ڤانس؛ چاوەڕێی کۆتا بڕیاری سەرۆک ترامپ بن.

٤٨ سەعات یان ٢٤!