قصص فتيات عراقيات

بقيت الليل كله افكر وكرهت روحي لما عرفت بعدني على ذمة عيفان
ما اعرف اذا هو يدري او لا .. بس بكل الحالات لعبت نفسي

ثاني يوم كعدت فتحت التليفون
راسي كلش يوجعني .. جبت دبة الطرشي .. وحطيتها كدامي واني اتفحص الاشعارات

عزام دازلي : ها جبانة شردتي ؟

مجاوبته ..
كمت اشتغل على الكوزمتك واعيد نشر الفيديوهات القديمة حتى سلوى ترفعهن ممول .. تنمشي البضاعة العدنا قبل لنفتح كوزمتك

بقيت اشتغل رجع اتصل عزام ..
رديت : الو

- هلا عزام

- هلا بيج ولو انت طفيتي وايفاي والتليفون البارحة
بس خابرت حتى اعرف اذا محتاجة شي ؟

- لا تسلم متقصر

- دا اضايقج

- لا بالعكس انت انسان متفضل وافضالك تخجلني

- ها .. اي انت تحبين الطرشي مو

- ليش

- هيج دا اسأل ..

- اي خطية الحجي جابلي قبل كم يوم

- واليوم توصلج دبة ادللي

- مشكور

- اي شي تحتاجينه خابريني ووطبان اني احل سالفتو ماشي

- ان شالله
احجي واني احرك باديه بس اريده يروح ..
سد الخط .. اني معولت بس يفك

دخيلك يربي هسه هاي الورطة شلون تفص ؟

للمغرب بدلت رحت يم ماما وهيفاء بقيت تعشيت وياهن
وجان عدهم ليمون اخضر كصصته ورشيت عليه ملح وكمت اكله بالكشر ..

يا بويه متت ع الطعم
هيفاء من كد ما اشتهت وهي تشوفني اكل
اخذت مني وحدة اكلتها شمرتها بسرعة وصرت : عزا شلون تتحملي حامض مالح ياذي

يابويه اذني اذتني خرب يومج

- يموت يموت والله شلون حبيته ..

- اكولج هذا الحمل يضرب حتى المخ مو بس البطن لان مخج مو تمام وج مينووووووووكل

كمنا نضحك والحجية تكولها : ولج غير تتوحممممممم شلونب الله تبطل البنية

حجت : واذا اني توحمت تجيبيلي يمه

جرت نعالها وصوبتها كمنا نضحك وهي تكولها : تتنسين منين منهو الحبلج بنت الاوادم

- يمه يعني قصدي اذا اتزوجت

-صدك يمه تذكرت شغلة

- شنو

- بيوم الي صار الحادث رحت لعيفان وصار شي جان بالغصب بس حسب ما عرفت بطل الطلاق

- والله يا بنتي ما افهم بهالامور بس غير موافقتج الرجعة

- ما ادري حسب ما كالولي بمجرد ما يتقرب يبطل الطلاق

- منهو كالح

- بالنت يعني البنات بالكروب

- اسألج والله بنتي ونشوف شنو وضعج

- اي واللهي اريت

- احجي ويا ام عودة رجلها شيخ ويفتهم وهو يفتيلنا

- عود كليلي

بقيت وياهن لليل الساعة ١٢ ورجعت للبيت حتى لا عزام يتصل واني عند اهله يعرف امه واخته يمي ..

واني دا اصعد للبيت حسيت احد ديصعد الدرج ورايا واني يم باب البيت فوك .. انداريت الا وعيفان واكف وراي !

فزيت من كل كلبي من منظره : شرايد

دفعني جوا : فوتي

- لا متفوت البيت البيناتنا انتهى افتهمتتتتت ..

سد الباب وفات جوا

اني بسرعة فتحت السركي دا اريد ارجع انزل وارجع لبيت الحجي

ركض ورايا .. لزمني فوتني جوا وقفل الباب الجوا

- شتريد مني
جانت ريحته كلها شرب ووضعه مو تمام
وخر من عندي .. اطلع

- انت مالتي تفتهمين شنو مالتي

- لا مو مو مالتك والبيناتنا انتهى

- مو على كيفج ينتهي

- شنو البقى وما اخذته مني .. بنتي شرفي حياتي عيشتي كافي عوفني اعيش .. عيفان كوووم اطلع

- ما راح اطلع لاي مكان انت مرتي ..

- عيفان لتحاول .. اني راح اتزوج منتظرة العدة تخلص واتزوج وابن الحلال منتظرني وارجل منك واحسن لا تتخيل ارضى ارجعلك بعد كل اللي سويته

- منو هذا اللي تتزوجي

- ميخصك

يتطوطح ويسال : احجي منو

- عيفان مالك علاقة امشي اطلع منا ..

- عزام مو .. واعدج وتكربلح مو ... انطيتي ****

- عفيان لتفشر روووووح

- رايدة تنامين جواااااه  عاجبجججججج

- عيفاااان كافي

كمت ادفع بيه دفعني للكاع .. سحبت نفسي بسرعة ووهو وكع ع الكاع سكران كلش يتطوطح

لزم بطنه وكام يصيح ..
كمت الزم الحايط واكوله : امشي كوم اطلع منا .. اللهي خليك روح عيفان لتأذيني

سند ايده وكام : تحبي مو .. رايدته
ما رايدتني هاااا

اتقرب عليه ديذب نفسه
دفعته بكل قوتي من عندي بس اجت الدفعة كلش قوية

وكع للكاع .. بس وكعة على راسه مكام
بقيت اتنفس بقوة واني اصيح : كوم امشي منا اطلع لتخليني اذيك عيفان روووح

ماكو صوت !
تقربت منه استكشف بالنظرات عيونه مفتحه قليل ومثل المغمى عليه .. تقربتله لمست خده ميتحرك شلت ايده وكعت مني .. هنا تخبلت كمت اصيح : عيفاااان .... يتبع

__

#زينب_ماجد

بس بالليل اكتشفت الحجي جايب دبة طرشي مدبس
اكلته لو حسيت بلحظة غرام مو طبيعية احس هيج الاكلة نزلت على كلبي .. وكفت اكل مثل المهروشة طيرت نص الدبة

جان بودي اكملها بس شبعت حيل
ضميتها للصبح

لثاني يوم يلا بان دزتلي رقم وطبان حولته لعزام ..
كتبلي : عاشت ايدج اني اتصرف

- اكولك الغرفة مال النوم مالتي بالبيت ذاكه والغراض .. وصيت سلوى هي تنقلهم كامل بس زوجها راح يجي ويا عمال

- العصر غير

- اي كالوا العصر

- اني اطلعلهم واكمل وياهم الموضوع .

- ولو اتعبك

- تعبج راحة

للعصر اجا عزام ودزيت رقمه لسلوى خابره احسان
كالوا منتظرك .. بس طول لحد الليل يلا نقل الغراض ..
ورجع درب ثاني ينقلون الغراض بس ابو الغرفة الفتحها بقى ويا عزام يشد الغرفة

وعزام خابر على واحد من معارفو اجا شد السبلت ..
شلوى مقصرت نقلتلي المطبخ من كاونتر وطباخ وثلاجك اللي جان بذاك البيت والرفوف وكلشي ..

حطوهن بالبيت بس ما معدوهن لان تاخر البيت
خصوصا التصعيد اخذ وياهم وقت وهم يحملون ويشيلون .

ثاني يوم عزام ما اجا صار عنده شغل ..
الحجي خابر على واحد يركب الكاونتر ما اجا كالوا باجر

عزام هو ومرته صايرين مطاحن ومزاعل بينهم ..

وراها بيومين  ... الحجية انطتني غراض منها واني وهيفاء وسلوى  رحنا عدلنا البيت وكعدته وحسان جاب ابو الكونترات ركبه وشد الرفوف وصفطنا الغراض وسوينا ركن للتصوير

وبقت تحجيلي على مشروع الكوزمتك وهي دا تدور على محل
وكلت الها ع المحل اللي يريد عزام ناجرو

كالت ياريت راح اخلي احسان يتواصل ويا عزام ويشوف المحل .. بقينا نكمل الغراض .. اجاني اتصال من رقم غريب
باوعته .. بقيت اباوعله
مجاوبت

كملت شغلي
رجع اتصل مرة لخ جاوبت
طلع صوت عيفان : الو

سديته بوجهه بسرعة كتبلي : لا تحظرين اصبري احجي وياج

انطيته بلوك من واتس وخط ..
بس جسمي احتر واتوترت وراسي كام يوجعني

صعد الحجي خطية جايبلي مسواك ودبتين طرشي
كتلو : بابا كلفتك هواية

- شنو القصة بنتي .. انت وهيفاء واحد ولو ما المشاكل والهوسة والله ما اخليج تطلعين بيتي

- لا والله اني هماتين ما اريد تكلفك .

ركبلي الثلاجة وكالي : لساعتين شغليها مو هسه

وبقى يعزلي الدكم وهالامور .. لحد ما كملوا بقى يوصيني اقفل الباب وما افتحه ..

سديت الباب وراهم بعد ما كلهم راحو ..
رحت سبحت ولبست ثوب خفيف ومشيت حتى بلا تمشيط ذبيت روحي مثل الميتة .. لحد ثاني يوم

يلا كعدت ناسية اشغل الثلاجة ..
شغلت الثلاجة وشفت اللحم من البارحة محاطته
شميته ما بيه شي كمت حطيتهمب الفريز وبقيت اليوم كله ارتب على كيفي .. وادعي ربي يسهلي امري ويبعد عني عيفان .

لليل راسلني عزام كتبلي : شلونه الوضع

كتبتله : لوز

دز سمايل يضحك
شوية و خابر صفنت الساعة ١١ بالليل
استحيت ما اجاوب وهو متفضل عليه .. رديت : الو

- شلونج

- زينة

- تواصلت ويا وطبان الظاهر يعرف رقمي اصلا ما جاوبني

- يعني شنو

- سالفته بيها ليك صدكيني خليني افضى فد يوم واخذ سيارتي واطلع لكركوك للميتم اتحقق منه .. بس ملتهي ويا المفرض اللي انصاب  وسالفة العشيرة

- خطية شلون صار

- شباقي بيه خطية عمليتين لحد هسه

- خطية شكد احس بتأنيب ضمير

- وانت شلج علاقة .. بس تريدين الصدگ تستاهلين تخلين العشاير تتناطح وتتكاون لاجلج

- ليش ؟

- اذا مو عليج تتكاون .. عليش بعد

اخذت نفس واني اكوله : ها اي ..
ارتبكت ما اعرف شحجي وشسوي
ارده متفضل عليه هواية .. اجاريه اتورط .. احتاريت

رد حجه : شكد انت عليج

- الشهر الثاني يمكن دخلت الثالث ما ادري كالتلي نهاية الثاني

- يعني باقيلج ست شهور .. هينة

- ليش تسأل

- هيج دا احسب تا تخلصين يولي ما دامج حامل انت على ذمة هذا الساقط

- شلون على ذمته احنا مو تطلكنا

- يكدر يرجعج بنومة وحدة لان انت بعدة

- لا يعني شنو هالحجي

- شبيج

- يعني احس عيب

- عيب من شنو

- يعني اضوج من الفشار

- وانا يمتى فشرت

- لا حشاك بس يعني

- لان كتلج بنومة وحدة ؟

سكتت وكمت من مكاني دست الراوتر وطفيته
كام يذبذب الاتصال .. لحد نا انقطع طفيت التليفون كله

عزا ادري ماكو رجال اذا ميكوم يحاول يتقرب
لحد هسه ما شفتلي رجال يعدل صورة الرياجيل بعيني كلهم كلهم اللي كدامي بس يشوفله فرصة يزرك روحه

شكد يلعبون النفس
هنوب عزام اصعب واحد
شلون ارده شلونما اتجاوب وياه .. بنومة وحدة
حتى عيب لو هيفاء بمكاني يقبل احد غريب يحجي وياها هشكل

يربي دخيلك ساعدني ..

بس بقيت افكر بكلمته ابعد من اقرب عزام
بنومة وحدة يرجعني !
هو سواها !

يعني عيفان جان يعرف وتعمد يرجعني لو شنو
زين شنو يرجعني وهو يهيني وينطيني فلوس .. لا ما اتوقع جان متعمد ..جان بس يريد يخلص مني

.. بس اذا ما يدري واذا يدري فهي بالاثنين مصيبة اني ما عرلت يطلكني واخلص منه للابد يرجعني .. شنو هالحجي هو زواج لو لعب طلكني رجعني

- اني ادزلجياه بالطريق يلا ديري بالج على نفسج  .

مشت واني عفت الباب ودخلت دايخة متيهة نفسي
سألتني ماما : شبيج اكو شي ؟

- لا بس صديقتي دوختني

- شبيها شكالتلج

- دا تكولي وطبان عرف اهلج وامج وخواتج ببغداد .. وابويه الحقيقي ميت كاتلي الامريكان

- شلون عرف

حجيتلها بقت صافنة : والله يا بنتي سالفة تحط العقل بالكف عمرج كله بالميتم محد اجا ولا احد سأل يوم اللي طلعتي وصرتي وابتعدتي طلعولج

- يمكن امي دورتني وهي اللي دزت هذا الرجال

- ويمكن هي اللي شمرتج

- ماكو ام تشمر بنتها

- اكو يا بنيتي واكو جثير .. بس خلي يجي عزام نكلوا هالحجي ونشوف رايه تا يكول شلون نتصرف احسن هو اعرف بهذولي الناس تروحين تتواصلين انت وياه هو خلك گوا* حشاج .. شافج استعدلتي وعشتي هاليريد يجرجرج لهالدرب

دخلت هيفاء وهي تحك براسه وعاقدة حواجبها : شكو

- اسم الله الرحمن بنتي شبيج

- ما بيه شي بس شبيجن

- ماكو شي صديقتها اجتها حجتلها سالفة واحتارت غسلي شو غسلي

ما اهتمت للكلام اندارت تحط التليفون على اذانها .. ورجعت تسال : بابا كعد ؟

- كعدت تريك وتغدا ورجع نام

- ها

رجعت التليفون من اذنها ومشت وماما تسالها : دا تخابرين منو ؟

مجاوبتها .. كالتلي : امشي شوفيها شبيها الله يرضى عليج بنتي

اني محتارة ومصكوع راسي مشيت للغرفة اصفن بوجهه وهي عاقجة وجهه وضايجة وتتصل وميرد عليها

جاوبها كالتله : بعد وكت اتذكرت اني دا اتصل عليييييك ليش متجاوب

- وهو يصيح : نايمممم يكفر الواحد ينااااااام شتريدييييين

- ها ولهسه نايم لازم سهران مخلصها للصبح ويا منووووو سهران

- اكولج راسي يوجعني ولي

- اذا سديته والله.. سداه بوجهه كبل لا تكمل حجي
رجعت اتصلت غلقه وانغلق للتليفون .. كامت تضرب بالغراض : اكص ايدي اكص ايديييي اذا ما جانوا سهرانين بنادي وجايبين نسوان يعلمني باصدقائه رب مال نسوان بس سهلة لا ما اخابر خالوا واحجيله فلا اطلع اسمي هيفاء

- لتلوصيها عليج وتدخلين خالج والاهل .. انتظري واصبري فد شوية يفتح ويخابرج

- وارد عليه بعد ما سده بوجهي لا ما اشوفه انجوووووم الظهر دخلي يصبرلي

دا تحجي سمعت صوت عزام دا يحجي ويا ماما
كلت الها : اجا عزام كومي ليروح يسألج ليش دا اصيحين

دا احجي .. واني اكوم اتقرب عزام ودك الباب ..
هي دارت وجهه واني فتحت الباب صار بوجهي : شبيها هيفاء تصيح

- علمود الامتحانات الكتروني وملودين عليهم المواد بوقت قصير

- بس على هاي

- اي خطية عوفها مقهورة

- سهلة يمعودة هيفااااء بس ركزي والله بسهل

صاحت هي : عوفني يمعووووود

مشى وهو يكولي : اكربي حدر

مشيت دخل المطبخ كال : شنو اللي كالته امي شنو موضوع امج

سولفتله : ذولة سالفتهم مو هينة .. لو رايد يكلج ما كال من امس قابل اليوم غبش ونبش وجاب خبرهم

- من البارحة هي خابرتني

- هم مو خالي .. وطبان عندو قضية ويا عيفان ورايدج طرف باي طريقة .. اذا دزتلج الرقم دزيلياه وانا اتفاهم  وياه .. واذا عصى ما انطى اسم تنعرف سالفتو دغش ..

واذا تريدين ما طول الميتم عندهم رقم الرجال الجاي سال عنج .. نرجع للميتم نعرف خبروا ونستكشف عن الوضع ... خليها وراي تمام

- اي والله ياريت

- اليوم جمعة بس  وصيت صاحبي مؤسس مال بواري كتلو يطلع يشتغل ما طولني كاعد اليوم  .. يشدلج البواري بالبيت تا تنظفين البيت وتغسلينو .. انت وامي وهيفاء خوش

- اي والله تسلم .. وبعد سالفة وطبان يمك بس تدزلي رقمو ادزلكياه

- سهلة بالخدمة .

صبيت اكل اني و هيفاء ما اشتهت والصدك حتى اني مشتهيت اكلت غير لكمتين .. بس روحي تلوب على طرشي شفته بالنت يسموه طرشي الحبوبي .. مدبس وثخين روحي كامت تتخيله

حجيت لامي كالت ابوه جبير الطرشي اروحلج العصر واجيبلج طرشي مدبس ..

صدك خطية بس كسر الجو وصت الحجي
كاللها رايحين انا وعزام على كعدة ويا اهل عيفان .. لان عزام لازم واحد من ولدهم اللي هدده مباشر ذابه بالتوقيف وذاب القضية كلها براسه .

كالتلو : وصلني لسنتر ابو محمد تا احيب منو طرشي

كاللها : اخلص شغلي واجيبلكم

- مو هذه خطية مشتهيتو وحامل ما اريد اخلي بنفسها

- مشتهية طرشي

- مدبس

- جنها على طرشي مدبس

ابتسمت ؛ شفته بالنت يسموه مال الحبوبي

- هذا بالنجف على ما اعتقد بس هم اوصيلج عليه واليوم تجيبلج المدبس العادي

- مشكور يابه الله يحفظك ان شاءالله

- يستر عليج بنيتي

مشوا وساعتين وعزام خابر على امي تنروح نغسل البيت ..
رحنا اني وهيفاء وامي غسلنا البيت كلو .. وخابرت سلوى ودزيتلها صور البيت واتفقت وياها

ورجعنا ميتين تعب ..
عاد الحجي وعزام جايبين وياهم دجاج مشوي

اني من شميت ريحة الدجاج المشوي طلعت روحي من اللعبان نفس ..

ما خليت شي ببطني ما زوعته
عاد الحجي دزلي لفة كباب .. ودزيلاها بيد هيفاء ..
بقيت حابسة روحي بالغرفة بس اطلع اشم ريحة الزفرة رغم مسحن البيت وغسلن المطبخ بس خشمي يتحسسها ما ادري شلون وتكوم معدتي تكلب

بس عندي غرفة نوم وغراض بالبيت ذاك يعني

حجه عزام : نحنا ننقلهم ماكو مشكلة بس هسه اذا هندج فد راي كوليه مقتنعه هذا هو ؟

- لا لا اكيد مقتنعة .

رحعت وياهم للبيت سلمت على هيفاء .. هي كامتلي وسلمت عليه بلهفة وهي تكولي : ماما هواية تحجيلي عنج .

- ماما ماكو منها

حجت ويايا ماما : تعالي كولي شنو صار

حجيتلها واثنينهم ماما وهيفاء كانوا متشفيات بمرت عزام الظاهر مو كلش يحبوها لان هي على عرك وياهم متحب عزام يجي لاهله ومتقبل يكعد لان عايفهم كبار بالبيت وحده وابوه ما يقبله يكوله ما عدنا شي ابقى يم مرتك احنا ما نريد احد ويانا ..

وهيفاء تكولي : اي دستعجلي وجيبي بلكي تصيرين جنتنا

- يولي لا تروح تسمعج وشيخلصني والله اني هيج ومخلصانا من المشاكل ما اريد زواج ولا اريد احد اني بس اريد اعيش

- تعيشين تعيشين مدام عزام هينا تعيشين

وتغمزلي .. ضحكت .

بالليل راسلتني بان مالتلي : باچر اريد اشوفج كبل لا اروح عندي شي مهم الج

- شنو هو الشي المهم

- من تجين تعرفيها

- ما اكدر اجي تكدرين تجين انت

- مو مشكلة امرلج

- انتظرج لعد .

هيفاء كاعدة يمي تتراسل .. حجت : اووي والله ضوجني

باوعتلها ابتسمت : منو

- هذا ابن خالي .. نحب بعض بس يموتني بتصرفاته اليوم خميس ما عول يفتحون الحظر .. راح طار لاربيل گبل .. يعني شيريد يسوي باربيل يكلي اني وجماعتي رحنا واصدقائي يمي ما اكدر احجي وياج هواية

ابتسمت وعرفت موضوعه بس ردت اطمنها : يمكن صدك رايحين ديتونسون اربيل بيها هواية معالم سياحية

- هي مال بيها معالم بيها بس المعالم البالي اكثر من السياحية

ابتسمت : حاولي تثقين بيه يعني اذا يحبج اكيد مراح يفضل عليج اي معالم

- وشيفيدني حبه لو خاني

- مناوين تتزوجون ؟

- لا كلنا بس اخلص جامعة نتزوج .. هسه ومخلصانه من عقده واوامره عاد لو تزوجته واني طالبه شلون

- وانت هسه ومطايقته شلون تتزوجي ؟

- لا يولي مطايقته شلون غير اموت اموت عليه بس هو شوية صعب مثل هسه مقبل يحجي والله جماعتي يمي يخليها حسرة بكلبي شلون اعرف شديسوي ميسوي ..

- لتخافين توقعي شي ايجابي ولتتوقعين سلبي وثقي مدام يحبج مراح يشوف غيرج .. اذا تخافين من بنات الليل فميخوفن لان ياخذوهن لوقت وحاجة من يخلص وقتها وتنتهي حاجته ميكوم يدورها ولا يدري عنها ..

- يولي هو العراقي ميدور غير مصلحته احنا نخدع نفسنا بسوالف الحب بس شسوي احبه مو بيدي حتى لاهلي ما اجي لان هو هناك اذا مر يوم مشفته انجن اتخبل

- هو يحبج مثل ما انت تحبي

- اي طبعا يحبني بس مو بكدي بس يتأمر هواية اذا اريد اطلع لو حجيت ويا زميل يتخبل بس هو والموظفات الداير مدايره ويسولف ويدك حنج عادي ما يقبل احجي بسرعة يسموها نگ ولا تنكدين بس من هم يسووها بروسنا لا هاي غيرة ومرجلة

- حلو يغار عليج .. يعني حسب ما اشوف الرجال يغار ع اللي يحبها بس اللي ما يحبها ما يهمه لو حجت ويا عشرة .

- هاااه .. اي والله هو يحبني فدوة اروحله حبيبي الله يحفظه اليه .

ضحكت وبقينا نسولف اني وياها سالتني : هم حبيتي ؟

اخذت نفس : ما ادري ..  ما اعرف

-شلون يعني متعرفين اكو احد ميعرف نفسه

- لما متعرف امك ولا ابوك ولا اهلك ومتعرف بيتك ولا تعرف مستقبلك فانت كلشي متعرف .. حبلت تسع شهور واني ما ادري اللي ببطني بنتي مو بنت غيري .. اليشوفني صغيرة .. بس همومي ومشاكلي كبرني فوك عمري سنين كل يوم يمر عليه عمر

- لا شلون يعني حبلتي ومتعرفين اللي ابطنج بنتج ؟

كمت اسولف الها بقت تستمعلي بشغف وتسألني

لحد ما صار الصبح صلينا ونمنا
الظهر كعدت على صوت الاتصال .. كعدتني بان دا تكولي : راح اجيج ومن الباب ما اتأخر

- يلا انتظرج

كمت غسلت وسبحت وتوضيت طلعت ماما بوجهي كالت : ها اليوم كعدتجن ظهاري

- اي والله بقينا الليل كله نسولف ونضحك

- الله يحفظجن يا بنتي ويستر عليجن

- الله يخليج ماما بس صديقتي حتجي من الباب كالت تسلم عليه وتروح

- اي هلا شكو بيها

دا تحجي دكت تليفوني اخذته من الشحن رديت .. كالت : اني بالباب

اخذت حجاب وطلعت فتحت الباب جان واحد بالسيارة منتظرها : منو هذا

- عوفج معليج بي شوفي

- شكو

- راسلني وطبان يكول اني عرفت امها وابوها .. وعرف مكان بيت اهلج وكال اني عرفت كلشي عنها وعن تاريخها

انصدمت : شدا تحجين شنو امي شنو ابويه شنو اهلي .. منو وينلي اهل

- تتذكرين من كتلج رحت زرت الميتم وباجي كالتلي اجا احد من اهلها سال عليها

- صدك يعني

- اي والله شبيج

- الظاهر وطبان مدرر ع السالفة وعرف كلشي ويكول ابوها ميت من سنوات يمكن كال كاتلينه الامريكان بس امج و خواتج موجودات ببغداد

- كولي والله  ؟

- اي والله

- وين ببغداد ؟

- يكول اذا تريد تعرفهم خلي تخابرني واني اعرفها بيهم

بقيت اباوع بعيونها باستغراب

- يلا ما بقى عندي وقت قبل المغرب لازم اني باربيل هم انام شوية واكوم لحيلي محتاجة شي

- ما عندي رقم وطبان

- وليش ما كلتي من زمان ؟

- الحجي والحجية يعرفون بس هم كالولي منكول

- حتى الي

-كالوا حتى مينحرج ويا الناس

- احراجيش صد يحجون وانت ناوية تبقين الجاهل

- اي

- تا يرجع ياخذو منج

دنكت .. حجى : انت رايدة ترجعيلو

- لا

- عجل شنهو اللي تردينه ؟

- اعيش بدون مشاكل بس !

باوعلي : انت دا تجيبين المشاكل لنفسج الطفل يعني مشاكل جديدة

- مو اني اختاريت يكون ببطني حتى اجيب .. الله هو اللي قسملي وهو اللي راح يساعدني

-والله ما اعرف الواحد بعد شيكولج المهم .. خلي نرجع تا تشوفين البيت اللي ردتي للايجار الحجي راح يتكفلج كدام صاحب البيت وكالوا مثل بنتي .

- الله ينطي العافية ، وزوجتك

- شبيها ؟

- كون صارتلك مشاكل وياها

- لا لا رجعها اخوها لبيتها .. وحاليا هي بالبيت اكمل شغلي وارجع .. بس هسه انت رايدة بس البيت تا تعيشين والسلام .. مو ؟

- بالضبط

- طيب راح اكملج سالفة البيت .. بس تنازل ماكو .. افتهمتي لا ما ذيلتهم ولعبت بيهم طوبة .. ما تمشين بغير هالحجي وما راح يكدرون يتعرضولج

هو ديحجي شفت وطبان بسيارته .. بقيت اباوع وراه وعزام يحجي قطع كلامه : شكو ؟

- هذا وطبان

- يا وطبان .. ها صاحبكم مال اربيل

- شبيه ؟

- هو مطلوب هنا ما يجي .. ما ادري شعنده معقوله عنده شي ويا بان

- ما عاد مطلوب حاط محامي قوي وشاد حيله .. بس صديقتج مو صافية من احجيلج شغلة لا تدورين وراها اخذيها لان انا ضابط تحقيق اعرف الشخص من عيونه شكو بداخله خير لو شر وصديقتج ما بداخلها نية حقيقية .. جيتها بقصد

- زين شيردون مني ..

- قضية وطبان حسب ما عرفت ويا عيفان ومن خلالج راح يكدر يلوي عيفان .. فرايد يحطج بنص القضية  لهذا اكولج ابتعدي قدر الامكان منها يمكن هي مجبورة بس اذا جرتج اتصيرن اثنينجن مجبورات

راح اجرلج البيت وكعدي وسكتي ومالج علاقة باحد منا لما ..تولدين بسلامه شوف شلون تمشي القضية بس انصحج توكلين محامي .. يصبت زواجح من عيفان وطلاقج بشهود حتى لما يجي الطفل يبقى عندج وتكسبين حضانته بالقانون ما راح يكدر يسحبج ولو حاول يثبت عليج شي وانو انت بنت ليل وما مؤهلة للحضانة .. تحطين محامي لاخ يثبت انت جنتي مجبورة واخذوج من الميتم وتسردين هذا الرواية وتتعهدين وهالامور .. بس هسه قدر الامكان ابتعدي من عيفان ابتعاد تام لا توصلي ولا تردين على اي اتصال منه ولا تجاوبي ابد

اي تجاوب وياه معناها يرجعج للمربع الاول
لا تعتقدين لما راح يحاول يتواصل وياج لو محاولات يرجعج او يجيج هي حب .. خلي ابالج ابوهم واخوهم بقصية جنائية اذا كسبتي الحكم بيها راح يتورطون بسجن فاولها وتاليها يضطرون ينطوج كل حقج في سبيل تتنازلين الهم ..

فابقي مبتعدة حتى تحصلين على كلشي حقج واللي ابطنج مفهوم ؟

- اي اكيد .. بس اكو شي

- شنو

- صديقتي خابرتني تريد تفتح كوزمتك .. وتريد تساعدني بايجار البيت اللي راح اجره .. واشتغل هماتين اني اعرف انت تريد تتكفلني وما تقصر بس ادري هالموضوع راح يسببلك حرج هواية من ناحية اهل عيفان ومن ناحية زوجتك .. وحتى من ناحية عمامك

يعني لا تفهمني غلط اني ما اريد احملكم بعيشتي احتاجكم بس واكفين يمي هيج مثل اهلي ارجعلكم استشيركم تنصحوني بس ما اريد اذيكم

- يعني قصدج تشتغلين بكوزمتك

- اي مال بنات مكياج وهيج امور

- وين ؟

- ما اعرف لحد الان ما قررت وين بس دا تدور على مكان

- اكو محل براس الشارع مالنا مال واحد صاحبنا تريدين اخابرلكمياه

- والله ما اعاف اكولها وابلغك

- دخل نشوف البيت هسه وسهلة الله كريم يعني هي راح تدفع الايجار مكانج حتى تحط الغراض يمج

- اي

- هم زين ما بيها شي .

وصل بيه للبيت وخابر على ابوه ..
احا الحجي وعزام راح لابو البيت .. الحجي حجه : ها بنتي وين جنتي

- رحت لصديقتي

- وشنهو الصار ؟

- ما صار شي بس كعدنا لان مرت عزام جتي لهنا وجانت متضايقة من وجودي

- والله يا بنتي وانا بحسبة ابوج اكول اتنازلي لاهل عيفان وهل يولون وعيشي مرتاحة لا مصايب ولا طلايب ما دام عليهم قضية ما راح يعيفوح بحالج

- الله كريم ان شاءالله

- هيفاء بنتي اجت .. نخلص البيت تا تتعرفين عليها تشوفيها

- اي والله متشوفة اشوفها كولش

- هي هم حابة تشوفج

اندارلنا عزام .. والرجال طلع مشاله الحجي وراحوا  للمشتمل يصير بالوجه درج حديد تصعد فوك  تلاكي باب حديد هماتين فتحه بالمفاتيح .. صار بوجهنا كراج وتدخل

بيت ٣ غرف وصالة بنص البيت وحمام ..
كاله هاي الغرفة ترهم مطبخ بس تأسسلها ..
الحجي اتفق وياه يأسس بس يقطعها من ايجار هذا الشهر

وافق الرجال وكاله : هذه البنت كرايبي اهلها مسافرين برا وهي متزوجة هين ورجلها طلكها وبقت عندي بس تعرف الناس الما تخاف الله وعيالها رايدين يبلونا ببلوة لان ساعدناها علنريد نحطها كبال عيونا ابيت ترتاح بيه

كاله : لا بتنا ان شاءالله وما نقصر وياها وشتحتاج بالخدمة .

حجالي الحجي : شنو رأيج

- لا هاي تمام هذا هو ..

- الله يحفظها

- هسه متفقين امشي بسالفة الكوزمتك مو تعوفيني وتتراجعين

- لا هاهية وياج بس سلوى ..

- كولي

- الغرفة مال النوم اللي اشتراها عيفان والسبلت بالبيت مال الغراض

- بعدهن اي

- احتاجهن اذا اجرت .. يعني فرضا لو اجرت اريدج تساعديني ننقلهن

- انت راح تنتقلين ؟

- اي والله بيت قريب على بيت الحجي بس بعد منتفقين هاي اذا صارت

- شوفي اذا صارت ننقل الغراض واني ادفعلج الايجار

- هاه

- اي والله

- لعد بهاي الحالة خلي احسان ياجرلياه .. لانو هم مرايدين بنية تكعد .. يعني يردون رجال يتكفل وهيج امور تعرفين عقلياتهم .. طبعا اذا تشوفين يكدر انت اعرف بعد

- ما ادري خل اشوف اذا هاي اخلي اخوتي ..

- تمام ..

- ديلا حبيبتي اخذي راحتج

- بيباي حياتي

سديته حجت بان : اتصالج طول

- هذه سلوى .. دا تريد تفتح كوزمتك واني اشتغل بيه

- شهالتقحيط خو ارجعي اشتغلي ويايا .. كم ساعة بالليل تطلعين فلوس مال دك شغل بالاسبوع .

- اني كمت اصلي واصلا اريد التزم بالحجاب .. ما اريد ارجع لهذيج الامور

- يا امور يولي ؟ هي بس تتمايلين وتركصين

- ما اريد ..

- عاجبج وضعج هنا ؟

- ولو رجعت لشغل الليل يصير احسن يعني

- اقلها تكونين فلوس

- شكونتي ؟

- لا ليش دا الم

- يمعودة عوفيني بهمي

- وراح تبقين هيج على فكرة ما راح تخلص

- وين نا توصل توصل بعد اني هم مليت الوم بحظي واعتب .. مليت

- درجعي ويايا ونعيش ببتي حتى لتدفعين فلوس

- ببيت صديقج قصدج ؟

- وج شيجي هو بالسنة حسنة ترا عنده اعل وبيت وملتزم ببغداد عود من يريد يتونسله بالشهر كم يوم

- وطبان شنو وضعج ويا ؟

- ما عندي شي وياه ممتواصلين

- يعني مو هو الدازج عليه تعرفين اخباري

- دروحي شنو هالحجي ترا ازعل والله

ابتسمت : اتشاقى وياج ..

- ناوية تبقين الطفل ؟

- وليش لازم اذبه ؟

- دا تشوفين وضعج ممستقر بأي حال دا تجيبي للطفل يتعلعل وياج

- محتاجة احد يعوضلي مكان تونا بحضني لأني كلش تايهة وضايعة بدونها وكل الوقت افكر بيها

- ومراح تسوين شي وترجعيها

- وشبيدي وما سويته

- واذا جماعتنا يساعدوج ويحطولج بيت هناك ويسحبوها

- جماعتنا منو اللي فتنوا لعيفان عن مكاني يمج واجا شحطني بنص الليل وضربني وتعدا عليه هم ذوله اللي تريدين اتحامى بيهم .. بان انت شبيج شلة كواوي* بياعة شرف شلون ترديني اثق بيهم

- وانت ما بعتي شرفج قابل يمعودة هي مال شوف وحجي ما يوكل خبز

- وشوكت بعت شرفي ؟

- لاااااه وبنتج هاي اللي جبتيها شنو بالحلال ؟

اخذت نفس : هم صح .. استحق تعايريني شكراً

- چچك لا تزعلين اني مقهورة على وضعج

- اعرف بس لازم اكوم

- هستوج اجيتي وين تروحين

- تلكين الحجي والحجية اجوي

- دكعدي اكعدي بداعتي لتضوجين ترا دا اتشاقى وياج
خل اكوم اسوي كهوة او شي مشروب نشربه ماكلة لو نطلب ؟

- لا لا ما اشتهي شي

- ايييي دكعدي

مشت للمطبخ ... سمعتها تخابر
خليت اذني يمها بس كأنما كانت دا تسولف عني ما سمعت الكلام زين .. كمت من مكاني رحتلها .. سدت الأتصال

-ها ؟

-اريد اروح لتعبين نفسج انت شوكت راجعة

- دبقي يمعودة شكد لخيتي هسه شعندج رايحة

- لا والله اروح افضل

-ترجعيلهم

-لا هم امر على البيت القديم اتأكد اذا غرفة النوم بعدها موجودة او لا حتى من اجر انقلهم

-دبقي شبيج بس نشرب الكهوة شجاج

ضميت شفايفي وسويت حركة بحواجبي وهي شمرت التليفون وفتحت الكاونتر تدور على دلة .. طلعتها ترستها وحطتها ع النار .. وكامت تفتح بالعلاكة تطلع كياس كابتشينو مشتريته وتفرغ بالدلة

دگ تليفوني ..
باوعته عزام .. جاوبت :

- الو وين انت ؟

- يم صديقتي اشوب كهوة واطلع

- لا تتضايقين من مرتي هي تغار وتخربط وحدها ..

- لا حقها خطية

- - اي انطيني عنوانج خلي اجيج لا تبقين يم صديقتج

- شوف عزام اني ما اريد اسببلك حرج بحياتك

- انت كلتي هاي حياتي مو حياة غيري يعني الشي يخصني بس رايد استفسر واستفهم منج بعض الامور بعيد عن البيت .. انطيني العنوان

- تمام
كتبتله العنوان ودزيتله ..

شوية وخابر كال اني بالباب .. اخذت الجبة لبستها حجت بان : ويييين

- اجا عزام

- صدك تحجين ؟ وحتروحين وياه ؟

- بلي حروح

- والله ما اعرف شكولج بس موقفج يفشل اني جايتج من اربيل لهنانه تالي تعوفيني وتمشين

- لا تزعلين اني امري مو بكيفي ولازم ادبر وضعي

- شنو المو بكيفج هي مال كلاوات .. منو ولي امرج حتى يحكمج ويتحكم بيج حتى عيفان طلكج بعد شنو حجتج منو يحاسبج

- ولان ما الي احد لابد ابقى التزم ببيت الحجي حتى ما اضيع

- محد مراح يضيعج غير ضعفج

- القوة عندج ارجع للملاهي وللوضع اللي انت بيه وابقى رهينة لهذا وذاك يتحكمون بيه بكيفهم ؟

ضاجت من كلت الها هيج ..
اخذت الشال لبسته وطلعت ركبت ويا عزام : العفو بس اني ما اريد اسببلك مشاكل

- عوفي المشاكل واحجيلي صدك حامل

- هزيت راسي باوعلي وهو يسوق

المفقودة

((( بقلم زينب ماجد )))

الحلقة_٢٩

فاتت بهمة وهي عاكدة حواجبها .. وهي تدفع بجهالها بلا ما تباوع وانتبه  واخوها بالباب يدك بيها ويصيح : خااااالي

رفعت راسها اني بسرعة دخلت جوا قبل لتتكابل ويايا
تخصرتله ووكفت : شعندك وياها عزام

- شعندي منو الديصيح برا اخوج ؟

- لحظة لحظة عمي عمتي وينهم ..

- جايك جايك .. دفوتي خل اطلع لاخوج

اندارت تباوع وراه مصدومة وهي تباوع الصينيته ومكانه
بسرعة فاتت جوا .. للمطبخ للغرفة ماكو احد
اجتني : عمي وعمتي وين ؟

- ماما راحت للمستشفى ويابه مشى يوصلها

- ماما وبابا وماخذة راحتج وخايطة البيت وتصبيلا ..وتستفردين بيه
شتريدين انت ها كليلي شراااااايدة

- مرايدة شي !

- مرايدة شي وتتملزكين بيه وتصبيلا غده وكاعدة يمه والبيت فاااااارغ دوتي وراااااه حسبالج اعوفج لو اخلييييج تاخذييييي والله العب بيج طووووووبة

هجمت عليه وتكولي : اسوووووود عيشتج والله طايحة الحظ كح**

- دوخري هسه منو جاي يمه .. اجا وطلب غدا صبيتلا قابل اطرده من بيت ابوه

- لااااااا اطردي شلووووون هو انت ما عولتي تحطيلج بركبة زلمة كح* زايعتج الكاع بنت ليل وجاية تكوشيلج على زلمة يلفييييج

  - اكولج ذاك هو وتفاهمي وياه اني شكووو

- ما تبقين دقيقة هنا افتهمتيييي

وهدت عليه تلزم براسي كمت ادفع بيه واتصايح وياها وهي تجر بيه والجهال كاموا يتصارخون

دخل هو بسرعة : هاي شكو .. يولي ...
شافها دا تجر براسي كام يجر بيها ويسحب باديها وهي كامشة بيه واني اصيح وهو يكولها : وخرييي منها ماكليلييييي شبييييج

- ما ابقى والله وينه اخوووويا ويييينه مو يكلولي رجلج خل يجوووون يشوفون وجلي شديسووووي مخلي اهله يطلعون وماسرسح لهنا ويا بنت الليل وحدهم يتختل ويااااها

- ولج شعدي وياها تخبلتي صوووووووتج

- اي تخبلت تدري شلوووون اني اتخبلتتتتتتتت..

تصيح بشكل هستري وتملخ بنفسها كام ضربها راشدي .. كامت تصيح وتبجي .. ابتعدت منهم واني اسحب بشعري والم بيه اخذت جبة وحجاب وتليفوني وجنطتي

صاح عزام : ويييين رسل تعالي هين

- تصافوا لوحدكم الله يخليك اني اجي فد شوية بس تجي ماما .

- وين رايحة

يحجي واني امشي وهي تتبعه صار اخوها بوجهي
كتله : لصديقتي

- لا تروحين لصديقتج عوفيها ادخلي جوا اني احلها

- والله اخوية اني مجاية اهجم بيت احد .. صدكني بالله تعبانة وما بيه اتكاون ويا واحد .. انت حلو اموركم بينكم

- راح اخذها للبيت ادخلي بيت صديقتج لتوصلين اسمعي الكلام

وكفت محتارة .. والولد يكوله : هي منو هاي عزام خاطبها انت لو عندك شي وياها

جان يرده : الخطبت والعندي شي وياها شنهو تحكمني انت لو اختك

- احنا ما نحكمك بس من عندك شي غير المفروض تقدنا تحترمنا اقل تقدير تبلغنا

حجيت : اخي شعنده انت الثاني ترا اني متزوجة وحامل يا عنده ويا ما عنده رحمة لربك عوفوني بحالي وين ما اريد اعيش يطلعلي نباش كااافي

عزام بقى واكف منصدم ما حجه شي ..
وهي تصيح : منين حامل هسه يطلع محبلهاااااا وتعال ابتلي بيهاااا

عفتهم وطلعت برا ..
اخذت نفس والله تعبت من حياتي
ما اعرف شلون امشيها .. اركعها منا تنفتگ منا ..

تنهدت واني اطلع تليفوني
خابرت بان ردت : ها چچك

- وين انت

- بالبيت شنو شصاير شو صوتج مو طبيعي

- دليني البيت الله يخليج دليني

- وكفي تكسي واصعدي واني انطي العنوان وادفع فلوس التكسي بس تعاي

- تمام

وصلت للشارع العام صعدت خابرتها وانطيته التليفون للسايق
لحد ما وصلني البيت وهي تدلي كوة متندل .. طالعة لابو السواق يدلي بي ورح منا تعال منا لحد ما وصلت .. انطته فلوس التكسي ورجعنا اني وياها للبيت

بان : شكو قلقتيني شبيج

دا اريد احجي خابرت سلوى
.. لحظة

رديت : الو

- هلاو بذاته

- هلو حبيبتي

- وينج ما وين

- بنص الخير بعد شتعرفين عني

- الله يعينج بس خابرتج افيدج

- كولي ؟

- قررت افتح كوزمتك وانت تلزمي شنو رأيج

- شنو الجديد مفتهمت

- يولي قصدي محل كوزمتك محل وانت توكفين بيه

- ها .. اي ماكو مشكلة سهلة

- هم رزق الج وهم تتسلين مو

دخلت البيت واني اكولها :- ان شاءالله ما بيها شي

- انت شكو ماكو اخبارج

دخلت الصالة ومكمله :- تطلكنا اني وعيفان وبعدهم معايفيني بحالي وبعدني ادور بهالدوامة

- شيريد منج متكليلي

نزعت الجبة واني اكولها : حظي بعد

- الله يعينج .. اكول عود هم مري مشتاقتلج ومنها نحجي ماشي

- واهلج ؟

- شعليهم اهلي اني رجعت لاحسان

كعدت ع التخم - صدك ؟

- اي والله اهلي كسروا مجاذيفي عزلوا البيج كله كعدوني ع الحديدة حتى اني اضطر ارجع لاحسان عاد رجعتله يمعود على كولة اهلنا نارك ولا جنة هلي يولي ..

- هم وينهم هلي اني لازمتهم وما عايشة بجنتهم وعايفة هالنار

- ههههههههه على كولة امي كلمن همه اعلى صريـ .... **

_ ههههههههه اول مرة اسمعه مثل امج

- اوووو تعاي واخذي امثال عمارجية ويا كل كلمتين تذبلها مثل ما موجود معاجم اللغة .

شنو توقعاتكم للبارت ليوم وتتوقعون راح يرجعون سوه لو انتهت قصتهم

-اي ان شاءالله يلا بنتي روحي غسلي وصلي وتعاي بمكاني

- ماشي

راحت بدلت وكملت واخذها الحجي يوصلها
شوية واندكت الباب دخد عزام صاح : يممممه .. حجييي

صحت : ماكو احد راح ديوصل ماما للمستشفى

دخل للبيت : يولي صارت ماما

ابتسمت واني اصبلي ماعون من الطبخ
حجه : اذا الامل جاهز صبيلي وعندي الج اخبار حلوة

- شنو هي ؟

- دصبي بالاول

- ماشي

صبيتله ووديتلا بالاستقبال ..
ووكفت اباب الاستقبال من جوا وهو ياكل ويحجي

- شفتلج بيت شايفة هذا البيت جيرانه البصفه دا يريد يأجر الفوك الطابق الثاني

- اي

- ورايد مؤجر فكرت بموضوعج

- اي

- مو تريدين بيت ايجار

- اي والله ياريت وقريب عليكم شفايتلي بلكت الله الكي شغل وتترتب اموري

- اي بس اكو شغلة

- شنو هي

- ما يرضى يكعد بنية

- ليش

- يخاف من المشاكل ..

- يا .. لعد شلون اذا ميقبل الكي غيره قريب

- لا يريد عقد زواج بانو هذه البنت عدها رجال وراها تا ياجرلها البيت

- ومنين اجيب العقد اني وعيفان اتطلكنا واحنا ما عاقدين بالمحكمة .

دا يحجي .. وميحس الا الباب تندك
وتندفع .. وجان تدخل مرته واخوها بالباب .. يتبع

__

#زينب _ماجد

چچك: لا ما شايفته من اخر مرة جنت حامل ومحبوسة يمج واجا عيفان اخذني ما عادها وتعرضلي .

- اي هو هم انشغل ما شايفته

ضحك : طلعتي تعرفيننو وتعرفين مشغول عجل شلون تكلين ما تعرفينه ؟

- لا ما اتذكرته والله تعبانه صار عندي مسح بالذاكرة من التعب شنو غير الطريق مينحمل .. نمت وكعدت كومه وهو ممخلص ..

- اي حقج .. اخذي راحتج واضح تعبانة رسل راح تضل هينا

- ليش

- افضل






- لا شلون اني جاية عليها

- اي حياج ابقي ذيج غرفتها روحي اكعدي بيها .

- شنو اكو اشكال لو راحت ويايا

- اي الصراحة اكو

- شنو هو

- امور براسي احسبلها .. ما اريد اضوجج بيها بس افضل ما تروح وطبعا هي حرة انا ما احكمها بس اكول الافضل .

حجيت : اصلا تعبانة كلش ياريت لو تبقين

ش- لا لعد اروح ونتشاوف اصبح اخذي راحتج .

- ماشي

سلمت عليه باستني ومشت ..
وصلتها للباب ودعتها ودا اسد اللاب لكيت عزام وراي : راح اروح محتاجين شي

- لا مشكور

- رسل

- ها

- هذه مو صديقتج

استغربت من كلامه : - ليش

- هذه صاحبة وكت ووراها واحد دازها

باوعت بوجهه : قصدك وطبان

- باجر اجي الصبح ورايد اعرف قضية وطبان بالكامل هسه ارتاحي الواضح تعبانة ما اريد اتعبج ازيد .. تصبحين على خير .

- اجمعين
حجيتها واني اباوع وراه
معقولة دا تعيد السوته ويايا وكت ما بلغت عيفان بمكان واجوي اخذوني من البيت .

بس شيردون مني هالمرة
بس لا حتى يغصبني ويرجعني للشغل بعد ما عرف بموضوع طلاكي من عيفان .. رايد يرجع يستغلني

يربي واني اطلع من ضيم عيفان ارجع لوطبان
زين وتالي .. يربي والله تعبت

رحت للفراش متعبة الى ابعد حد
تعب جسد وروح وكلب وعقل ومن كلشي تعبانة .

اول ما تمددت التمت عليه همومي كلهن وحده وحدة
بقيت افكر اجيبها منا اردها منا حياتي دائرة لو اتحمل ضيم عيفان لو انغصب على غير حياة .. هي البنية متكدر تعيش حياتها بسلام بهذا البلد بدون مز تضطر تكون ويا رجال يحميها من الغربة .. بس يطيح حظها ؟

بالاخير شفت كل تفكيري وهمومي مالها قيمة
الفكرت والنا فكرت شيفرق ؟

كمت من مكاني رحت توضيت
ومشيت للصالة مديت السجادة وصليت المغرب والعشا قضاء وتليتها بركعتين لوجه الله .. وكعدت من بعد الركعة الاخيرة .. سلمت وسكتت

كامت دموعي تجري
غمضت عيوني .. وكمت اكوله ربي تشوفني ؟
ربي ساعدني مالي غيرك يوكفني لتخليني احتاج احد غيرك
ربي تعبت من كلشي بس بداخلي روح رزقتني بيها حتى اعيش الها ربي اترجاك ساعدني .

كمت ابجي وادعي بدون ما افتح عيوني
حسيت صوت ورايا .. انداريت الحجي : ها يابه

- لا تبجين بنتي الله ما يحمل انسان شي ما يكدره .. وراح يساعدج كولي يا الله بنيتي وروحي نامي






- انا ما اريد اذيكم ولا بقصدي اذيتكم

- يا بنتي انا ما متضايق منج وانت مثل هيفاء وازود .. بس انا متضايق من عزام وعنريته ابعد عن الشر وغنيله لو تتنازليلهم وتعيشين بامان يا بنتي الفلوس والبيت لا تكبر بخت ولا تجيب راحة بال .

- اني مستعدة اتنازل عن كلشي بس يتركوني بحالي وميأذون احد

- ان شاءالله بنتي ان شاءالله كومي نامي وسهلة ربج ما يترك عبده

لميت السجادة ورحت هو راح للتواليت ورجع كتلو : يابه كعدني لاذان الفحر لو اذن

ابتسم وهو يكولي : تأمرين امر

ابتسمت ومشيت للغرفة شي من داخلي اطمئن وارتاح رغم ثقل الهموم بس من الانسان يلجئ لربه يخفف عنه الثقل وكثرة التفكير فجأة يصيبه فراغ مريح يكدر ياخذ نفس وينام مرتاح حتى لو الدنيا ملتمة فوكاه اكو رب يشيل عنه ويحميه

ومن صدك نمت
وكعدتني الحجية للصلاة كعدت صليت ورجعت نمت .

للصبح اجا عزام سائل عني كايلتله الحجية نايمة موصي الحجي ورايح للمستشفى للسايق وضعه بعده حرج ومحتاجله عملية ..

الظهر يلا كعدت
مشيت للمطبخ : لكيت الحجية دا تطبخ بامية

- صباح الخير

- يا خير هذا عيني صباحج ظهراوي يولي

ابتسمت : راسي جان مأذيني مكدرت اكعد

- دنامي يمعودة قابل شوراج تلحكين من تخلفين الليل متنامي وتصير النومة حسرة عليج

- وتتوقعين يصير ؟
حجيتها واني الزم بطني

- يا وليش ميصير قابل شكو ؟

- ما ادري يم الله بعد

- لتفكرين .. اكولج اني راح اطبخ واروح للمستشفى ماشي انت صبي لعمج وراه كعده ويا عمامه

- شراح يصير

- عدهم كعده العصر ويا اهل طليقج

- شوراح يسوولهم

- شمدريني والله بنتي بس هواي ناس دخلت بينهم وبعد ما ندري شراح يصير بس عزام توالهم بالقانون وسجل دعوى على ابن عمهم واليوم راح يطلع امر القاء قبض ..

- الله يقوي

ابتسمت : صديقتج وين صارت

- ما ادري ماخذة بيت من اقاربهم كاعدة بيه

- مو ما عدها بيت اقارب

- ما ادري يعني معارف مو اقارب

- ها خير ان شاءلله خبر حلو فرحي وياي كبل لا اروح

- شنو

- هيفاء باجر راح تجي

- يا الله واخيرا نتعرف عليها

كمت ابجي بقوة واني تحت الدوش
اختلطت ادموعي وامي سوا

بالربع ساعة واني على نفس الوضع
بس ابجي .. بضعف بهضم بقلة حيلة .. وين اروح شاسوي
طفل ببطني واني مالي مكان ولا عندي احد صدك استند عليه .. شراح اسوي بروحي وباللي ابطني .. وشلون راح اعيش ؟

دكت عليه الباب الحجية : رسل

- ها يوووم

- يولي اني راح انام اذا طلعوا الرياجيل عود اغسلي الاستكانات وراهم ليبقن للصبح كلش تعبت رجليه مبقى بيهم حيل

- روحي ارتاحي اني اغسلهم حبيبتي ماما

- ديلا حبيبتي كملي

غسلت شلون مكان وطلعت واني انشف براسي والف بالخاولي
عرضلي عزام : ها العفو

- تعاي هين

- ها

- ما كتيلي شصارلج حتى رحتي للدكتورة

- يعني شوية تاذيت ببطني

- بطنج ؟ خير اكو شي

- لا بس يعني توجعت فرحت للدكتورة

- انت رحتي لعيفان .. كون سوالج شي لو اذاج

- الحجية وصتني اغسل المواعين خل اكملهم كبل لتوصل صديقتي ..

- صديقتج لاح تجي لهينه ؟

- لا ما اعتقد بس تمر عليه

- ها .. عجل ما راح اروح راح انتظرها .

غسلت الاستكاين والصينية .. مر هو للمطبخ ..
كتلو : عزام

- هلا ، كولي

- اني محتاجك بيت ايجار اطلع

- اطلعين ؟

- اني اعرف الحجي تضايق وعمامك مقابيلينًوانت دا تتورط من ورايا






- لا اكفي السالفة الصارت ما تخصج

- وان انا ما رايد اثقل على احد تكدر تشوفلي بيت اجره وياريت قريب منانه حتى ابقى قريبة من الحجية

- سهلة ان شاءالله اشوفلج .

شوية ودك تليفوني رديت .. كالتلي : وينج يولي

- موجودة منتظرتج

- عجل اطلعي

- صرتي تحجين بالعجل

- مو دخلت الانبار كنكت كبل

- وين انت

- قريب من العنوان الكتبتيلياه .. اطلعيلي

- تمام بس خلي ابلغ الحجي

- ديلا .. انتم الشارع اللي براس الركن مالته صيدلية النهرين ؟

- اي صيدلية بس ما اتذكر اسم الصيدلية

- اوكي ..

مشيت للصاله الحجي وعزام ماعدين كتلوا : يابه صديقتي اجتي دا اروح وياها

عكد حاجبو وباوع لعزام وعزام كالي : خل تجي حياها

- ما اريد اثقل عليكم

- واثقلين علينا وين راح تروحن

- احتمال ترجع بس اروح اشوفها

- عجل ما بيها هل تجي هين تتلاكون وتحجون والحجي راح يروح ينام وانا اخليكم براحتكم

الحجي شكله مجان راضي
انحرجت حيل مجنت رايده اضوجهم لو اضايقهم مني بشي جنت اتمنى امشي مثل ميحبون بس كلشي ديجي مو مثل ما اريد .

لبست حجاب .. وطلعت برا هو لحكني وطلع ليكدام اتصلت بيه كالي : انطيني

انطيته التليفون دلاها .. اجت وجانت كاعدة بالصدر مو ورا
كاللها : الرجال اقاربج

- لا لا بس سايق

سلمت عليه وكالتله : منريد نكلفكم اخذها ونروح

- ووين تروحون

- بيت اقاربنا هنا انطاني مفاتيحه .

- اي هسه دفوتي خل نضيفكم وسهلة

فاتت وهي تكولي : خوش مز يولي .. دجرجري

- هشش بان الله يخليج والله تعبانة مالي خلك هيج حجي

- دا اتشاقى وياج ..

فاتت للصالة وهي تكولي : اي سولفيلي شسوا بيج هذا المخبل ..

- شنو اللي مسواه
سلوفت الها فات عزام هي تجاوبني

- ترا هذا مريض نفسي سايكووو مو صاحي .. اكو واحد يعتدي على طليقته خو ليش طلكتها انطيها بنتها واكسبها وخليها مرتك .. شكد حيوان

زين واح تبقين هنانه ؟

- شلون اروح .. ما ادير خاف عيب

- عيب منين ؟






- لازم اكوله لعزام

- طلع برا

- يا خاف راح والحجي نام

- لا لا ذاك يمكن بعده موحود بالباب .. هسه عرفي كليلي شنو صار

- مو سولفتلج

- مو انت وعيفان .. انت وعزام

- اني وعزام شنو وشيجمعنا اني وعزام حتى دا تجميعنا بجملة

- اهووو قصدي شصار وياه

- شمدريني هوسه

- يعني متعرفين شصايرله لو ميقبل تحجين

- ليش ميقبل

دخل هو كال العفو اذا جاي اقاطعكم بس الليلة ابقي هينا

- لا والله اريد اروح تعرف طريق طويل وتعب ولو انت متقصر

- دبقي يا بابا ابقي هنا والصبح روحو

- لا والله ما اكدر

- اكو احد منتظرج ؟

- لا لا منو قابل بس ارتاح اكثر

- اي انت هم خطية اجيتي طايرة عليها هاي الصداقة الحقيقية

- شلون لعد اول مسمعت كلبي طار عليها وألله احيت اركض كلت لا مستحيل اعرفها بهيج ظرف

- سمعتي ؟

- يعني قصدي من عدها هي كالتلي

- اي اي اكيد منها قابل منو يكولج هيج اخبار اكيد منها
بس ما كتيلي منو اقاربج هنانه ..

- شوف هي اربيل متروسه دليم وجبور .. تعرف بعد الاحداث الصارت بالمحافظة اعلبيتهم انتقلوا هنا فخابرت ابو نمير تعرفه چچك عاد خابرلي اقاربه وكالي تاخذين مفاتيح بيته هالاريد اروح اخذه

- اقارب ابو نمير يعني طلع مو اقاربج

- لا طبعا اني من وينلي اقارب انت تعرف اني وياها وضعنا ما عدنا اقاربها غير بعضنا

- اي صح الله يعينكم بس انتو سباعيات .. وطبان تعرفينو صحيح

باوعتلي : لايا وطبان

- هاي شنو معقولة مو رسل تعرفه

- يا رسل .. يا قصدك چچك اي وطبان هذا القديم يعني شبيه بعدو يتعرضلج

- يولي الدنيا مكلوبه والسايق مالي بين الحياة والموت وانت حايرتلي بهالسوااااالف ومتخصرتلي بنص الشارع دفوتيييي

دفعها ليجوا بقوة كامت تصيح وتعيط ..
وتكوله: ابو الكحاا *** هامك صديقك انت خاطها وتفتر بيهاااااا وتجذب عليه تكول ما عندي شيييييي

كام يتصايح وياها والحجية طلعت هي وعمته ونسوان مرابتهم جايات .. كامن يصيحون عليهم وهو يتهجم ويغلط ويهدد بيها .. وامه تهدي بيه وتكوله : ميخالف مرتك متضايقة يمه على كيفك

دخلوها جوا .. واني كتله : ما اريد اكلفك اكثر من هيج
اني بس اتمنى ادليني على فندق ااجر بيه بهاليل

- يولي انت الثانية هم بطرانة هي الانبار منيلها فندق دفوووتي

حجاها وتعداني وطلع .. والحجية تكولي : يولي وين رحتي البيت باقي بيبانو مفتحه

- جنت بالدكتورة

- شصارلج

- خابرتج مجاوبتي

- اي ورجعت خابرتج ما حاوبتي

- ما ادري ما طلع عندي

- دفوتي يولي تعبنا والله

- اني ما اريد اتعبكم زيادة ماما هلي ابتعد افضل هو وزوجته ديتقاتلون بسبب وانسان بين الحياة والموت من ورايا .. اني ما اكدر ادخل بخطية احد .

طلعت وهي تصيح : متريد تبقى طبعااااا ميعجبها تبقى هنا تريدو يحطلها بيت ويصريلها خادم وهو ما يقصررررررر

كامت تصيح الحجية : يا عزا العزاج يولي من الجيران صوتج

- صووووتي لو دا تكو* لابنججججج حاطتله كح* بنص بييييتج

- يا يا ولج ليش دا تفشرين البنية لا يمه ولا بكرباه البنية عدنا

- علييييه هالحجي والاتصالات هي وياه ومخابرات وكاميرا تالي الليل يكولي خفو وهو يلزم خفارة يمها ويجيكم وانتو تغطولااااا

- يولي استحي على روحج منهو المغطيلا ..

- والله ما ابقيها عدكم دقيقة واذا بقت والله هسه تنطوني طلاكي والدنيا اكلبها فوكاكم افتهمتوا لو لا

حجيت : حرام عليج اني ما عندي وياه شي وهذا تليفوني وفتشي ما بيني وبينه اي تواصل ؟ اصلا ميخابرني استغربت عرف رقمي وخابرني هسه علمود اعرفله اللي استعدفوا السيارة اني ما عندي شي وياه






- اي صدكت حبيبتي .. والمراسلات والتليفونات تالي الليل منو امييييي .. بس ما عليج عتب خلك بنت ليييييل العتب على المعتبرتهم اهل ومثل امي وابوه مستكعديج يمهم حتى بلكي يبقالهم

اني عبالكم ما ادري تردوووووه يتزوجلا وحدة ويكعدها يمكم حتى تستغلووووه اعرف كلش زييييو وادري بكل سوالفكم بس هينة والله ما اسكت واصطبرولي

كامت تتحاجى هي والحجية وتتكاون
خابرت على اهلها يجوها .. مر اخوها طلعت صعدت وياه ومشت ..

.. حجت الحجية : مالج علاقة بيها يولي فوتي دفوتي .

- ماما والله ما عندي وياه شي ولا اني مخابرته هياته تليفوني كدامج فتشي والله اني ما عندي شي وياه

- قابل ما ادري بيج لو ما اعرف ابني بس هذه غاوية مشاكل كل كوانه بينها وبين رجلها تجي تطرحها بنصنا واتطلعنا الصوج .. ختولي

حجت عمتهم : انت شسمج بتي ؟

- چچك

- يا داده شنو هالاسم شو غريب

- تركماني

- يا انت تركمانية ؟

- اي

- يولي سليمة اذا متاخذيها لابنج خليني اخذها لوسام شنو رأيج خالة اخذج لابني ادللج والله احطج بين عيوني

حجت الحجية : يولي توها مطلكة وهوستها كايمة يا زواج

- اي تخلص عدة قابل شكو هن ٣ اشهر غمض فتح تلكيها خلصت .. يولي اريدله هيج بنية نعومة وصغيرونه .. تا يلم نفسه ويكعد

- يولي ابنج وسام حيخش بال٤٥ وتريديلو بنية بعمرها دكعدي

- اي خوما اخذلو بنت بعمره رحمها يابس يا سليمة .

- الناس وين وانت وين يصبحة .. تا اشوف الحجي شصاروا راحو لبيت نعمان كالوا غاد يلتمون ...

- شراح يسوون

- يرحون على بيت الهددهم غير قابل يسكتولا

دا يحجون دك تليفوني باوعته بان .. رديت وكمت : ها بنو

- ها عمري وين انت

- ابيت الحجي

- خطية شلون وضعهم

- لا ابنهم بخير ما بيه شي

- صدك !!! شفتي

- اي اجاني للدكتورة اخذني واني هسه ابيت ابوه

- يولي خاف هذا صدك رايدج

- شرايدني انت الثانية اني بيا حال

- المهم اني بالطريق عمري شغلة ساعتين اني يمج

- بان بس وين تكعدين

- يولي اطردين بيه

- واني عندي مكان واطردج تره كبل شوية انطردت بس من لا حارة باقية






- منو طردج

- هسه تعاي واسولفلج مو مال تليفون بس وين نكعد

-مالج علاقة ندبرها

- تمام

- تعبانة

اخذت نفس قوي .. دمعت
اني واكفة بالطرمة دخل عزام صار مقابيلي

بسرعة مسحت عيوني وتحركت من مكاني كالي : بلا زحمة بس فوتي جوا تا يفوتون عمامي

حجاها وابوه فات
اني سبقت الحجي وفتت جوا
وهو يصيحلي : بنتي الله يرضى عليج جيبلي ماي

- اي يابه تدلل
مشيت بس متوجعه اخذت مي وطلعت هم كاعدين بالصالة دا امشيلهم كام عزام من مكانو وكال : لا تفوتين انطيني

عفتهم ومشيت للغرفة اخذت ملابس ورحت للحمام
جنت كلش تعبانة شغلت الدوش فوك راسي بس ما بيه حيل اشيل اديه واغسل واسبح

- وين اكو فندق يمعودة .. اني كلش تعبانة بان مدا اعرف شسوي

- هسه كولي يا الله وادُخلي للدكتورة وبلغيني شنو تكولج .

اخذت نفس .. سديت الخط
فتت الدكتورة تريد تطلع .. بس السكرتيرة شافت حالتي وابجي حجت ويا الدكتورة .. قبلت تشوفني كبل لتطلع .

هسه دا اريد ادخل للعيادة دك تليفوني باوعته جان عيفان يتصل .. رفضته وانطيته بلوك ودخلت للدكتورة

سألتني عن حالتي كلت الها حامل ما اعرف اي شهر .. بس صار تقررب بيني وبين زوجي وتأذيت وصار نزف .. وخفت ليكون اسقاط

سوتلي سونار كالت : انت بشهر الثاني من الحمل والطفل كلش زين صحته ووضعه عال العال ..

انداريلي دا اكشفج حتى اشوف مصدر النزف
كشفتني كالت : انت متأكدة المتقربلج زوجج هذا حيوان مو زوج ولو تزعلين ليش هيج ؟

سكتت بس الدموع تجمعت بعيني : عندج جروح قوية .. وهاي يحتاج خياط غرزتين ..

- لا دكتورة الله يخليج والله ما اتحمل وجع اكثر

- انطيني بس علاج ..

- تمام .. بس لازم ترتاحين تمام وممنوع يتقرب منج نهائي لمدة ما تقل عن شهر كوليله شهوتك الحيوانية قلبها انت بشر حجر

كتبتلي علاجات ومرهمات وغسولات
واني دا اخذ منها دك تليفوني .. باوعته عزام
استغربت ! وفرحت بنفس اللحظة رديت بسرعة
اجاني صوته : الووو

- عزااام انت بخير

- يولي بخير وين انت

كمت ابجي بقوة واني امشي
صاح : ها ها يولي ما بيه حيل والله بس كليلي وين انت

- اني يم الدكتورة

- كون بيج شي

- لا بس اريد اعرف شصار وياك كالوا كتلوك

- محد كتلني يولي انا بخير بس تعاي رايدج
ولو كليلي انت وين انا اجيج

انطيته مكاني .. ورحت للصيدلية .. دا اخذ الدوة بس جان كلش غالي .. عفته وطلعت وكعدت انتظر لحد ما اجاني صعدت وياه بالسيارة

كتله : شلون كالوا لعد تعرضت الهجوم مدري شنو الحجي والحجية كلش انخبصوا عليك

- السايق جان بالسيارة مو انا ربج مرتي طنكرت اليوم وتكاونت وياي وكسرت التليفون ورادت تزعل لاهلها اضطريت ادز السايق ياخذ السيارة يشدلها بك لايت من واحد انطوني عنوانه .. دزيته بس مكلوبه بيه السيارة يكلون الموضوع حادث بس بعدهم كاعد يحققون بس السايق خطية منتهي توني رجعت منه .. وهالرايدج لهالسبب






- مو خابروا الحجي كالوله عزام جان موجود

- سيارتي مو انا موجود بس يخابرون علي ما يحصلون عبالهم انا بالحادث بس مرتي كسرت تليفوني هالتشوفين حاط السيمكارت بالف ومية الصوت مالو جني واحد بنص مسبح .. اكلج اريدج تروحين لعيفان اريدج تخلينو يزوع الاول والتالي كون يعترف

- رحتي ؟

هزيت راسي : وشكالج ؟

- نكر واعترف ورجع نكر بس الحجي لما سمع كال لابه الحبير هذه توريطه امش نبلغ عمامك .

- توريطة شنهو ما افتهمت

- ما اعرف

- هو عندو عدوان او احد متربصلو

- امبلا .. اني الصدك اذيت ناس هواية بدون قصد .. عيفان وهو يساعدني اتخلص من قضية المخدرات اكو واحد اسمه وطبان جان يتربصله ما خله مشكلة الا وسواها .. وبينهم دم هم كتلوا مروان اخوه وعيفان كتل اخوهم .. بس اثنينهم ما عليهم دليل يعني القضايا تتسجل بمجهول هوية يعني هيج بدون ما احد يعرف منو القاتل بس هم يعرفون ملش زين الاتل مالهم منو يعني ما اعرف اذا كاعد تفهم عليه

- افهم افهم .. يعني دا تكولين عيفان واهله مالهم ايد بسالفة الحادث اليوم

- لا مو بعيده يسووها هم ملهم على بعضهم الكال عدهم شي هين وارخص ما عدهم حياة البشر

- بس الصدك انا انتبهت لشغلة ابوهم توه طالع من سجن وعليهم قضية لهسه ما مسدودة .. سالفة ينفذون تهديدهم وهم عدهم قضية ما ادري يمكن صدك توريطة ما اعرف شنو اسم اللي عدهم عداوة وياه

- وطبان

- وطبان نوري

- اي يمكن

- وطبان ابو الكحا* قصدج لو منهو

ديحجي دك تليفونه رد وهو يحجي بانفعال ويكوله : عمي والله حاي هاي انا واصل .. اي اي بس انطيني دقايق انا يمك اي اي بيت الوالد .

بقيت دايرة وجهي وافكر بوطبان معروف بديرته هاي شغلته .. سده وحجه : اي واحد يخابرج او يتواصل وياج تكليلي خوش .

-تمام بس صديقتي حتجي واني ما ما اريد اثقل عليكم اكثر اذا تعرف فندق قريب

-صديقتج منو

-بان

-وين عايشة

- باربيل

- باوبيل وهسه راح تجي .. ليش اساسا بكردستان حطر اكثر من هنا شلون راح تجي وتحصل تكسي بهيج وكت وشيجيبها

- خطية ضل بالها عليه لان درت بيه مريضة

-منين درت انت مريضة

- لا ما تدري بس خابرتني هيج تطمن عليه عرفت لوضعي

- صدك ما سألتج خيرج شعندج رحتي للدكتورة






- اتذأذيت

- من عيفان ؟

سكتت : ليش رحتي ؟

حجاها وصف السيارة كدام الباب .. جانت مرته دا تدخل للبيت من شافته صف السيارة واني موجودة تخصرتله ووكفت ما دخلت للبيت قطع الحديث ونزل بسرعة

نزلت وهي تكوله : تكولي ما عندي شي اندار الكاك مصعدها وياك بالسيارة

- شنهو القصرت بيه وياج هااا بشنهو قصرررررت حتى تسوييين بيه هيييج

- عيفان وخر مني اكولك .

- مشتاقلج

- اني وياك مطلكييين وخررر

- انت مرتي ماكو طلاك بالغصب

- بكيفك دوخر مني شنو هااااي دوخر عوووفني

- دا اكولج مشتاقلج والله افتهمي

- ايييي ابتعددددد
كمت ادفع بيه بقوة : والله اذا ما وخرت راح اصيح واخبص الدنيا عليك

دا احجي حط شفته على شفتي وكام يبوسني بقوة
احاول ابعد نفسه مني وهو يشدني اله ..

سحبني اله ورغم كل محاولاتي ابعده مني ..
هو جان اقوى واخذ اللي يرده مني .. بس كانت بطريقة مقرفة وعصبية ومكرهه .. كانت كلماته وحركاته كلها اهانة .. لحد ما انتهى مني ..

سحبت الغطا منه اغطي بيه روحي وهو ابتعد اخذ باكيت الجكاير و الجداحة من البنطرون .. وكعد على حافة السرير يدخن

حجيت : من جهة تريدني ومن جهة تبخل عليه بحقي تكولي اريدج وانت تبخل عليه حتى ببنتي اني ما شفت انسان حقير واناني بكدك

- منهو الكايلج انا رايدج ؟

عقدت حاجبي .. سحب البنطرون .. ولبس ملابسه وطلع محفظته طلع خمسين الف شمرها بوجهي : اخذي حقج وطلعي برا

عقدت حاجبي : شنو قصدك

- هذا مستواج ... كحـ ... تنطيني راحتي وتكومين تولين وزايد عليج الخميسن بس لان حلوة وتريحين تستاهلين

غمزلي وهو حاط الجكارة بحلكة
بقيت اباوع بوجهه بدون ولا اي كلمة .. اخذت ملابسي لبست وهو يكولي : هااا وهاج هاي خمسين زايدة

انداريت عليه : حق اول ليلة
هي جانت لازم تمشي هيج انا الغبي الرحت وياج زايد حسبالي شريفة وتنعدلين طلع حجي اهلنا صدك من يكولون الماي يروب والكحـ ** ما اتوب .. هذا اجرج

اخذت نفس قوي واني اتجرع الكلام وابلعه حتى ما ارد لأنه ما يسوى حتى رد .. سحبت الحجاب حطيته على راسي استفزه انو اني ما رديت

اخذ المية الشمرهن ولزم ايدي وفوت ايده بصدري خلاهن بملابسي الداخليه : هيج اعتقد يخلوهن الج مو .

- اي هيج

- هههههههه متعودة

اخذت نفس واني احاول اطلع وهو يكولي : اركضي وراح سرا طويل






استهضمت من كلامه كمت افتح بالقفل وعيوني تنملي دموع .. سحبني بقوة وهو يكولي : تروحين نوادي بنص الليل ووراه تروحين لبست الضابط وانت على ذمتي

هو ديحجيها اني الدنيا كلها افتر بيه لما سحبني قوي .. وهو دا يحجي .. اختل توازني بلحظة وغوشت عيني ووكعت من طولي

فز بسرعة لزمني وهو يصحي بيه
احس بس اكو حرارة براسي .. رجع نومني ع السرير .. وكام يركض يريد يجيب مي ..

فتحت عيوني واني احاول استجمع قوتي واشيل ظهري
الزم بالفراش واني الم بحيلي ..

كعدت راسي كلش دايخ وحار
فات وهو بيده كلاص المي ومرت مروان تركض وراه وتكوله : شصاير شكو

- اشربي الماي

دفعت الكلاص من وجهي واني ارتكز على حافة السرير حتى اكوم
صاح : اكعدي شوية ارتاحي وروحي

باوعتله : عندي زباين هواية غيرك ينتظرون .

كمت هو احترك حرك لما كتله الكلمة هاي دفر الكلاص بالحايط اطشر الكزاز بالغرفة .. ومرت مروان صرخ : يا يا شبيكم شجالكم شصاير

كام يصرخ : ساااااقطة طاااااايحة حظ كح *** العتب علييييي عليييي انااااا

عفته يصرخ وطلعت من البيت ..
كمت امشي بسرعة وهمة بس رايدة ابتعد من البيت .. جان اكو وجع عندي بسبب الطريقة اللي اهاني بيها ..

ومثل كل مرة اتندم اجي واتسرع بس اتصرف دائما كبل لا استخدم عقلي وارجع اكعد اتندم واكول شبية رحت وليش ؟

ابتعدت من بيتهم وكفت
باوعت وراي الطريق فارغ
لزمت بحديدة واني احس اكو افرازات مثل الدم تنزل عندي ..

جان خوف بگلبي انو الافرازات هذه هي اسقاط الطفل
لانو روحي تعلكت بيه واحسه عوض عن اللي خسرته

اريد اروح اشوف الحجية
بس ما اندل هي وين .. رجعت للبيت .. محد جان اكو ..

خابرت الحجية
ما ردت ... دخلت الحمام شفت عندي دم
خفت .. اخذت تليفوني وغراضي وطلعت من البيت ..

واني بالطريق خابرتني بان ..
رديت بسرعة هي كالت الو اني كمت اشهك من البجي
فزت : ها شبيج

- كلشي بيه كلشي

- شكو يمعودة خوفتيني شكو

- اني دا اموت ودا اذي كل اللي حواليا لا اكدر اكتل نفسي ولا اكدر اعيش اني تعبت

- شصاير

- الضابط عزام اللي هدده عيفان

- اييييي ؟

- جابولنا خبر عنه متعرضيله بالطريق ومكلوبه السيارة وراحوا اهله ولهسه ماكو خبر عنه وخابرت الحجية مدا تريد وما اعرف اي شي غير عيفان اللي رحتله واذاني كلش اذاني
اذاني بجسمي وروحي وكلبي
حيل اذاني ..






- انت وين هسه

- اني راح اوصل للدكتورة

- يا دكتورة شكو ؟

- عندي دم دينزل خايفة ليكون اسقاط

- يمه .. چچك حبيبتي لتبجين يروحي اني راح اجر تكسي هسه واجيج لو اعرف اوصل نص الليل راح اجيج لتبجين يكلبي

- تجين وين نروح وين نكعد اني مالي مكان ابقى بيه
بعد ما الناس انكتل ابنهم بسببي وين الي وجه ابقى عدهم

- نأجر فندق ونكعد على ما نأجر بيت اني هسه اجيج

#البارت__28

#المفقودة

((( بقلم زينب ماجد )))

#الحلقة_ ٢٨

فزت الحجية .. وركض من مكانها من سمعت صوت ابنها وفزت الحجي .. اني اديه كلها دهن كمت من مكاني باستغراب واريد افهم شبيهم

هي تصرخ وتكوله : شبيه عزام .. احجي

هو سد التليفون ويكلها : مصيبة يولي مصييييية كتله عزام يابه خلينا نقبل ونعوف البنية تتنازل .. هاي تاليها يا ياببببببه

- غير افتهم شبييييه

- وانا مفتهم منه شبيه ناصبيلا كمين والسيارة مكلوبه وهسه خابروني راح الولد يولي رااااح

- عزا العزاني يمممممه ابني دخيلك ربي ابني وينه شصاااااايرله

- خل اروووووح واعرف شصايرلوووو

كام يركض وهي انخبصت وراه تصيح وتسال وهو يصرخ ويكوللها : غير اروح واعررررف شبييييه .

طلع هي لبست جبتها وحجابها وركضت وراه ..
اتصنمت بمكاني .. بس دموعي كامت تجري
معقولة مات ! .. منو قتله .. عيفان لو اهله لو منو
كله من ورايا ؟ لانو ما اتنازلت ؟

رحت غسلت اديه واخذت جبة وحجاب لبستهم وطلعت ..
الطريق كله امشي ودموعي تجري بقوة .. لو يقتلوني لو يقتلون من احد من ورايا

هم ماكو غيرهم سواها ..
هم اللي قتلوا عزام .. لان دافعلي لان حماني منهم
كل اليوكف ويايا يتاذى .. وكفلي عيفان شهروه ونشروه .. وكفلي عزام كتلوه

بس هالمرة عيفان واهله هم اللي سووها
كلهم يحجون بالله وبالحرام بس ولا واحد بيهم يخاف الله
كلهم يكذبون

ركبت سيارة وطلعت لبيت عيفان
اول ما وصلت لكيت عيفان اصلا واكف بالباب فاتح البنيد ما سيارته وديعبيلها مي ..

صفت السيارة نزلت كباله ..
باوع باستغراب شافني نزلت سد البنيد مال سيارته
وكالي : شكو شصاير

- كول شنو اللي سويته ها
ما كدرتوا تكتلوني تروح ع الضابط الحماني تكتلوه
انتم متخافون من الله انتم ما عدكم خوووووووف الله

- اسسسسس منا الناس يا ضابط منهو اللي انكتل

- جاي دا تغشم روحك هااااااا ..
دا تسوي نفسك متعرررررف شي .. انت اللي كتلته مو .. ليش متخاف الله القتل عدكم اسهل شييييي

- اشششششش تعاي جاي يولي

- وخر منيييي

- ماشي اوخر بس فوتي جوا

- ما راح افوت وخلي الكل يدري انتم شنوووو مكدرتوا تكتلوني لو تسكروني وتخلوني اتنازل رحتوا كتلتوا الي دافعليييي

كام يصم حلكي ويرفع بيه من الكاع ..
واني اصيح وابجي فوتني جوا وهو يكولي : بنت الاوادم انت شصايرلج فهميني






- افتح الباب طلعني

اجا الحجي ابوهم : هذه هم لفيتها شتريد بعد

- دا تكول الضابط كتلوه

صفك ايده : وياهو الجتله ؟

- تسوي روحك ما تعرف مووو مثل ما ردت تكتلني ونكرت وتكوووووول ما كتلتهاااااا وانت ذبيتني بنص الصحرا ... الله ينتقم منكم كلكم اذا رايدين تكتلوني هاي اني كدامكم ما اخاف منكم ولا اني منهزممممممة منكم اكتلوووووووني

اتجاهلني وهو يندار لعيفان بهمة : عيفان فوتها جوا وعبدالله انت صيح ابوك بالعجل هاي توريطة راح تنذب بروسنا ... امشووووا

عيفان : ياهو الرايد يورطنا ..

- لو مو تكتلووووني لو تمووووتنوي ما اتنازل والله والا يجي اليوم الاشوفكم بيه معفنيييين بالسجن يا حقراااااااء

دفعني عيفان وهو يحاول يسكتني : دمشي يولييييي جابتي دفوووتي

- وين دا تدفعني وخر مني

- اي دفوووتي

- لا تتوقع اتنازل الكم بعد اللي سويتوا والله لو على كص ركبتي ما راح اتنازل

- اي ماشي ادخلي

- وخر مني كتلك

- امشيييييي

جان البيت هدئ الكل بغرفه ..
طلعت امه من الغرفة شافتني بسرعة حجت : هاي شكو شبيها هاي شحابها شدخلها

- هشششش ماكو شي

سحبني واني اجر بنفسي
دخلني بالغرفة مال جدته الماتت وفات وسد الباب : افتح الباب وخليني اروح

- منهو القنعج بالطلاك ؟

- انت

- انا لو هو

- ما ناوية ادخل وياك بجداااال امشي منيييي

- ولا انا رايد يجمعني بيج شي بس رايد اعرف شنهو البينج وبين الضابط

- هاااا لهسبب كتلته موووو

- ومحترك دمج علييييه ؟

- لك انت ما عندك دم ما عندك غيرة متخاف الله تكتل بشر بس حتى ترضي نفسسسسك

- اي ماشي اكعدي شو اكعدي خل نسولف

— لتحاول باحلامك تخليني اتنازل والله والله ما راح اتنازل لو هسه الدنيا تنكلب واعلمكممممم

- تعلمييييين منهو يولي .. تعلميييين منوووو

اتقرب عليه يريد يلزمني كمت اسحب بروحي منه .. شبكني وكام يجر بيه : بيمن غريتيييي ها بيمن اشتريتي وخليتي طلي وراااااج احجي

- انت كلب وسااااقط ابعدددد مني

- انا الساقط لو انت .. هااا اناااااااا .. كام يسحب بوجهي ويتقرب لركبتي .. اذاني






- ابتعد منيييييي ...
حسيته يتقرب مني بشهوة ... ييييي دوخر لعبت نفسيييي

كام يتنفس قوي ويحشك روحه ويايا اسحب بنفسي وهو يذب بروحه ويعضني من ركبتي ..

- انت شرايد مني دوخررررر

- مشتاقلج افتهمي جننتينييييي

- وخر مني اكووولك

عود ليوم عيد ميلادي الله وكيلكم صباح الخير محد كلي😂😂

زين مني دا اطلع ابوكم بكفالة ذيج هي اذا قبلت تتنازل لابوكم بدون تسوية بكيفها انا مجرد وسيط بينكم حتى اخل المشكلة

- عحل انطينا لبنت احنا نتفاهم وياها

- اي ذيج هي اذا قبلت تجي وياكم اخذوها .. قابل احنا لازميها زين منا احنا احتوينا البنية بعد ما رجلها ذب عرضه بالشارع جايين حتى تعيبونا

- لا لا ما دامك حاطها ابيتك انت شريك وجاي تبتزنا

- احترم نفسك يووووول مو انا التكلي ابتزك .. كلامك هذا اذبك جوا والله وما تطلع ولا تشوف الضوا .. تتهم ضابط على راس عمله بالابتزاز وين دليلك

- عمي احنا نعتذر منك ونبوس راسك بس النا حك وياك ونعرف شلون ناخذه

- اي روح وشتريد تسوي سوي ..

طلعوا وهم يهددون عزام ...

خابر ع الحجي .. كالو : يابه اخذ حذرك الجماعة كاموا يهددون

- عليش ابوهم طلع لو لا

- راح يطلعون اليوم بس تكمل احرائات الكفيل

- عجل شنهو اليردون بعد ؟

- يردون تنازل كامل

- ابني اكول لو نكف هين ونخلي البنية تتنازل .. احسن ما تتضرر وندخل بمشاكل في غنى عنها

- والله لا ادعس على خواصرهم وانعل والد والديهم .. طولة شلة ناس زايعتهم الكاع كدرتهم ع اليتامى يتسغلوهن وياخذون ضناها .. لا ما اخليها تقيم دعوى وتحط اسم المحامي الوقع العقد وغصبا ما عنهم يسجلون بيت باسمها او .. يسحلون البنت باسمها

- ابني انت دا تروح زايد بالموضوع .. مو كلشي ندعس وندوس .. ذولة ما ينطون اكثر من اللي اخذناه منهم اليوم خلي نتكفى شرهم ونبتعد عنهم ونخلي البنية ترتاح

- نتكفى شنهو خوش زلم ويهددون والله لا العب بثملاتهم وانعل والد والديهم .

- عزام ابني شنهو التريده ؟

- شرايد يابه ابنية يتيمة نرضالهم يستغلوها

- وتذب روحك بالنار وانت صاحب عايلة خاف على نفسك على عائلتك لا ياذوك بيهم ذولة ناس ينخاف منهم

- مو انا الاخاف منهم والا انعل والديهم ..

عزام حسبه الموضوع تحدي لان ذوله زلم بعشايرهم تتامر على بنية لا حول ولا قوة ويهددون كلمن يطلع يدافع عنهم ..

من مهددينه مشهد الشرطة الوياه ومسجلها عليهم اي شي يصيرله هالايام هم اللي وراه .

هم هدوا اللعب اول بداية .. وطلع الحجي جحيل وعمران من السجن وسووا موسيقى وحفلة .. وجوبي وفرحوا بطلعتهم

من بعد اسبوع .. جان الحجي نايم
واني والحجية كاعدين بالمطبخ نسوي كليچة ..

دك تليفون .. رد الحجي
واحنا نسولف منحس الا الحجي كام يصيح بكل صوته ويصيح ( ابني عزاااااام ) ...... يتبع

___

#زينب_ماجد

اجا عزام كال : ول يابه اشون عثرة ذولة ..

الحجية : شصار ؟

- اتفقنا يجون باجر ينطون ١٥ مليون

- من ٥٠ مليون ل١٥

- وما راضين نا يقبلون ينطون .. ويكولون المرة هاي ساقطة وهي تلزكت ابابنا .. بس خوش كطبتها عليهم كاموا كل ما يحكوني ويكلولي مرته اكلهم مو تكولون هي التلزكت عمي المرة ما تريد ابنكم شلون بالله ؟ منهو اليركض ورا منهو ؟


- وتتنازل

- لا اتفقت وياهم .. اطلع ابوهم واخوهم بكفالة ..
التنازل وكت اللي ينفذون العقد الوقعوا وياها قبل الولادة يا ينطوها بيتها يا تتسجل الطفلة بأسمها حتى لو تبقى عدهم .. كالوا نراود ابو الطفلة وهو يحل هالسالفة

كتلهم بس كبل هذا كله باجر الصبح تجيبون الشيخ اطلكون لان الزلمة ذاب عليها يمين الطلاك وينكر يكول ما مطلك وهذا طلاك مو لعب بعدي ومين ترجع وياه وهم يكول بنت ليل اني مطلكها ومستكعدها بالحرام .. يطلك البنية ويخليها تشوف مستقبلها بلكت اللهي دزلها قسمة تريد تتوفق على اساس اسمها متزوجة وهي اسمها بالحصاد ومنحلها مكسور ..

- عاشت ايدك زين تسوي بيهم.

- مقتنعة رسل بهالحجي ؟

- اي

- ما عندج اعتراض

- لا بعد يمك انت شنو تشوف بكيفك .

- خليها وراي لا انعلج والد والديهم والله .

- ما اعرف شلون اشكرك .. الله يحفظك ويخليك

- لا تأمريني امر

- بس اكو شي ولو ازاحمك

- شنهوه ؟

- غراضي ومستمسكاتي وكل حاجاتي يم صديقتي باربيل

- تدزهم بيد سايق تعرفين رقمها

- اكدر اتواصل وياها على حسابي بس ما اعرف رقمها

- اي تواصلي وياها وخلي اتدزلج غراضج .. وسهلة واحنا هينا ندفع فلوس الاجرة .

- تمام ..

اخذت تليفون الحجية حملت الانستكرام بيه .. وتواصلت وياها ب١ بالليل جاوبتني .. كامت تسألني عن احوالي سولفت الها اطمنت عليه .. وكالتلي باجر اشوفلج سايق ادزلجياه .

ثاني يوم الصبح كعدتني الحجية
.. كالتلي : بنتي راح يجون عمام الرجال علمود موضوع الطلاك .. كعدي حبيبتي

- اي كعدت

- شبيج متضايقة

- لا بس راسي يوجعني ولعبانة نفسي

- اي هاي من الحمل .. كومي غسلي واكليلج حاجة هسه الصداع يروح ومعدتج تستقر يلا بنيتي كومي

كمت سبحت وغسلت .. لكيتها مسوية بيض وفوكها طماطة هي والحجي وباقي منها حمتلي الجاي كتلها : ماما لا اتعبين نفسج اني احمي ارتاحي انت

- ما عندي شي بنتي ..

حضنتها : ما اتمنى افاركك ابد .. اتمنى ابقى يمكم للابد

- البيت بيتج يماما شعدنا شو اني وابوج مالنا ونيس تونسينا لو بقيتي يمنا .

- اني احبج هواية

- يمه صدقة للبنيات اليعرفن يحبن حبيني بس اني مو تروحين تتوطين بغير حبجيات

- ههههههههههههههه لا بس انت
وكفت اكل واني احجي وياها : تصدكين ماما والله كرهت الرياجيل وكرهت كلامهم وغزلهم وحبهم وكرهت كلشي يطلع منهم احس تعقدت منهم كلش كلهم انانييين محد يحب صدك مل واحد يحبج حسب مصلحته .. من تتعارضين ويا مصالحه يطلع وجهه الثاني

- والوجه الثاني اخبث منه ماكو

- اي والله

- اغلبهم هيج بنتي بس هي هاي الحياة شنسوي .. الوحدة اضل بلايا زواج احسن الها هاي هيفاء رايدة ابن خالها .. مشوفتني الويل وهو لهسه لا خطب ولا بادر

- ابن خالها الكاعدة عدهم

- لا لا خالها الثاني هالباقية ابغدادمتقبل تجي تخاف تجي هنا وبعد ما تشوفه بس مو تكولين ابوها وعزام ضايجين من كعدتها هناك ويردوها تحي وشاكين بموضوعها اكو شي واني كاعدة اطمطم تا ما تتأذى لو دروا هي باقية هناك علمود ابن خالها شيخلصها وشيخلصني

- خطية

- يلا بنتي ..

رحت رتبت نفسي لحد ما اجو لبست حجابي ودخلت ..
بس الحجي جان موجود عزام بالشغل .. جان عيفان وعمه .. وعمه كوه مسيطر على عيفان كون اتفقوا وما يريده يخرب كلشي ..

اني ما دخلت ولا واجهت بس الحجي يمهم
والشيخ ردد صيغة الطلاك وعيفان طلك .. واني والحجية ورا الباب

اخذت نظرة شفته عاقد حواجبه وعيونه حمر دم
ما حركلي مشاعر بداخلي حسيت كلشي بيه مات من ناحيته .. لان شفت منه وجوه خبيثة ما تخدعني منظر المتضايق والزعلان افعاله جانت غير السانه ابدا .. ما شفت منه خير ابدا دمرني ما حياني .

رمى يمين الطلاك وانطى ١٥ مليون كغايب وتعويض عن الصار ويايا .. خلصوا وطلعوا .. هم عبالهم الطلاك وال١٥ هاهية .. تنازل وراح يطلعون ابوهم واخوهم ..

بس ما افتهموا عزام وهو يكللهم كفاله .. لما وصلوا للمركز ... كاللهم جيبوا كفيل حتى يطلع ابوكم واخوكم .. يتعهد الكفيل ان المتهمين ما يغادرون العراق ولا ينهزمون لحين اتمام الدعوى القضائية

كاله عمه : اي دعوة الردته منا سويناه وانطينا ١٥ مليون والولد طلك

- اي مقابل يطلعون بخير وسلامة ويرجعون لبيوتهم يبقى الموضوع الاساسي اللي تكاونوا عليه واللي هو الطفلة ..

- هذا الموضوع احنا نحله

- اي حلوه تا تسسون الموضوع وينتهي

- انت شنهو ول يابه ولي امر البنت .. عمها خالها بيا صفة جاي تامرنا وتساومنا

- انا مالي علاقة ..

احسه واكفلي هواية وديساعدني هواية ويدزلي ناس زينة مثلكم توكفلي وتساعدني بس اني كلشي ممسويتله .. فاريد اتقرب منه اكثر

- عفية .. هو هذا الصحيح التقرب من الله نجاة وتوفيق وانت لان نيتج طيبة وانجبرتي على الوضع .. محد يعرفج ويعرف المريتي بيه غيره لهذه هو دائما وياج ويساعدج

- ومرات يعاقبني لما اعلط اوكع بمشاكل تأذيني

- لما يعاقبج مو حتى يأذيج بس مثل الام لما تعاقب ابنها تريده منه ما يعيد غلطو .. حتى يصير احسن ويمشي عدل وما يتأذى بعد ..

كام ينصحني ويعلمني .. واني استمعله
احس متعطشة لانسان ينصحني ويرشدني اتمنى الانسان اليدليني ويكولي شنو اسوي وشنو ما اسوي واخلص من الضياع الاني بيه اتمنى الياخذ ايدي ويكولي هذا صح وهذا غلط .

صبينا الغدا وتغديت وياهم وهم يحجون وينصحون
والناس الكبار يحبون احد يستمع الهم ويسمع نصايحهم يكعدون يشرحوله شصار وشدار بحياتهم ..

فكعدوا بجلسة طويلة والحجي يحجيلي شصار وياه وشلون واجه الحياة وربى اولاده وتعب .

لحد ما صارت ب٣ الظهر ..
الحجية نامت بمكانها وهي متمددة بالصالة والحجي كال : راح اروح اخذلي غفوة ساعة وكعدينا تنروح للطبيب

- ماشي عمو

- لا تكليلي عمو كليلي بابا انت مثل بنتي ان شاءالله واحسبيني مثل ابوج .

دمعت عيوني لما كالي هشكل ..
حسيت ربي كافئني لما صليت ... صارلي اب !

ساعة وكعدت الحجية كالت خلي اروح اكعد عمح
كتلها : يكولي بعد لتكوليلي عنو كوليلي بابا بعد هو ابويه

- هااا ولج شعارة هو ابوج واني شنو ما تكليلي يمه

كمتلها من مكاني احضنها باستني وهي تكولي : الله يرضى عليج بنيتي بس عمج او ابوج مثل ما سميتي ما يقبل تطلعين بلا حجاب وياه انت البسي جبة من هيفاء وحطي حجاب لان ناس وجماعته يشوفوه ..

- اي اي عادي اني احب البس هيج

- يلا عفية بنيتي

رحت لبست من ملابس هيفاء .. جبة و حجاب وهو غسل وجه وغير دشداشته والحجية لفة حجابها والجبة مالتها وطلعت اني وياها وهو بالسيارة

خابر عزام كالوا : ها يابه وينك

- طلعنا والله يابه

- مو كتلك اني اجي اخذها للبنية

- اخذ راحتك انا وامك هم تضايكنا من البيت نطلع شوية نفتره

- ها زين .. عم الولد خابرني كتلو البنية يم الوالد كال نجيكم بالليل

- وعلويش يجونا العدنا حجينا

- ما يريدون ينطون فلوس يابه يردوها بحجة رجلها يريدها تا تتنازل

- حجي بكيفهم هم الواحد يتعدى عليك ويكتلك وتعال يلا اتنازل بدون تعويض وين صايرة حتى القران يكول الجروح قصاص

-يجون بالليل ونفهم منهم ..

- ان شاءالله خل نشوف شنهو يالفتها البنية وجهه اصفر ومخنچرة ..

- عود خابرني

- ان  شاءالله

سده واخذوني للدكتور طلب تحليل رحت سويت التحليل ربع ساعة وطلع .. ابو التحليلات كالو : لبنتك حجي ؟

- اي والله ابني لبنتي

- حامل

عكد حاجبو : ها خير ان شاءالله

احنا شوية عنه .. كالتله : ها بشّر ؟

- البنت حامل

- يارحمتك ربي ..

عقدت حاجبي : شلون حامل !

اندارتلي : ليش هو ما يجي يمج ؟

- لا بس ما ادري .. يعني

همستلي : يعني هو ما متقربلج لو شنو

- لا يمكن مرة او مرتين بس قبل لازتصير هاي الحادثة مال اهله

- اي عجل عليش مستغربة غير الله ما قصر هالرزقج جاهل بدل الخذوه منج

-وارجعلهم اني ما اريد ارجعلهم

- لا ترجعيلهم اذا اتريدين ياهو اليجبرج

- اذا دره اني حامل راح يغصبني ارجع واعيد نفس السيناريو ياخذ الجاهل مني وهم يكولي بيباي وارجع اعيد نفس الوجع

باوعت الحجية للحجي : ما نكلوا اذا تريدين .. خلي الامر بينا حتى عزام ما نكلوا خاف ينحرج بينهم .. خلي يحجي وينطلق ويجيبون شيخ يطلك .. تا تخلصين منو 

عاقدة وجهي واباوعله بحيرة وقهر وخوف
طبطبت الحجية على رجلي : لا تفكرين مو اليوم صليتي وذبيتي حملج على ربج .. الله موجود بنتي ما ينساج هو اليشيل حمولج .

- ولو جبت وهم ياخذو مني

- حطي عينج بعين الله وكولي يا الله .

كمت وياهم مشينا اخذلنا حجي لفات كباب وبيبسي وهم يضحكون ويحاولون يونسوني .. رجعنا للبيت والحجية تكولي : لا تكدرين خاطرج ربج ياخذ وينطي احسبي الراح الهم والجاي الج لا تفكرين بغير هيج حتى تريحين نفسج ..

فتحت اديه الها : الله لا يحرمني منج .

حضنتني : بنيتي حبيبتي .. لا تفكرين امي انت افترهي وافرحي ومالج علاقة دنعل ابو الراح لابو الاجا ..

بقت تطمني .. دخل عزام مال : ها اليوم دك احضان شنو الموضوع.

- اي اني وبنتي شتريد من عدنا

- هاااه صارت بنتج اي الله يثخن لبنكم .

ضحكنا وهو يكول : جايين بالطريق حضروا نفسكم .

رحت ويا ماما هي وكفت تسوي جاي واني كمت انظف رغم كلشي نظيف بس طلعت الكلاصات اللي بالكاونتر والغراض وكمت امسح الدواخل هي حيل فرحت وكامت تعلمني شحط منظف وشلون اصفطهن

اجوي الزلم جوا يسولفون واني وياها نشتغل وهي تسولفي عن ايام شبابها ولون جانت عند اهلها وزوجوها ووضعها ويا اهل زوجها هم رحلة معانات استمتعت وانقهرت واني استمع الها .

لحد ما خلصوا ..

ركضت جابتلي مي والحجي دخلني ع المروحة ويهفيلي بالخاولي خطية وهو يدعي عليهم ويكول : حسبنا الله ونعم الوكيل .. بنية يتيمة مستقوين عليها مخافة الله ماكو .

شربت مي هديت وهم خطية رغم ما عرفوني هواية كعدت عدهم يومين بس هلكد تعلقوا بيه وخافوا عليه اثنينهم واكفين على طولهم منتظريني احجيلهم شصاير ويايا

.. سولفت الهم الصار
حجه ابوهم : هذا بنتي مو ادمي وما يناسبج
كلنالج بنتج اتركيها هي من الاساس مو الج واذا الله كاتبلها ترجعلج ماكو قوة اكبر من الله تكدر تمنع بس الله رايد هيج ارضي بقضاء الله وقدره وكافي تعومين عكس التيار تتعبين وما تكدرين ذول يا عمو انت مو كدهم ولا تكدريلهم ابتعدي منهم وخل يولون اتحسبي واتوكلي على ربج يدير امرج

حجت الحجية : مو لازم ناخذها طبيب خاف مسمميها شوف وجهه كلش اصفر

- اي بس المستشفيات كلهن امراض مو مال ناخذها للمستشفى خل شوية يصير العصر وناخذها اني وياج للطبيب احسن

- اي افضل خل اكوم اسويلها شوربة حبيبتي حتى دم مباقي بوجهه ..

مشت والحجي هو يكلي : ارتاحي بنتي ارتاحي
تمددت وراسي كلش مأذيني .. وروحي باهتة ومدري شصايرلي ..

راح الحجي للحمام واني على هالحالة سمعت الباب الكراج انفتح ... باوعت لباب الغرفة .. دخل عزام ..
باوعتله كال : ها العفو اسف .. ورجع للكراج

كعدت بسرعة وتعدلت ..
واني اكوله : لا العفو تفضل ..

دخل : ها شنو صار ضل بالي كلت مو مال اخابر 

طب ابوه كاله : ملة جلاب يولو .. ماخذها تا يلعب عقلها وينطيها الجاهلة ساعتين تتنازل يكلها الله وياج

- قابل تعلموني بهيج ناس .. شايفين منهم هواي
كلتي وقعنا عقد يم محامي اذا جبت الطفل يسلمج بيت وراتب دائم ..

- اي

- وليش لحد الان ما اتسلمتي شي

- لان اريد الطفلة

- ومدا ينطيجياها ليش ما انطاج البيت والراتب وسكتج .. هذا رايد ياخذ كلشي بدون ما ينطي شي ..

- هم خير من الله يعني ما اعتقد الموضوع عنده فلوس بس

- وخيرهم ينطوه الج انت بعينه بنت ليل .. يمكن يعجبه تبقين عنده لامور براسه بس لا تتخيلين فلوسه وتعب عمره ينطيجاه .. لا تتوقعين .

باوعتله : وشلون ؟

-اعرفي اتصرفي بذكاء مو تسرع وصياح وتجاوز اي غلط وياهم ممكن يكلفج حياتج وسووها .. هسه انت اكعدي ارتاحي هينا واليجي خلي يتفاهم ويانا .. نحلها نكول اجاي دخيله عند الوالد وما نكدر نعيفها .

بس لا تطلعين هالفترة .. ولا تخليهم يلزموج باي مكان
اذا رجع طالب بيج نحجي وياه .. مالهم غير ينطونج فلوسج واسويلهم كفالة ويطلعون ..

حجه ابوه : كفالة لو تنازل

- لا التنازل يصير في حال وفوها حقها بنتهم عدهم البيت اللي واعدوها بيه وينه ووين العقد ؟ باي حق مرة تحبل تسعة اشهر وتجيبلها بشر يتسمى بأسم غيرها .. روح خلي ياخذه بس اقلها يسجله باسمها هاي دنيا المفروض الطفل باسمها حتى لو منع الطفلة منها .. عاد هنا يتخير لو تتسجل الطفلة باسمها لو يمضي عقده وينطيها حقها .. مال تطلع من السالفة بلا حمص هذا لعب واستغلال .

الحجي : اي والله هذا الصدگ .. بس يابه البنت اجتنا تزوع وتذب من راسها لازم ناخذها طبيب خاف مشربيها مسمميها ما ندري شمنطيها

- العصر ناخذها ان شاءالله .. خلي ترتاح هسه
هيفاء شوكت تجي ؟

حجت امه : خابرتها ابيت خالها .. تكلي كاعد اقرا وامتحن

- وين اكو اقراية وكتابة خلي تجي هنا تقرا

- تكول الكتروني مدري شلون والله ما افهم يا ابني

- الى متى تبقى هناك خلي تجي هنا .. وتمتحن ع التليفون .

- خابرها واحجي وياها اني حجيت لحد ممليت مدا تقبل .

- سهلة .. شمسوين غدا

- دا اسوي شوربة كلت خطية تاكل معدتها متأذية

- خير ان شاءالله انا راح ارجع الدوام مناك اطلع للبيت .. العصر اجيكم

- اخذ راحتك يمه .

مشى واني بقيت كاعدة يمهم اثنينهم وكفوا يصلون الحجي ع السجادة والحجي ع الكرسي .. كملت كالتلي : بس شوفي الشوربة بنتي خاف استوت

كمت من مكاني خطتها في ايرة ثكيلة حطيت شوية مي وحضرت الصينية والمواعين ورحت الها هي تدعي

كلت الها : الواحد شلون يصلي خالة

ابتسمت : متعرفين تصلين

- ما بحياتي احد علمني شلون تكون للصلاة .

- روحي توضي وتعاي

- شلون اتوضى

ضحك الحجي كاللها : اكسبي بيها اجر وعلميها الصلاة يصيرلج اجر بكل ركعة تصليها طول حياتها

- شفايلته اليعلم احد ع الصلاة كومي بنتي

وكفتني كدام المغسلة علمتني شلون اتوضى .. وانطتني ازار الصلاة ووكفت بمكان الحجي كاموا هي وياه يحجون ويعلموني .. وفرحانين بيه وهو يحجي شي وهي تصححله وهي تحجي وهو يعترض .. وانخبصوا بينهم

كمت اضحك على وضعهم ..
كلش حبيتهم .. خلصت الصلاة .. صابني شعور حلو وخفيف وكانما اطنان من الهموم والثقل على اكتافي .. انزاح وكأني روحي تحررت .

وهو يكولي : عفية بنتي التزمي بصلاتج والج مني هدية ..

- كلما تصلون صيحولي اصلي حتى اتعلمها زين وابقى اصلي

حجت الحجية : شنو الخلاج تصلين

- محتاجة رب العالمين محتاجة امشي بطريقه ..

- الفلوس رادها الي مو اله

- وهذا شي يخصنا احنا

- بس هم تعدوا عليه ورادوا يقتلوني .. لما يردون يطلعون غير ينطون حق طلعتهم

- يعني انت دا تساوميهم

- لا .. بس اتنازلت بسهولة شمدريني ما الموضوع ينعاد

- وتريدين تعويض وبنتج وكل هاي مقابل تنازل

- واللهي عيفان من بعد الصار والسويته لا تتوقع مني اعاملك بلين وعاطفة من حقي ادور مصلحتي .. اهلك تعدوا عليا انت تعديت عليه وضربتني وكملوها ولد عمك .. ليش دا اسكت عن حقي على كل هذا الضرب والاعتداء ؟

- هسه ما افتهمت تريدين فلوس لو تريدين بنتج

- اثنينهن من حقي

- طلعتي مادية يعني

- ليش الطيبة بيش فادت حتى اتعامل بيها ؟

- اني شذنبي بابوي والسواه عمران

- ذنبك صدكتهم وضربتني واذيتني ..

- سبحان اللي ما يغلط انت ليش توكفين وياي على الزلة

- يا زلة منهن اعديها وما اوكف عليها .. اتريد اعددلك المشيت وما وكفتلك عليهن ؟

- هسه يا بنتي دا اكولج اجيبلج البنية والله واحطها بحضنج بعد شتردين

- اي روح جيبها صار ساعة اكولك انطيني

-وتتنازلين

- انطي فلوس ونتنازل

- انطي ٥٠ مليون منين اجييب دشوفين كورونا وخسرت بالمطعم وسديته ومعاملنا نصها وكفت ..

- ومنو كال منك .. من ابوك واخوك خل يدفعون ثمن حريتهم مثل حاولوا يقتلوني ليش دا تتحمل ثمن افعالهم

- لان اني جبتج

- واني ابتعدت منك مع هذا هم معافوني

- لان كل الصار من وراي

- ومن ما كدرولك كالوا عاي مالها اهل يلا هل نكتلها ونريح بالنا مو

- تالي

- جيب بنتي

- وتتنازلين

- عادي ٢٥ مليون

- لا والله

- اكولك على كولة الضابط لو متزوجني ودافعلي مهر ومسويلي عرس هم يصير فوك هالمبلغ انت ليش مستخسر بيه كلشي

- منهو المستخسر بيج .. اجرت عاملة افريقية لخدمتج وانت العفتيني وطلعتي

- طلعت !! ااااااخ اخخخخ .. انت راح تجيب الطفلة لو لا ؟

- تأمريني امر اجيبها والله بس لا تصعبيها عليه بداعتي

- ان شاءالله بس جيبها .

طلع .. اني لحكته وطلعت وراه رحت للحمام .. طلعت ريحة الاكل كلش قوية يم الكليدور .. وما اعرف ريحة زفر بيض تلعب النفس .

بسرعة لزمت المغسلة وكمت اتقيئ
نزل عيفان يركض : شبيج يولي شصايرلج ؟

- ما اعرف ريحة البيض تلعب النفس ياربي راحت روحي
اتقيء واحس اريد استفرغ رغم ماكو شي ببطني .. روحي دا تطلع من الالم ..

- دتعاي تعاي ارتاحي
مشى جاب مي وامه تتحاجه وياه
انطاني المي .. اخذت اشرب وهو يكولي ارتاحي شو ارتاحي

اخذني للغرفة تمددت راح جابلي الطفلة واجا ..
فز كلبي من شفتها .. اخذتها احضن بيها وابوسها ..

بس الطفلة مدا تريدني ابد كامت تبجي بحضني
وهو عافني ومشى .. كمت ابوس بيها واسكتها وهي مستغربتني نطت من البجي وتباوع للباب عرفت تريده .. ومتريدني

تركتها وصعدت بسرعة حتى اخذ الممه او الملاهيه اسكتها بيها
جانت بيان تتعارك وياه .. لان ماخذ الطفلة وهو يكولها : شصير انا ما دا تشوفين ابويه واخوية بالسجن تردين اعووووفهم يخيسوووون بالسجننننن

- وتاخذ الطفلة

- ويولي بس فترة اصبري فترة وهي وين عنج هيانها كبالج انت ليش اتطلعين صوتي .. كافي اتحملي بس هالفترة .. وترجعلج

- اكولك انت دا تبيع براسي حلاوة بنت الشوارع هاي تريد تاخذ الطفلة تسجلها باسمها دا تفتهم شنو يعني البنية بعد ما جانت باسمي وبنتي تصير امها بنت الملاهي ما اقبل

- ليش تخليني الخج يولي كتلج صووووتج شفتيني سجلتها خفتي حسج واصبري لحد ما احلها ما اريد صوتج يطلع .

وهي ترد عليه .. عفتهم ونزلت
دخلت الغرفة البنية ناطة من البچي .. باوعتلها .. شلتها وبستها وهي تبعد نفسها مني تريد اصعدها الهم ..

دمعت عيني ..
الطفلة متعلقة بيهم ومتريدني .. وهم متعلقين بيها
اني اللي حاطة روحي بمكان غلط .. اني هنا مضحوك عليه .. لو بقيت راح يجبرني بطريقة يخليني اتنازل وساعتها افلس من كل شي .. لا بنتي ولا فلوس لان هو مستحيف يتنازل ويدفع بيه ربع مو ملايين ديسلكلي ويطلعلي حجج

صحت على بنت مروان كلت الها .. اخذيها لبيان كوليلها تريد ممي

اخذتها وصعدت اني مجنت شايلة غراضي
بس طلعت من البيت بلا تفكير افضل منا يلزمني عيفان عرفت ناصبلي كمين حتى يغصبني اتنازل فطلعت قبل لا اتعرض لامور اكبر من طاقتي

اول ما طلعت لزمت تكسي ..
طلعت لمركز الشرطة .. وكفت بالباب كلت للشرطي : الرائد عزام موجود

- اي

- تكدر تصيحلو

الشرطي يعرفني من كثر مشاكلي كل اللي بالمركز صاروا يعرفوني .. شوية وطلع عزام : ها رسل شنو شو رجعتي

- اتندمت

- على ؟

- اعتقد راح يلحكني لهنا

دنگ لابو التكسي انطاه فلوس ودلاه منطقتهم والفرع ..

لما دخل الفرع اني عرفت بيتهم صفيت ونزلت ..
دكيت الباب .. شوية وطلعلي الحجي : هاااا ؟

- ياريتني ما رجعت ..

دخلت كمت اتقيى بالكراجب س مي اذب من معدتي
طلعتلي خالة تركض : شجالج يولي شصايرلج

- ما ادري راح امووت

- شاكلتي عدهم ولج خاف سمموج

- ما ادري
وارجع اتقيئ ..

المفقودة

((( بقلم زينب ماجد )))

الحلقة_٢٧

صعدت بالسيارة .. باوعتله عاقد حواجبه ..
كتله : ليش جاي

- لا يكون عاجبج الضابط وطابتلج العيشة ابيته

- تريد تقنعني دا ترجعني لان غيران وتحبني مو حتى تغصبني على التنازل

- رايدة فلوس مقابل تتنازلين ؟

- لا رايدة بنتي ..

- اي هاهية انطيج بنتج وكعدي وسكتي متفقين ؟

- بيان راح تقبل

- وياهو المسؤل عن الطفلة انا لو بيان

- ما راح تاخذها مني

- هسه انا كتلج اخذها منج لو كالج اكعدي واسكتي وخلي بنتج عندج ؟

- نشوف ..

اخذني وصل بيه للبيت .. جانوا نايمين محد كاعد ..
دخلت الغرفة كالي : نامي والصباح رباح

- لا انت جبتني حتى تنطيني بنتي وينها

- نايمة هي وبيان اعلعل الطفلة واجيبها تا تشوفيها

- اني انومها بس جيبها اني مشتاقتلها

- كتلج الصبح نامي ..

عافني ومشى .. تنهدت
كل مرة يرجع ويايا احس بشعور حلو واحسه راجعلي لانو ميكدري تركني ويخاف عليه ويحبني الا هالمرة ..

جانت المرة الاولى اللي گلبي كان قافل بابه بشكل نهائي
بعد ما تركني بنص الليل بحجة طلكني وسلمني لولد عمه تايضربوني وياذوني ولما خلصت نفسي من اديهم اجا ينكر هو مطلكني !

اني الغشيمة اللي كنت اصدك هو يحبني
زوجته صارلها وياه عمر ما حبها ولا وفالها ولا شفته فد يوم قدرها اجي اني من تالي استغرب ليش ميحبني .. انسان اناني ميحب غير نفسه .

تمددت ع السرير .. والافكار تترادم براسي ما اعرف منين ابدي وشسوي المهم ينطيني بنتي والباقي سهل.

ثاني يوم الصبح ..
كعدت جانت بيان كاعدة واكفة بالمطبخ دخلت الها احاجيها: بنتي وينها

هم استغربوا اني موجودة كلهم انداروا
عدت عليه امه : الج عين يطلعلج صوت وزلمنا بالحبس صارلهم اسبووووووع

- انطوني بنتي بالاول

بيان : ما الج بنت عندي هذا بنتي

- منين صارت بنتج خلفتي جبتي شسويتي ؟

- اخذي فلوسج من عيفان وشوفينا كفاج ما انطيج بنتي لو تنطيييين

- عيفان هو اللي جابني وكالي بنتج الج .. البنت ويييين

انصاح من وراي : صوووووت
انداريت عيفان ورايا

امه كالتله : يول انت شنهو من بشر بعد كل السوووووته باباوك واخوك جايبهاااااا للبيت

- يممممممه لا تعلميني شغليييي

عقدت حاجبي : وشنو هو شغلك تلعب عليه ؟ بنتي وينها اجيت وياك بالليل كتلي تنطيني بنتي

- ما جذبت عليج امشي تنازلي عن الدعوى مال الوالد وعمران وهسه البنت تصير الج

- لا والله وشنو اليثبت تصير الي ؟

- انا كتلج تصير الج يعني تصير الجججحح

بيان : كطنة واشعلها من اذنك واذنها بنتي ما انطيها لاحد افتهمت لو لا

عيفان : - انت لا تدخلين واصعدي لغرررررفتج

- اريد بنتي

- مو قبل ما تتنازلين

- مجان اتفاقنا البارحة هيج

- وشنهو جان اتفاقنا مو كتلج راح اخلي بنتج بحضنج بس فكي مشاكل

- ووينها بنتي

- تنازلي بالاول وتاخذيها مني

- لا حبيبي اللي. اكلته وشربته منكم ومن عمايلكم وصل بيه لهنا .. تسجل الطفلة بأسمي وتسويلي بيها تنازل وتعهد الحضانة تكون الي .. ذاك الوكت اني اتنازل

- وانت حاسبة التنازل سهل يحتاجل شهور اذا مو سنة يلا تتحول الطفلة بعد تحليل وفحوصات وودي وجيب

- اسمع .. مال تبيعلي السمج وهو بالمي وبالمشمش استلم .. لا يماما انتهى افلامك خلصت ويايا .. تسجلي الطفلة بيدي وتتنازل اتنازل متسلمني .. ما اتنازل عن حقي لو هسه على كص ركبتي .

- لا انت اسمعي اسلوب الملاهي هذا وافلامك وبالمشمش .. من تحجي كدامي السانججججج اكصو .. خليني كوا بالع اللي شفته بعيوني .. وساكت فاحترمي نفسج وانجعمييي خوووش

دفعني : لا لا .. ممجبور تتحمل ولا مجبورة اتحملك .. لا تحاول تقنعني انت رجعتني ومتحملني علمود انت تحبني ورايد مصلحتي .. تنطيني بنتي وتسجلها باسمي .. متنطيني ما اخطي ربع خطوة واتنازل افتهمت لو لا

سحبني من شعري : ياهو هذا التكليلا افتهمت لو لا احترمييييي نفسج .

- اوكي تمام .. ابتعد راح احترم نفسي ..

دفع ايده مني وابتعد : مدام انت مناوي تنطيني اني ما اريد ابقى هنا

- ووين تروووووحين

- وين ما اروح .. شيخصك .. لما تكون مستعد تنطيني بنتي احجي ويايا اذا جايبني هنا حتى تاذيني وتسحبني من شعري .. لا ما ابقى

- انت شحاسبة روحج

- انسان .. اذا متعاملني على هالاساس وتحترم شعوري وتحترمني وتبطل تستغلني .. اتركني مو صعب ولا طالبه المستحيل

-ولك يا حيف هاي مو ادعسها هيج بالقندرة كاعد تتكاون وياها وترد عليها وابوك بالسجنننننن

- امشي كدامي دا نحجي

- ما عندي شي احجي وياك

- امبلى نحجي

مشيت وياه .. دخلنا كال : يبنت الناس وتالي نضل هادد ومهدود

- انت اللي مصعبها اجيت وياك على مايك وكتلي راح انطيج بنتج بس وينها

- اذا ع الطفلة هسه اجيبلجياها

- لا مو بس تجيبيلاها اليوم وتاخذها باجر .. تسجلها باسمي اليوم وتاخذها باجر .

- زين شلون ابوي يبقى مسجون من وراي

- لا اذا على هاي كالك الضابط يطلعه بكفالة

- الكفالة يريد مقابلها فلوس

شوف عيفان اثبت اني زوجتك بالاول وعود ذاك الوكت اثبت انت طلكتني لو لا .. ما اريد اشوفك بحياتي

لزم الباب : شنو اللي تريدي فلوس ٥٠ مليون بيت اني انطيجياهن كلهن بس امشي وياي

-امشي منا عيفان

- ما اكدر اخليج هنا كافي انا البارحة حرت واحتاريت وين ادورج انا شفتج دخلتي المركز ما شفتج طلعتي حتى بالمركز اجيت ودورتج حسبالي لزموج بفد قضية ومحد كالي غير اليوم يلا عمي بلغني .. كافي تعبتيني

-عيفان اني نفسي اللي لكيتها بالحفلة نفسها اللي جبت الطريق كله تكتل وتهين بيها

دفع الباب ضربني بيه : اششششش كافي لتحجين هذا الحجي امشي

-اوووو دكافي اني مليت منك رووووح

-اسمعي انت مو تريدين بنتح انا مستعد اجيبها الج وتكعد بحضنج وتبقى يمج بس لا تسوين بينا هيج يولي خليتينا سيرة على كل السان .

-منو يثبتلي هالكلام ؟

-امشي هسه ويايا اذا ما اشيلها وانطيجياها شاربي مو علي

-ولو تراجعت ورجعتها لبيان

-شتريدين سوي

دنحجي اجا عزام وكف الضاهر الحجية مخابرته خافت ع الحجي وهو مريض اجا كاله : شعندك هنا

- انت اللي ماخذها ..

- ها انت رجلها تذكرتك حسيت على روحك واجيت

راد يتلزم وياه الحجي صار بيناتهم
كاله : شرايد

- اذا ما تجي وياي هسسسسه بالقران لا اكلب الدنيا والبيت احركه فوككم

- لا تهدد يوووول احترم نفسك دا احجي وياك عدل احجي وياي عدل

- اليعرف العدل ما ياخذ مرة من رجلها ويضمها ابيتها

- دامك رجالها اخذها انا ما كاضبها بس لو ما صرتلها رجل واذيتها هم تجيلي مرتك وتشتكي وترفع دعوة

وكف وياه طول بطول وكال : -انت خليك جنب ومالك علااااقة

باوعلي عزام : رايدة ترجعين وياه ؟

-ديكول حيرجعلي بنتي

-افضلج ترجعين بس اذا واحد منهم حاول يخليج تتنازلين عن القضية اعتبري بيت اهلي بيتج

-رحم الله والديك ما تقصر

-تاخذها بس .. فلوس التعويض مالتها توصلني .. ولمااا توصل انا اطلع ابوك بكفالة غير هالحجي لا تحاول تجبرها على شي لان قضية ابوك يمي

- ههههههه من البداية احجيها حضرة الضابط كول رايد المالات حتى اشيل ايدي بعد مسوي بيها الكافل ليشش

- الفلوس توصلني .. اطلع ابوك ما يطلع يبقى بالحبس واحوله محكمة عود ساعتها جر ليل واخذ عتابة

ضحك عيفان : تأمر اذا على الفلوس هن وقنادرنا والرخيص للرخيص

باوعلي : امشي كدامي

-اغير ملابس

عيفان وكف على صفحة وعزام دخل يحجي ويا الحجي ..
بدلت ودا اطلع .. حجه : هين

-ها

- اعتبري البيت بيتج ولا يخدعج بتنازل وانا ما راح اطلع ابوهم بكفالة لحد ما يوصلج التعويض .. وعود من يحول بيت باسمج ويكتبلج راتب حقيقي ساعتها اتنازلي خوش

-بس ديكولي راح يرجعلي بنتي ما اريد البيت

- لا تتأملين .. ما فاد العنف والنهديد راح يتمسكنون لحد ما يتمكنون يريد بنتج صدك يثبت نسل ونسبها ويحط اسمج ويمضي على تعهد في حال انفصلتوا الحضانة الج  .. غير هيج لا تصدكين يحطها بحضنج ابد ..


-اني والله ما اعرف شلون اجازيك وشلون اوفيك

-هسه دروحي وخلي نشوفج بخير وسهلة ولو احتاريتي وصاكت بيج الدنيا هالباب مفتوح وانا تندليني

ابتسمت .. رغم ما متزوج
بس لأول مرة اشعر برجل كدامي كلامه كلها حنية وامانة
بكم كلمة سندلي گلبي وطار الخوف مني وكأني عندي ظهر لو رحت وما وفوا ويايا ما اخاف وما افكر راح ارجعله ..

من هالليلة جان اكو نقطة تحول بشعوري .. يتبع

_____

#زينب_ماجد

- سمعته يحاجي ابوه البارحة كال يساومهم يكلهم ابوكم واخوكم رادوا يكتلوها كتل موت .. وابنكم طلكها وذبها بالشارع لا مهر ولا عانة وفوك هذا .. ولدكم كتلوها وهددوها .. كل ذني اكدر انا اثبتهن عليكم وعدها اليثبت والادلة ( الصدك هو ما عنده بس حتى يضغط عليهم ) تا ياخذ منهم الج فلوس .. وتتنازلين

- ما ادري .. ما اعرف شسوي ..

كامت تحجي ويايا وهي تشتغل .. لحد ما كملت ريوك واني اساعدها كعدنا ناكل ونسولف ..

للظهر اجا عزام تغدا وكعد ينتظر اهل عيفان واعدهم يجونا تيتفق وياهم .

لحد ما اجو اول شي حجالهم الوضع القانوني وكاللهم
كل ما دا تأذوها دا تعقدون الموضوع اكثر وتثبتون اقوالها على ابوكم واخوكم اكثر ويزيد عليهم الحكم

واذا كتلتلوها فرضا ما راح تستفادون شي بس ممكن ابوها واخوكم ياخذون سجن سنين طويلة وابوكم رجل كبير احتمال ما يتحمل احتمال يموت بالسجن .. فانتم اذا تعتقدون الموضوع راح ينتهي بالعنف والترهيب لا تتوقعون تنجحون

البنية مثل اختي اذا مالها اهل ومحد يطلع الكم ويواجهكم انا اطلع ولا تعتقدون انا ضدكم .. اكدر اتبرى من السالفة وابوكم واخوكم يتورطون لكن دا اتدخل بالسالفة لخاطركم ولخاطر البنية كونها يتيمة .. ورايد ادخل بينكم بالمعروف

كالوله : شنهو المطلوب منا

كاللهم : ٥٠ مليون نقدا كاش تنطي بيد البنية تعويض على كل اللي صار بيها من محاولة قتل وتعذيب وتهديد وابتزاز وايضا استغلالها واستغفالها .. بامر حملها

واللي عرفته انه اكو عقد ما بينها هي واللي اتولها عيفان يمكن اسمو .. هذا العقد ينص على ان يدفعلها بيت بأسمها وراتب شهري  مستمر لأنها راح تحمل بدل زوجته وتنطي الطفل لزوجته ..

وين البيت ووين الراتب ووين الطفلة ؟


حجه عمه :  موضوع البيت والراتب احنا نحله ويا عيفان وهو يخصموا  .. والطفلة بتنا ومالها ضنا عدنا ولا تحلم تشوف من البنية قيد شعرة

والفلوس ما عدنا غير بالزايد ١٠ ملايين .. تحسبهن مهر تحسبهن تعويض اليحلالها وتتنازل عن الدعوى الرافعتها بحق الحجي اجحيل

غير هيج هذا يسمونا ابتزاز يا حضرة الضابط عد ما تريد ٥٠ هلى التنازل ..

- اي من حقك ذيج المحكمة وروح اثبت هي ابتزتك و طالبتك ٥٠ مليون حتى تتنازل .. وشوف  اذاالمحكمة بعد ستة اشهر سبعة تنطيك حق لو لا

انا هذا العندي والبنية تبقى هنا بامانتي وخاف تكول ابيتي .. البيت فارغ بس الحجي والحجية موجودين .. وانتم عاندوا بكيفكم

حجه واحد من ولد عمهم وهو يغمزله  : - اطلع النا من الاخير شمواعدتك وشكد حصتك من التعويض .

عزام : الحشمة للكاعدين وللبيت كون انتم ضيوفي .. والا علمتك ياهو المنا اليستغل مرة ويستفاد براسها .

- المرة مرت ابنه واحنا بالعشاير نحكك مخلي مرت ابنا ابيتك على يا مال

- ابنكم رمى عليها يمين الطلاق

- باطل لا مطلك ولا حاجي وذاك وينه يصيح اريد مرتي .. وهي كل التلزك بيه تكول انا ما متزوجة ومطلكني تا ينفكها .

- هذا طعن بالشرف كدام الكل اعتبره ؟

- من زود الشرف تا تكول طعن هي غير ركاصة ولفيناها

- عجل الشور ع اللفاها من تلفي ركاصات وتخليهن عرضك معناها انت تشتم بعرضك .. حالك حال تفال السما يولو ..

- ٢٠ ما نزيد عليهن مليون

- لا تزيد خليهن بجيبك وادفى بيهن محد جابركم على شي ولا هي رايدة شي .. العندي كلته تنفذوه انا كتلكم طباب خير .. القضية يمي اطلعوا بكفالة .. لحد ما تسوون كل المطلوب منكم ذاك الوكت تتنازل .

كاموا يحجون ويتصايحون
هو جان كلش حاد وياهم .. شافوا ما بيه مجال خلوا وطلعوا ..
ما حجة ويايا طلع وراهم وراح لبيته واني بقيت ويا الحجي والحجية .

بالليل واني نايمة اندكت الباب كام الحجي ديشوف منو
طلع عيفان .. كالوا : مرتي عندكم بالبيت انا رايدها

- هلا بيك وليدي بس البنية اجو عمامك وحجيتا بالسالفة وعزام كاللهم العنده والتريده البنية

- وعزام ياهو تا يتدخل بمرتي ؟

- كالت طلكني

- جذاب انا ما مطلك وهسه تطلع من بيتكم لا والله هينا اكلب الدنيا

- ول يابه عليش تكلب الدينا وشعدنا وياك البنية هي اللي لاذت بينا بعد ما انت وولد عمك جرتوا اعليها

- صيحلها حجي

- اتوكل منا والصباح رباح

- ما ارضى تبقى عدكم .. هسه تجي

- روح منا وليدي ليش تسويها هوسة

على صوت صياحه كعدت .. فزيت من مكاني وكمت .. شفت الحجية واكفة وتسمي وتدعي .. شيريد ؟

ركضت ليبرا والحجي يتصايح وياه صحت : شتريد
الحجي دخل وكف بالحوش على تى يخليني احجي وياه وهو يصيح

- امشي كدامي يولي

- ليش حتى امشي وياك منو انت ؟

- امشي بلاااااااا كلام

- امشي منا احسن ما يأذوك اسلوبك هذا ما نفعك كبل حتى ينفعك هسه ابتعد وعوفني  انت طلكتني وعفتي هاهية رووووح

- انا ما طلكت لج رايدة تشيعين طلكت تا تخورين على كيفج اهينج بالنعال والله

- قصدك ما عندي دليل يثبت طلاقك .. وجاي دا تنكر طلاقك لما عفتني بشارع اظلم وحدي بلا تليفون وبلا فلوس ...

- ماخذين مني بنتي

- بنتج اللي هي حفيدتهم مو صحيح ؟

- اي

- شوفي اختي .. واني بحسبة اخوج ان شاءالله بس ثقي بالله العلي العظيم لو اني بمكانهم وانت ام بنتي ما اسلمج بنتنا

- بس هي بنتي

- بس بنتهم وعرضهم وراجعتلهم .. صح لو لا

- اني ما افهم هالامور هي بنتي ممانعتهم منها بس مالهم حق ياخذون بنتي مني

- غلطج وانا اذا اكعد اعاتبج والومج واكثر حجي ونصح واليصير والمايصير ما يفيد ولا راح ينفعج بشي بس اكولج ما راح ينطونج بنتهم لو على كص ركبتج ... هاي الفكرة اتقبليها اسحبي نفسج ما خلفتي .. ما جبتي اتجرعي الحقيقة وابلعيها واكسبي نفسج

يا اختي والله ما راح يعوفوج بحالج
ولو دروا انت ابيتنا راح يدارونها علي ويطلعوني صاحبج ويطلعوني متعاون وياج ويألفون الف شغلة هاي اذا ما ضروني بشغلي ولفوها علي هيج ناس اعرفهم وانت مندكة ويا جبيرهم

تعرفين شنهو يعني ابوهم صارله ٣ ايام مسجون
يولي كتل مستعدين يكتلون هسه ياكلون بشر والله .. انت خوية لا بكدهم ولا تكدرين تتقارشي وياهم خلصي نفسج

- وانسى السووه بيه

- لا .. بس ساوميهم دوري مصلحتج من القضية خو بدل ما كاعدين يدورون عليج ويتعطشون لدمج ساوميهم انت لا بيت لا مكان لا مستقر لا شغل لا عمل ضايعة .. اخذي مصلحتج منهم

مو القران يكول الحروح قصاص ينطونج تعويض مقابل تنازل .. واخذي اللي يفيدج

- وبنتي

- ما ترجعلج يا اختي اذا ما تستوعبين هالفكرة ثقي بالله العظيم ما راح يعرفوج بحالج .. ولا تكولين انا نا اخاف الموت وما عندي شي اخسره اغلى نعمة عند الإنسان صحته لو سوولج شي  وعوقوج ما موتوج وما متي وخسرتي صحتج بيش تعوضيها ؟ ترجعلج بنتج ؟ لا تكولين ما عندي شي اخسره امبلا عندج صحتج خافي على نفسج ..

دامج بنية بعدج بحيلج وصغير ان شاءالله باجر عكبة الله يرزقج ابن حلال ادمي وتخلفين منه بدل الوحدة عشرة .. بس اتركيها واخذي مصلحتج .

- صعب يعني اعوف بنتي

- يولي مو اصعب من وضعج ؟

حجت خالة : ياما نسوان انحرمن من ضناهن وحطن عينهن بعين ربهن وصبرن وعاشن . والصدك يخالة وضعج مو مال تاخذين البنية عندج تاخذيها وين تعيشيها اذا انت نفسج ما جاي تكدرين تعيشيها تورطين البنية وياج ..

عزام : لا وحتى لو ثبتي هي بنتج وهسه انطوج ياها ترا يكدر يرفع عليج دعوة بالقانون ويثبت انت غير مؤهلة للحضانة وترتادين الملاهي والاماكن وجان عندج ماضي  حتى القانون يحرمج الحضانة ..

وترجعين لنقطة الصفر
يغني فوك نا مواجهة عشيرة كلها تواجهين القانون .. وتخسرين بيهن كلهن .. فالواحد ليش يطب معارك خاسرة وهو ما عنده سلاح يحارب بيه .. استسلامج من صالحج بس بشروطج

كمت ابجي احس الحجي صعب كال : حقج انت بنت ومحرومة وما عندج عائلة وحقج تتعلقين بيها بس هذا الصدك انا والله قاهرني وضعج والا لا الي علاقة بيج ولا اجيبج لبيت اهلي ولا ادخل اتعامل مع القضية كشؤون عمل تنتهي بمجرد ما ينتهي الدوام وخلصت ..

بس وضعج هذا صعب وانا ما بيدي الج غير النصيحة اللي انت بامس الحاجة الها ولواحد يوجهج ويكولج شنو الوضع ويعلمج لان انت صغيرة لا تعرفين ذوله العشاير شنو ولا تعرفين الواقع شنو .. ما تكدرين لازم واحد جبير ينصحج ويعلمج شنهو اليفيدج وشنهو اليصير بيج اذا اصريتي وواجهتي

ثقي مايعوفوج ولا ينطوج بتهم وياخذون اللي يريدو ياخذون .. لا قانون يمنعم ولا اي بشر .. هذا الواقع اذا عايشة غير واقع فانت وهمانة اصحي لنفسج

- شسوي

- تخليها عليا واني اخوج ؟

هزيت راسي .. كالي : اخذي راحتج اذا تعبانة انا ادزلهم واحد احاجي واكلهم البنية عندي .

- وتنطيهم مكاني

- لتفكرين بهالامور اخذي راحتج

حجت خالة : انت تعبانة امشي نامي وارتاحي ومن تكعدين يحجيلج الصار روحي

- ماشي

كمت للغرفة ذبيت الحجاب وتمددت
تخيلت وضعي كلش كرهت نفسي
بس كلامه صحيح اني ادور بدوامه شكد ما انهزم منهم مدا اكدر ..

واذا جنت حاطة ابالي .. اشتغل واوكف على حيلي وارفع عليهم دعوة تبدت احلامي وهو يكولي القانون ما راح ينطيني حق وراح يكدر يسحب مني الطفلة اذا عيفان يثبتلهم اني اشتغل بنوادي ليلية .

اذا اني رحتلي ليلة خابروه وكالوله اني بالسهرة
شمدريني ما يجيبهم يشهدون هم جانوا بحفلة اني اركص بيها ويشهدون لصالحه ..

كامت دموعي تصب
اجيب راسي منا مترهم احط راسي منا .. صعب
حياتي ملش صعبة ومالي معين


لليل واني منايمة بس امثل النوم وعقلي بدوامه
بس كدرت استوعب ان بنتي مو الي لو شما حاولت اسوي ..

ما كعدوني لثاني يوم كعدت راسي كلش ثكيل وعيوني مورمة
حجت خالتي : وجهج اصفر خالة .. راح اسوي ريوك اكلي تا يرجع الدم بوجهج اكيد باجية مو

- صعب خالة صعب

- يعيون خالتج ليش اني ما ادري صعب بس شتسوين .. شجابرك ع المر غير الامر منه ولا حالج هذا يخاله يصعب ع الكافر ..

وعزام ما قصر .. كاللهم  البنية عندي وانا كفالها تجون باجر ع اليوم .. تسمعون شروطها وتنفذوها وانا حلال سالفتكم .

- شلون راح يحلها

تنهدت واني امشي اباوع الملابس مال البنية بنتهم .. اخذت ثوب يجي على كدي .. ومشيت للحمام سمعت الحجية بالمطبخ والحجي بالصالة يسمع اخبار

رحت للحجية : اساعدج خالة

- لا يخالة فدوة لعمرج حبيبتي رايحة تسبحين

- اي

- حمام الهنا روحي اسبحي وارتاحي تا تتغدين ويانا سويت شلون دليمية تاكلين اصابيعج وراها .

ابتسمت : ماشي

رحت للحمام .. غسلت واكتشفت جسمي كله جروح وزراك وراسي كلش ياذيني ما اكدر افرك الشامبو الشعراية احسها تاذيني من احركها ..

وكفت كدام المرايا اثار ضرب على خدي وشفتي كلها جروح .. تجمعت  الدموع بعيني واني اشوف  روحي جايسها الوجع من كل مكان .. جسد وروح

اجت على بالي اغنية .. ادندنها واغنيها لروحي واني واكفة اباوعلها
هتعمل ايه لو نمت يوم وصحيت بصيت ..
وشفت نفسك في المرايا .. بكيت
جواك سؤال تصرخ تقول انا مين
انا زي ما انا وله انقسمت اثنين ؟
وبعدين ؟

ادندن ويا روحي ودموعي تنزل على خدودي ..
ربي اكتبلي اللي بيه الخير ..

لبست ملابس بنتهم وغسلت ملابسي الداخلية لانو ما عندي  غيرهم وطلعت الحجية بالمطبخ كلت الها : وين اشرهم خالة ؟

-ها نعيما سبحتي

- اي .. بس هاي الملابس مالتي اريد اشرهم بمكان بيه شمس لانو ما عندي غيرهم اريدهم ينشفون بسرعة

فتحتلي الترك وكالت : هنا ع الشمس ساعة تلكيهن ناشفات

- ها مشكورة

شريتهن وهي تسألني : ليش اخذ بنتج منج

حجيتلها بقت واكفة وانتجت ع الكاونتر تستمعلي
كالت : بس خالة السويتي غلط يعني البنية بنت حرام .. بس هم ما عليج عتب الله يقيم الحجة ع العاقل واليعلم اذا انت محد معلمج قابل بيدج بس هن ذني دروب ابليس يخالة كلهن مهانة

وهسه يخالة شلون تضلين هيج
انا اكول الصدك وانت بحسبة ابنيتي وانت هذا حالج لو متحملة ويا رجلج ما دامه تكولينه يركض وراج لو كاسبته

- وبنتي

- شتسوين الدينا يخالة مو كلها النا اليريد شي يعوف شي

- ما اكدر اعوف بنتي صعب

- اي والله الله يلوم اللي يلومج الضنا عزيز يخالة واحدهم لجمته بالكلب الحان عمره يوم  والجانه اطول منج .. هو هو ..

- مبين بعيونج تشتاقيلهم

بسرعة دمعت : اي والله
ورفعت حجابها تمسح عيونها : بس شسوي كل واحد بيهم يريد يعيش حياته ما بيدي اكضبهم واخليهم كبال عيوني

-عزام لعد ليش معايش وياكم

- عده عائلة وجهال ومرة ما ترهم يكعد ويانا

- بس انتو غير امه وابوه جان انتم رحتو كعدتوا وياه يعني اشوفها صعبة انتم وحدكم مرة ورجال

- مرته ما تود الها احد

- يا يعني متريدكم

- بعد شنسوي خوما نهجم بيت ابنا حتى يعيشنا شنريد منه وهو هم حنين ما عايفنا الشاهد الله يومية عدنا واكثر الاوكات يجي ويانا يتغدا ..

- خطية

واحنا مستمرين بالسوالف طلعت المواعين وصبت الاكل انطبك الباب صاحت : صااااالح هذا عزام اجا

صاح عزام : اي يمه انا

.. راد يفوت ابوه كاله : بنت داخل ول ابني

كال : ها العفو

رحت للغرفة .. وهي تصب وشالت الصينية : يلا خالة تعاي تغدي ويانا

- لا والله خالة كلش تعبانة اكلوا بالعافية تسلمين

- لا ما يصير ناكل شنو وعزام هم يريدج يريد يحاجيج كومي بس ذبي حجاب على اكتافج لان جسمج بارز

- ما عندي حجاب

- ذني مال هيفاء شو فتحي هاي الخانة

فتحتها لكيت حجابات خذيت اسود وذبيته على راسي كامت تعدلة وتجيبه ليكدام حتى تغطي لان ملابسه ملابس داخلية .. رحت سلمت كال : يا هلا شلونهم 

- زينة

- تفضلي اتفضلي ..

كعدت من جهة الحجية وكاموا ياكلون انتظرته يحجي بس ما حجه .. راسي جان كلش مأذيني واحس بروحي نعسانة وتعبانة .. بس كاعدة ومنتجية هيج

حجه ابوهم : ما تاكلين بنتي لا تستحين اكلي

- ما اشتهي نفسي مسدودة

- شماكلة

-كلشي مماكلة بس ممشتهية شي

.. كام عزام غسل والحجية شوية وشالت الصينية كمت وياها صاح عزام : اختنا

- عليه

- اي خلي الوالدة تجيب الحاي وتعاي تا نحجي

- تمام

كملت الجاي ورجعت وياها اخذت كوب الجاي بيدي .. وهو كام يحجي وياي ويستفسر عن امور ووضعي السابق والحالي .. كالي : هسه شنهو اللي ابالج تسوي ؟

- ما اتنازل الهم

- وياچ لا تتنازلين بس الإنسان لابد يحكم عقلو ويتصرف على اساس تا ما يندم بعدين .. انت هسه انهزمتي منهم لاربيل وما خلصتي منهم انعرف مكانج بسرعة واجوج كبل .. معناها اللي تعرفيهم وواثقة بيهم هناك هم البايعيج ..

ما تنازليتي وبقيتي هشكل شلون راح تنحل ؟
انا رجل قانون واحجيلج قانون واكولج حقج ولازم يتعاقبون بس نحن هينا ديرة عشاير وهيج ناس انا اعرفهم ما يكدرلهم قانون وانت بلا ظهر لا اهل لا عمام تطلعلج وتواجهم ..

مثل اليوم كتلوج واذوج وهددوج وجابوج لا تعرفين اساميهم لا ارقام سياراتهم .. يطلعولج الف منهم تكدريلهم ؟

- ما ادري .. اني ما عندي شي اخسره اذا ما واجهتم يكتلوني هم بالحالتين ما عايفيني

- على ثمج نور بالحالتين ما عايفيج .. شنهو اليردو منج ؟

- اترك ابنهم وابتعد

- اي خلصي نفسج اتركي شعندج مورطة نفسج وياهم

بقى يحجي ويا الممرضة
ورجع اندار ويحجي ويايا واني هلكانة من التعب

راح أوصفلچ مسكن للألم، وبعد ما يخف الألم نبدأ علاج طبيعي بالتدريج حتى ترجع حركة الكتف وقوته. والأهم، لا تحملين شي ثقيل ولا تسوين أي حركة مفاجئة بالكتف إلى أن نسمح لج تمام ؟

هزيت راسي بدون جواب

عدلتلي ملابسي وعيفان مام يحجي ويا الدكتور دخل وهي لبستني مسند مال ظهر وجتف وايد وكالت : هالفترة راح تحتاجين احد يمج يساعدج تكومين وتكعدين لحد ما يرجع جتفج لمكانه متنامين صفح ابدا ..وارتاحي لا تسوين اي شي على كد الحمام وارجعي






-راح ابقى بالمستشفى

- عادي الدكتور كال تكدرين تطلعين بس راح تتأذين برا .. اذا عندج سرير كهربائي وناس يهتمون بيج بالبيت نكتبلج راجيتة علاج واطلعي بس اخذي حذرج كلش زين اي حركة مفاجئة او حمل اي شي بأيدج اليمنى راح يعرضج لالم قوي .. وراح تسوء حالتج اكثر ..

- لا لا تطلع افضل هناك احنه نهتم بيها اكثر .

كتب الدكتور لستة علاج واجاني كالي : راح اخليج على كرسي خاف تتأذين بالمشي منا للسيارة وصيت عبدالله يخليها كدام الباب

- اتركني وروح انت ما مجبور بيه

- ياريت تنجبين وتاكلين *** لا بزعتيني وروحي واصلة منج لهينا كلمة زايدة والله انعل والديج واكص رجليج واعوقج طايحة الحظ هم اسمعلها رأي بعد السوته

- ممجبور بيه

- كلت اكلي ****

حجاها وطلع جاب سديا .. ورجع
سندني على صدره ورفعني وكعدني على الكرسي كلش اتأذيت كمت اون وهو يمشي بالكرسي نزلنا بالمصعد طلعنا برا المستشفى .

عبدالله جان واكف .. منتظرنا فتحلا باب السيارة الورك وكالو : تمددها

حجيت : لا لا اتأذى بالطسات اذا نمت اسندني اكعد

كعدني بالسيارة كوة شدة لحد ما كعدت
حط البطانية عليه ولفني وهو كعد بالصدر وعبدالله يمه
ملت راسي ونمت بعده تاثير المنوم بجسمي .

محسيت بالطريق .. كعدت احنا بداخل بيت ابوه ..
ساعدني انزل .. كال اشيلج للغرفة

- لا ظهري ياذيني اذا شلتني .. امشي

وكف ابوه كالوا : بعد كل السوته يول جايبها ورايد اهلك يخدموها ..

عيفان : الحجي مو وكته يابه

- الا وكته خلتنا بحلك اليسوى والما يسوى احنا حرمة من بيت ال جحيل تدوس عتبة بابو وتنهزم ؟ من يا زمن حريمنا تتهزم من البيت يول حط حرمة لبيت اهلك وابعدها بنتنا عدها خل تولي

تجاهل ابوه وهو يمشيني وكفت كتلو : دكولك اتركني عوفني

- امشي لا ادفرج اكطع نفسج والله لا تسمعيني صوتج .

مشاني لغرفة ..
وشندني تا ينومني اجتي امه تكوله : ابوك ما راضي بجيتها بعد الصار كله ترجعها للبيت

- يمه انا افتك من ابوي تجين وراي تحجيلي رأيه .. الله يخليج اطلعي وعيفيني بضيمي

- اي ضيم خلص روحك يول هذه شرها ما يتعداك وانت وياها اخلص ..

- لا حول ولا قوة الا بالله يمه ليل الله المر ما شفت النوم بيه يعني اذا رايدن اكلب البيت فرككم كلولي بالخدمة روحي واصلة لهين شرايج

- عافته ومشت
باوعلي وهو يتنهد .. طلع جاب فراش واجا فرشه يم السرير
وصاح على مي كامت بنت عمران جابتله : كومي شربي دواج






اخذت الدوة من ايده شربته
شوية اجا عبدالله دك الباب جايبلا شوربة حاول يخليني اكل بس مجنت مشتهية .. عافها على صفحة وتمدد بس حط راسه ع المخدة نام .

اني بالي يم بنتي تمنين المحها لو اشوفها لو اسمعها تبجي او احد يجيبها بس ما شفتها .

بقيت بين افكاري اتمرجع لحد ما نمت ..
ما كعدت غير على صوت بيان وهي تكعد عيفان .. تكلوا : الطفلة مريضة مختنكة كوم خلي ناخذها للدكتور

فزيت : بنتي وينها .. جيبيلياها الدكتور انطاني علاج الها ..

خزرني عيفان وهو يكولي : انت انجعمي ولا تسمعيني صووووووتج

وعك راسي ومشى طلع ..
بقيت ساعتين بالغرفة وحدي بالي انشغل عليها
بقيت ابجي لحد ما رجع .. فات كتله : وينها

مجاوبني ..
- حاجيني تونا زينة

- تخليني الخج على وجهج اذا ما متي بالحادث اموتج

- انت ليش مبقيني عندك اذا ما متحملني اني مرايدة ابقى عندك ولا رايدتك اني رايدة بنتي وبس جيبلي بنت

كاملي : اذا جبتها راح تكدرين تشيليها راح تكدرين تداريها لو تأذيها بغبائج مثل ما اذيتي نفسج .

سكتت بس دموعي كامت تجري ..
محد جابلي بنتي ولا شفتها هو يجي ينام ويطلع وميجي واني بالغرفة وحدي

ثاني يوم وجعني للمستشفى عادولي على كتفي ورجعني ونفس الوضع اهله يتكاونون وياه ما رايديني

اجر عاملة افريقية تجي بمكانه دا تساعدني
تكومني تاخذني للحمام ترافقني لامستشفى تبقى يمي توكلني تشوف احتياجاتي

جنت كل يوم اذوب وانتهي من الالم ..
الم نفسي جان اكثر من الم جسمي ..

اسبوع الكدمات خفت ورجلي الرض تحسن بقى بس كتفي مأذيني وايدي اليمنى ما اكدر احركها

وعيفان بعرك مستمر ويا ابوه ما رايدني ابقى هينا
وهو يجي يغلط ويسب ويطلع كل صوجتا براسي ويتحلفلي لو ما حالتي هشكل

- لا مشكلة بسيطة بيني وبينها وتهورت الحمدلله الشارع جان فارغ واني امشي سايد وسط لو اكو سيارات لو ماخذ ايمن جان الله يعلم شصار بيها

- جان ما جبتوها لهنا تطلعون بيها للمقبرة كبل مو رسل ؟ مو هو هذا اللي تريدي ؟ متفكرين بابا متكولين يمكن ما اموت واتعوق وابقى عالة على غيري .. متفكرين بالداير مدايرج عندكم اطفال لو لا






عيفان : لا ما عدنا

- الحمدلله ما عدها لو عدها شلون راح تكوم لاطفالها بهالحالة شوف شنو صاير بيها

- يعني دكتور حالتها صعبة ؟

- قبل لا نشوف الاشعة ونعرف شنو بيها بالضبط منكدر نحكم بس وجهه وراسها ما يطمن

- هي تبجي من كتفها

- ادعي الله ما يكون تهشم .. انقلوها لغرفة الاشعة فورا وجيبولي تحليلها

اخذوا السديا لغرفة الاشعة شفت عبدالله يمشي ويا مشية السرير وعيفان منا .. رادوا يرفعوني لتخت مال الاشعة كمت اصرخ من كتفي واصيح

ثبتوني واني نار نار اشتعلت بكتفي ..
كمت ابجي بصريخ وعيفان يكولي : هانت تحملي بس يسويلج الأشعة ..

ما طلع من غرفة الاشعة بقى لازمني ومثبتني حتى ابو الاشعة يلتقط .. بمجرد ما كمل نقلوني وهم كمت اصيح وابجي واصرخ : موتوني لتعوووووفوني خلوني امووووووت ما اتحمل الوجع ما اتحمل كااااافي

- هانت هانت بس ارتاحي
ابجي ابجي من كد الالم .. لحظة غباء عبالي اموت مفكرت شيصير بيه وشكد راح اتأذى اذا الله مكتبلي اموت

الالم بالعظم احس روحي دا تطلع مثل نار ومشتعلة ما تعدأ تسعر وتاكل بروحي لا اكدر اتحرك لا اكدر الزمها اقل حركة اشيغ والم الم مثل طعن السجاجين يصير بكتفي

احس ورمت الجهة اليمنى من كتفي وايدي صار بيها زراك
عيفان جان وجهه اسود من الخوف ما عنده غير يرجع عليه ويكول : نعلعلا ابليسج يولي شبليتي روحج .. ول يابه شلون شلون منين اكضبج منين ما المسج تصيحين ما فكرتي شيصير بييييج غبيية

عبدالله : لا تكعد تلوم فوك قهرها خطية تشوفها كاعد تبجي من الالم .

- يولو لعبت بحالي لعب بالقران شيب راسي منها لو افتر وراها لو افتر بيها وكف راسي منها ومن سوالفها راح اجن شسويلها وشسوي لحالها هسه ؟

- هسه دخلي دكوم بخير وسلامة والله كريم .. بس خلي تكوم .

ثلث ساعة طلعوا الاشعة عندي خلع بكتفي ..
لازم طبيب فيزيائي يرجع ظهري بحركات طبية حذرة .. لان الوضع حرج ومؤلم الم كارثي .. من اقيسه بالم الولاده اشوف الولادة اهون .. الالم هذا نار نار تشتعل بروحي من العظم .

شوكت يجي الطبيب الفيزيائي باجر ..
لازم ابقى ع المسكنات لباجر .. ابجي من كل كلبي من الالم ينطوني مسكن يخف بس ما يروح ولا يختفي ..

غير راسي ثكيل من الصدمة والخياط البراسي وكدمات بجسمي وظهري ورض برجلي ..

جانت المستشفى بغير مدينة مو بحديثة وحظر تجوال فعيفان وعبدالله بقوا ويايا بالمستشفى لا نمت ولا ناموا للصبح .

لحد ما كتبلي الدكتور منوم .. واخذت جرعة كبيرة من المنوم ..
ما كأن نمت وكأني دخلت بغيبوبة ..






كعدني عيفان كلشي بيه ثكيل من الالم راسي كتفي جروحي رجلي .. حتى خلكي من المنوم ..

الدكتور طلب من الممرضة تنزعني ملابسي وتكلبني على بطني ..
حجه عيفان : وانت اللي راح تباشر

- حالة طبية لازم ارجع كتفها والا تموت من الالم غير

- بس يعني ماكو مرة تباشرها

- بكيفك تريد تدورلك امرأة تباشرها انت حر اكيد بس بالمستشفى هنا ما عدنا دكتورة تشتغل هالامور.

-وين اكو مستشفى توفر دكتورة تباشرها

- ما اعرف شوف مستشفيات بغداد

- حظر تجوال شلون راح اخذها لبغداد

- بعد انت نسق ويا الجهات ومشيها تبقى يمك ..

حجت الممرضة : بس مو من صالحها تبقى ترا اذية العظم مميتة ما تكدر تخليها تاكل ولا حتى تقضي حاجتها انصحك الدكتور يباشرها وهذا طب لا عيب ولا حرام ..

ما اتحمل يبقى ويشوف الدكتور يمي وجسمي طالع ..
بقت الممرضى تستر بيه وتطلع من ظهري بس الجزء اللي الدكتور كام يمرغه ويمشي ايده

صار صوتي ينسمع بالسما وبالارض على قوة الالم كمت اصيح من كل كلبي واتوسل بالدكتور كافي كافي الله يخليك نفسي انكطع راح اموت

وهو يكولي : اتحملي اختي راح نكمل

الممرضة تبز الزيت وهو بكل قوته يدعك ظهري واني اعض بالمخدة احس اختنكت انكطع عندي النفس على كد الالم

بالربع ساعة هدأ وحسيت براحة اكثر بس كلش تعبت من البجي والصياح .. كالي: جربي تندارين

ساعدتني الممرضى واني خايفة ودارتني وعدلت ملابسي
وكال : الكتف جان مخلوع، والحمد لله ماكو كسر بالعظم. رجعناه لمكانه، بس عندچ إصابة بالأنسجة والأربطة بسبب الوكعة ، ولهذا الألم والورم طبيعيين بهالفترة.

لازم ينعاد هذا التمرين عليها حتى يرجع كتفها بشكل كامل الممرضة راح تلبسج المسند لا تحاولين تحركين الكتف أو ترفعين إيدچ لفوك. أول كم يوم ارتاحي تمامًا، وحطي كمادات باردة على المنطقة لمدة 15 إلى 20 دقيقة، أكثر من مرة باليوم حتى ترتاحين

#البارت__22

#المفقودة

((( #بقلم زينب ماجد )))

#الحلقة_٢٢

كل اللي حسيته وكتها انو اني لما دفعت نفسي من السيارة هوى كلش قوي ضربني بوجهي دفعني بسرعة بعيد عن السيارة كمت اتكلب بالكاع مرة ومرتين وتلاثة لحد ما انشمرت ليغاد ..

انضرب راسي بس اقوى ضربة حسيتها على كتفي .. ووكل ضربة تصير على جسمي جانت الم بدون صوت .. جان شي من داخلي رايد يتجرع الالم لحد ما اموت حتى تنتهي سلسلة المعاناة الي دا امر بيها على مدار الأيام ..

صوت السيارة ابتعد مني واني ارتميت بالكاع
اباوع بالسما واحس الكاع دا تتحرك جوايا وكأن العالم يفتر

وكف السيارة بكل قوته وشمر الطفلة بالسيارة واجا يركض
والناس هماتين تراكضوا لما شافوا حادث

جنت مفتحة عيوني بس الم بكتفي وراسي مثل الكهرباء كلش مؤذي سوا عندي مثل الوشة بأذني شديصيح شديحجي ما اسمعه بس شفت الخوف بعيونه وهو يحاول يلمني ويشيلني

هذا اخر اللي اتذكره من بعدها فقدت الوعي
ما اتذكر شلون شالني منو ساعده شلون نقلني للمستشفى الطفلة وين بقاها .. شوكت وصل المستشفى شلون اسعفوني وركضوا بيه كل هذا مصاحيتله .. فقدت الوعي تماما

فتحت عيوني اول بدايه ما اشوف غير بياض .. للحظة ما استوعبت اني وين وشصاير بيه ..

صارت اذني شيء فشيء .. تستقبل اصوات وجسمي يستشعر اللي داير مدايره .. احس بالاصوات بعيدة عني رغم احس بحركتهم وهم يشتغلون بيه

شوية شوية صار الصوت يقترب والرؤية تتوضح .. وتبين الممرضين و الدكتور فوك راسي واجهزة قريبة مني وتصدر اصوات مستفزة ...

اول شي صدر مني انين على كم الوجع اللي بجسمي خصوصا بكتفي .. كمت اصيح : اااااااااخ .... ااااااااااخ اني ويييين
حجيت واني احاول اتحرك على كم الالم اللي احسه بكتفي

اجاني صوت انثوي : الحمدلله على سلامتج حبيبي لا تتحركين ارتاحي .

- اني وييين شديصير بيه ااااااخ

- انت صار وياج حادث وحاليا بالمستشفى .. اهدي لتتحركين حتى لا تتأذين .

كمت اتذكر اندفاعي بالهوى لما ذبيت نفسي من السيارة واتطكرت بنتي اللي ما فكرت بيها لما اخذت هذا القرار

كمت اصيح : بنتي وينها اااااخ جسمي ااااااااخ وينهاااا

- اهدي بس اهدي من تتحركين تتأذين لازم ترتاحين .

كمت ابجي وارفع بنفسي الم كلش قوي بكتفي وراسي ثكيل ..
حطولي مغذي وكمت اسمع صوت عيفان وهم يحجون وياه ما دا افتهم الكلام من كد الالم والدوخة اسمع الكلام متقطع .

مفتهمت الهوسة بس العرفت مخيطين راسي وطالبين منه ينقلني من المستشفى لان اكو امراض كورونا هواية ولازم ينقلني لمستشفى اهلي علمود انظف واقل مرضى واكثر اهتمام بس ماكو مستشفى قريبة والقريبات كلها لود






فأجر اسعاف حتى ياخذوني لمستشفى اهلي ..
بس انطوني ابرة مسكن الم .. لما اخذتها عشر دقايق سكن الم كتفي بس راسي حيل ثكيل وحتى الساني ثكل رغم واعيه بس كمت احس بروحي مثل السكرانة وثكلانة ..

ع السديا مشوا بيه احسه هو موجود
شفت وجه عبدالله هماتين .. شالوني ورفعوني لسديا ثانية صعدوها لسيارة اسعاف .. عيفان يكوله : انا راح اصعد وياها انت جيب السيارة وتعال ورانا

صعد اول شي الممرض ومن بعدها صعد وراه عيفان واني متمددة بالاسعاف .. بس اون راسي ثكيل حيل

لزم ايدي وهو يكلي : چچك تسمعيني

كمت اون : اااااخ راسي

- انت اللي صدعتي راسي بدل ما كاعد احاسبج على اغلاطج وافعالج اكعد احير بيج من مستشفى لمستشفى يولي اذيتيمن بفعلج هاذ غير اذيتي روحج يمتى تفكرين يمتى تعقلين ليش تسوين بنفسج هييييج

فتحت عيني خفيف باوعته وهو لازم ايدي ، حجيت بلسان ثكيل : اتركني اموت ودير بالك على تونا امانة عندك.

- والله لو ما حالتج هذه جان عرفت شلون اتصرف ويااج وويا تهورج وغباءج .. يولي انت ما براسج عقل ؟ عقل ماكو ؟

اون من الالم مجاوبته ..
اغفى ارجع احس والطريق بعده ممخلص حسيت كأن الطريق طول .. لحد ما وصلت سيارة الأسعاف لمكان المستشفى

نزلوني من السيارة هو ويايا ..
اخذوني لغرفة اشوفه فوك راسي وين مياخذوني
وكف طبيب واخذ الطبلة وكعد يقرا حالتي ويسأل بعيفان : هي شمرت نفسها .. لو احد ضربها

- لا هي شمرت نفسها

- انت زوجها ؟

- نعم

باوعلي : شنو اسمها

عيفان : رسل

- شلونج رسل اسمعيني ؟

كمت ان .. حجه : جاوبي سولفي ويايا تسمعيني ؟

- اي

- شنو اللي تحسين بيه رسل

- كتفي ذابحني راح اموت ايدي ما اكدر احركها راح اموت منها

صار يكشف على كتفي : احتمال جبير صاير عدها خلع بالكتف .. لازمها اشعة فورا ..

- بالمستشفى عالجوا راسها وخيطوا الجرح ورجلها همين بس ايدها كالوا تحتاج اشعة وما متوفرة عدهم الاشعة حاليا .. والمستشفى حاليا مليان بحالات كورونا .

- شلون صارت الوكعة بالغلط لو هي جانت رايدة تشمر نفسها