اہل دل کی دِل آویز باتیں📔📚

‏میں نے خود کی ہستی کو قرآن پر پرکھا تو اس آیت سے زیادہ کسی اور میں اپنی شباہت نہیں پائی:

وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَن يَتُوبَ عَلَيْهِمْ ۚ إِنَّ اللَّهَ غَفُورٌ رَّحِيمٌ° التوبة (١٠٢)

" اور کچھ لوگ وہ ہیں جنہوں نے اپنے گناہوں کا اعتراف کر لیا ہے، انکا عمل ملا جلا ہے، کچھ اچھا اور کچھ برا، تو کوئی بعید نہیں کہ اللہ ان پر پھر سے مہربان ہو جائے کیونکہ وہ درگزر کرنے والا اور رحم فرمانے والا ہے"

احنف ابن قيس رحمه الله
[الزهد للإمام أحمد : ١٣٠٧]

" مالدار کھاتے ہیں، ہم بھی کھا لیتے ہیں، وہ پیتے ہیں ہم بھی پی لیتے ہیں، وہ لباس پہنتے ہیں، ہم بھی کچھ نہ کچھ اوڑھ لیتے ہیں، وہ سواریاں چلاتے ہیں اور ہم بھی سواری کر لیتے ہیں،،

لیکن فرق یہ ہے کہ انکے پاس مال و متاع کی فراوانی ہے، جسے وہ دن رات دیکھتے، دکھاتے، اس سے دل بہلاتے اور فخر کرتے ہیں،
اور ہم بھی اسے دیکھ لیتے ہیں مگر نگاہ سے آگے نہیں جانے دیتے،

کل انکے لیے وہ مال حساب و سوال بنے گا، اور ہم اس حساب کے داغ سے پاک اور بری ہیں،
وہ مال کے بوجھ تلے دبے ہیں، اور ہم قناعت کے سائے میں آزاد و مطمئن ہیں "

ابو درداء رضی اللّٰہ عنہ
[سير أعلام النبلاء. ٣٥٠/٢]

#افسوس ! زندگی بہت تھوڑی ہے ، لہذا اسے رنج وغم ، حسد و جلن ، لڑائی بھڑائی اور کینہ کپٹ سے مزید تھوڑی نہ کرو ، کیونکہ اس مختصر سی زندگانی میں ان بھیانک افسردگیوں کے لیے گنجائش نہیں ہے ۔
عمر کی حفاظت کرو اور اس کو ان کاموں میں صرف کرو جو رب کو راضی کردے ، اور زندگی کو درگزر ، بردباری ، نرمی اور چشم پوشی ( جیسے اخلاق کریمانہ ) سے پرکیف بناؤ ۔
غفر اللہ لنا ولکم

. . . ابوحماد محمد یحیی

دل کا حال کسی صاحبِ مروّت ہی سے کہنا چاہیے جو یا تو تمھارا غم بانٹے، یا تمھیں دلاسہ دے، یا کم از کم تمھارے دکھ سے خود بھی دکھی ہو!
بشّار بن بُرد
[ترجمانی: طاہر اسلام عسکری]

یہ محض کوئی معمولی کوتاہی نہیں تھی۔

میری دوری بڑھتی گئی، غفلت طول پکڑتی گئی اور میرا دل مرجھاتا چلا گیا۔ تہجد چھوٹنے لگی، نماز بوجھل محسوس ہونے لگی، قرآن کی تلاوت کا روزانہ معمول کم ہوتا گیا اور دل کی وحشت بڑھتی چلی گئی۔

فتنوں سے بھری یہ دنیا میرے دل کو بری طرح جھنجھوڑ رہی ہے۔

قیامت کے دن میرے گناہوں کا بوجھ کون اٹھائے گا؟

میرا کون سا عمل مجھے نجات دلا سکے گا؟

اے اللہ! میری مدد فرما، کیونکہ میں خود ہی اپنا دشمن ہوں۔“

(عابر سبیل)

’’آپ دیکھیں گے کہ بہت سے لوگ حتیٰ کہ طالب علم بھی غفلت میں مبتلا ہیں۔ جب نماز پڑھتے ہیں تو کچھ دھیان ہوتا، اور جب قرآن مجید کی تلاوت کرتے ہیں تو کچھ سمجھ نہیں ہوتی... گناہوں نے دلوں پر زنگ چڑھا دیا ہے یہاں تک کہ وہ سخت ہو گئے ہیں، اور اب نہ نماز سے فائدہ اٹھاتے ہیں، نہ تلاوت سے اور نہ ذکر سے۔
جب دل ان تینوں مقامات (نماز، تلاوت، ذکر) میں حاضر نہ ہو، تو انسان کو جان لینا چاہیے کہ دروازہ بند ہے!
لہٰذا اسے چاہیے کہ اس دروازے کو کھولنے کی کوشش کرے، اور بار بار قبروں کی زیارت کرے، کیونکہ قبریں آخرت کی یاد دلاتی ہیں۔‘‘
(شيخ عبد الكريم الخضير حفظه الله | شرح المحرر: ٥/ ٤٤)

سب کچھ اچھا چل رہا تھا، مگر تمہارے اپنے گناہوں نے سب کچھ بگاڑ دیا۔

زرہ زرہ سمیٹ کے بنایا ہے خود کو مجھ سے یہ مت کہنا کہ بہت دیکھے ہیں تم جیسے۔

انسان ہر روز خود کو سنوارنے کی بے شمار کوششیں کرتا ہے،اپنے غصے پر قابو پاتا ہے، ہر پل اپنے نفس سے مجاہدہ کرتا ہے، ہر سانس اور ہر لمحے میں خود کو سنبھالنے کی کوشش کرتا ہے۔
وہ اپنی پوری زندگی اس کوشش میں گزار دیتا ہے کہ دنیا اسے اس کی بدترین صورت میں تبدیل نہ کر دے۔ وہ اپنے اندر جو کچھ باقی رہ گیا ہے، اسے محفوظ رکھنے کے لیے مسلسل جدوجہد کرتا ہے، تاکہ وہ ’’وہی‘‘ رہ سکے جو کبھی تھا، اور دنیا کے اس خوفناک عفریت سے خود کو حتی الامکان بچا سکے۔

میرے قدم بھاری ہو گئے اور میرے بال سفید ہو گئے میری حرکتوں میں موت کا سکون سرایت کر رہا ہے اور اس کی راکھ میں میرا شعلہ بجھ رہا ہے میں جہاں بھی جاتا ہوں اپنا رزق کھاتا ہوں لیکن زمانہ میری عمر کھاتا رہتا ہے۔

حمدیس صقلی

کسی ایک بےخبر، عام سے دن تمہارا دل اُس چیز سے بھی اچانک اُٹھ جائے گا،جسے تم کبھی سب سے زیادہ مضبوطی سے تھامے ہوئے تھے۔

جب أبو ربیعه الفقیه رحمه اللہ تعالٰی کی بیوی فوت ہوگئی انہوں نے اسے دفن کیا اور اپنے ہاتھ جھاڑے، پھر اپنے گھر کی طرف لوٹے تو انہوں نے لا حول ولا قوۃ الا باللہ پڑھا، انا للہ وانا الیہ راجعون کہا، اور روئے ۔ پھر اپنے آپ سے مخاطب ہوکر کہا:

"اب گھر بھی مرگیا، اے ابوخالد!
بےشک عمارت اس عورت کی روح سے زندہ رہتی ہے جو اس کے اندر بستی ہے!"

(وحي القلم ۔ رافعی)

مومن خاموش طبع ہوتا ہے، اسے کثرتِ غور و فکر نے فضول باتوں سے بے نیاز کر رکھا ہوتا ہے۔ اس کے گناہ اسے مسلسل غم میں مبتلا رکھتے ہیں، وہ اپنے نفس کی وجہ سے مشقت میں رہتا ہے، جبکہ دوسرے لوگ اس کی طرف سے امن و عافیت میں رہتے ہیں۔
وہ چاہتا ہے کہ اس کا بوجھ کچھ ہلکا ہو جائے، تاکہ وہ الله کی طرف اپنے سفر کو بہتر انداز سے جاری رکھ سکے۔

" کتنے ایسے زیرک و شریف و با صلاحیت لوگ ہوتے ہیں، جو ایک نادان و بے فیض انسان پر فریفتہ ہوکر رسوائی کا بوجھ ڈھوتے اور محرومی و یاس کے گڑھے میں جا پڑتے ہیں "ـ

جوہری کہتے ہیں کہ میں نے بشر الحافی کو ان کی بہن کے جنازے میں یہ کہتے ہوئے سنا:
بندہ جب اللّٰہ کی اطاعت میں کوتاہی کرنے لگتا ہے تو اللّٰہ اس کا مونس و غم خوار اس سے چھین لیتا ہے..!
(وفيات الأعيان، ابن خلكان)
[ترجمانی: طاہر اسلام عسکری]

اے خواہشِ نفس کے سمندر میں ڈوبنے والے، جسے تیرنا بھی نہیں آتا!کتنی ہی بار تیرے گرد نصیحت کی کشتیاں چکر لگاتی ہیں اور ان کے سوار تجھے پکارتے ہیں:
﴿ارْكَبْ مَعَنَا﴾
’"ہمارے ساتھ سوار ہو جا"
مگر تو پھر بھی غفلت کے بھنور میں ڈوبا ہوا ہے،
تعجب ہے!جوں جوں تیری عمر بڑھتی جاتی ہے، تیری عقل و بصیرت گھٹتی جاتی ہے،،
تو اس خیمۂ قیام کو ایک مضبوط میخ سے باندھنے میں لگا ہوا ہے،
حالانکہ کوچ کا بگل بج چکا ہے!جس نے گزرے ہوئے ایام سے عبرت نہ لی، اسے ملامت بھی باز نہیں لا سکتی،
راہ طویل ہے، مگر زادِ راہ نہیں، اور جب بھی زادِ راہ میسر ہوتا ہے، تیرا عمل اور زیادہ کوتاہی میں گزر جاتا ہے،

ابن الجوزی رحمہ اللہ،
صبا نجد

" آپ کا سب سے بڑا دشمن آپ کا اپنا اعصابی نظام ہے اور آپ کے اندر کا تناؤ آپ کو کسی ایسے کام میں مبتلا کر سکتا ہے جس کا انجام اچھا نہ ہو۔"

جارج آرویل

اےےےےےے پروردگار
میں تجھ سے ایسی سکون کا سوال کرتا ہوں جسے الفاظ نہ جانتے ہوں اور ایسے سلامتی کا جسے عقلیں نہ سمجھ سکیں اور ایسی راحت کا جو خالی پن سے نہیں بلکہ بالیدگی سے حاصل ہو
ایسی راحت جو یہ جانتی ہو کہ روح کی خاموشی میں کیسے بسنا ہے اور جسے نہ کسی آواز کی ضرورت ہو اور نہ کسی دلیل کی
میں تجھ سے سوال کرتا ہوں کہ تو میرے اندر کے اضطراب کو سکون دے دے اور میرے اندر کے بکھراؤ کو ایک کر دے اور میرے بکھرے ہوئے وجود کو یوں سمیٹ دے جیسے کوئی چیز کو دوسری چیز سے نہیں ملاتا بلکہ جیسے کوئی چیز کو اس کی اصل کی طرف لوٹا دیتا ہے تو میرے لیے ہر غم سے نکالنے کا ایسا راستہ بنا دے جو صرف ایک دروازہ نہ ہو بلکہ ایک آگہی ہو اور ہر تنگی سے ایسی کشادگی بنا دے جو صرف ایک جگہ نہ ہو بلکہ ایک حالت ہو
اور اےےےےےے پروردگار مجھے اپنے اندر ایسا مستحکم کر دے جسے آنے والا وقت پریشان نہ کر سکے
اور نہ گزرا ہوا وقت اسے مشغول کر سکے مستحکم بالکل اس سچائی کی طرح جسے کسی برہان کی ضرورت نہیں ہوتی اور اس وجود کی طرح جسے کسی تشریح کی ضرورت نہیں ہوتی
میں تجھ سے صرف کشادگی کا سوال نہیں کرتا بلکہ سمجھ کا سوال کرتا ہوں جو کچھ ہو رہا ہے اس میں حکمت کی سمجھ اور جو کچھ گزر رہا ہے اس میں خوبصورتی کی سمجھ اور اس چیز میں معنی کی سمجھ جو ظاہری طور پر بے معنی ہے
مجھے ایسا یقین عطا کر جو ڈگمگائے نہیں غائب کے یقین کی طرح نہیں بلکہ حاضر کے یقین کی طرح تیرا یقین ہر لمحے میں اور ہر دھڑکن میں
اور ہر خاموشی میں
اور اگر درد کا ہونا لازمی ہی ہے تو اسے سایہ کی طرح ہلکا درد بنا دے
جو مجھ سے گزر جائے اور مجھ پر بوجھ نہ بنے اور اگر غم کا ہونا لازمی ہی ہے
تو اسے ایسا پختہ غم بنا دے جو حکمت دے اور اداسی نہ دے
میرے دل کو ایک ایسا آئینہ بنا دے جو اس سے گزرنے والی چیزوں کی عکاسی نہ کرے بلکہ اس کی عکاسی کرے جو گزرنے سے بھی گہرا ہو وہ موجودگی کی عکاسی کرے وہ اس وجود کی عکاسی کرے جو نہ بوڑھا ہوتا ہے نہ کم ہوتا ہے اور نہ بدلتا ہے
اور میرے اپنے نفس کے حق میں میری کوتاہی کو معاف کر دے کیونکہ میرا نفس میرے پاس ایک امانت ہے اور میں نے اس میں بہت زیادتی کی ہے اور تو اس کو اس کی پہلی چمک اس کی پرانی پاکیزگی اور وہ سکون لوٹا دے جو ہوا سے واقف نہیں ہے
اےےےےےے وہ ذات جس کی طرف ہر موڑ پر لوٹنا ہے اور اسی کی طرف رجوع کرنا ہے
اور ہر حرکت کے بعد اسی کے پاس سکون ہے تو میرے اندر ایک ایسا وطن بنا دے جسے طوفان ہلا نہ سکیں اور دن بدل نہ سکیں ایک ایسا وطن جس میں ہر چیز پرسکون ہو کیونکہ وہ تجھ میں ہے اور تو ہی ہدایت ہے تو ہی سکون ہے اور تو ہی سلامتی ہے اےےےےےے اللہ

- عمر درازؔ - 🖋 📜

رہی بات تنہائی کی تو میں اس معاملے میں تم سے بھی زیادہ سخت حال میں ہوں، الله کی قسم! مجھے یہاں ایسا کوئی شخص معلوم نہیں جس کے ساتھ مل بیٹھنے سے مجھے انس حاصل ہو، سوائے ایک شخص کے! شیخ احمد العبادی؛ اس کے باوجود سال بھر میں شاید ہی تین مرتبہ اس سے ملاقات ہوپاتی…

رہی بات تنہائی کی تو میں اس معاملے میں تم سے بھی زیادہ سخت حال میں ہوں، الله کی قسم! مجھے یہاں ایسا کوئی شخص معلوم نہیں جس کے ساتھ مل بیٹھنے سے مجھے انس حاصل ہو، سوائے ایک شخص کے! شیخ احمد العبادی؛ اس کے باوجود سال بھر میں شاید ہی تین مرتبہ اس سے ملاقات ہوپاتی ہے، اور وہ بھی ہر اعتبار سے ویسا نہیں ہے جیسا میں چاہتا ہوں،،
رہے باقی لوگ تو ان سے ملنا جلنا میری طبیعت کو مکدر اور دل کو غمگین کردیتا ہے،،

میں پہلے مہینے میں دو مرتبہ سینما دیکھ کر اپنی طبیعت کو بہلا لیا کرتا تھا، پھر چند وجوہ کی بنا پر اس سے بھی جی ہٹا لیا:
اول: نئی فلمیں فحاشی اور بے حیائی میں بہت آگے بڑھ گئی ہیں، اور یہ پھوہڑ پن ایسا ہے جو لطف ہی کو ختم کر دیتا ہے،،
دوم: جب فلموں میں بول چال اور گفتگو شامل ہوئی تو ان کا تقریباً تین چوتھائی حصہ گانے بن گیا؛ حالانکہ سینما کی اصل لذت تو کہانی میں ہے۔ جہاں تک ہندوستانی گانوں کا تعلق ہے، مجھے ان میں کوئی لطف نہیں آتا،
سوم: اور یہ سب سے کمزور وجہ ہے کہ یہاں علم و دین سے وابستہ لوگ سینما کا بائیکاٹ کیے ہوئے ہیں،،

رہی سیر و تفریح تو اس میں بھی میرا کوئی حصہ نہیں، کیونکہ اسکی شرائط میں سے یاروں و دوستوں کا ہونا ضروری ہے، اور وہ میرے پاس کہاں ہیں؟

انہی حالات کی وجہ سے میری داڑھی میں سفیدی اتر آئی ہے اور میری طبیعت بہت زیادہ تنگ و پژمردہ ہوگئی ہے، میں اس حال کو پہنچ گیا ہوں کہ جیسے کہا گیا ہے:
عَوَى الذِّئْبُ فَاسْتَأْنَسْتُ بِالذِّئْبِ إِذْ عَوَى
وَصَوَّتَ إِنْسَانٌ فَكِدْتُ أَطِيرُ

"بھیڑیے نے جب آواز دی تو مجھے اس کی آواز سے بھی انس محسوس ہوا،
اور جب کسی انسان نے پکارا تو قریب تھا کہ خوف سے اُڑ جاؤں"

خلاصہ یہ ہے کہ یہاں میری زندگی بدبختی اور بدحالی کی زندگی ہے؛ لیکن ہر حال میں اللہ کا شکر ہے۔ اس کی نعمتیں مجھ پر اور اس کی تمام مخلوق پر بے شمار ہیں۔ ان نعمتوں میں سے ایک بڑی نعمت یہ بھی ہے کہ اللہ تعالیٰ کے فضل سے مجھے کسی انسان کا محتاج نہیں ہونا پڑتا،،

اور یہ بھی کہ مجھے کتابوں میں کسی قدر لذت نصیب ہوئی ہے، بلکہ اس جواب کو لکھنے میں بھی مجھے ایک ایسی لذت محسوس ہوئی جو معمول کے خلاف ہے، اسی لیے میں نے اسے طویل کردیا۔ اب تو میرا جی چاہ رہا ہے کہ اسے اور طویل کروں، لیکن ڈرتا ہوں کہ تم میری اکثر باتوں کو ہذیان نہ سمجھ بیٹھو؛ اور شاید وہ واقعی ہذیان ہی ہو،،

تمہارا خط آج رات، آٹھ محرم کی رات کو پہنچا۔ شہر کے لوگ اپنی محرم کی تفریحات اور کھیل تماشوں میں مشغول ہیں۔ میں نے اس سال تماشے دیکھنے سے بھی کنارہ کشی اختیار کرلی ہے، حالاں کہ ہر سال میں محرم کی ان راتوں کا بیشتر حصہ اسی میں صرف کیا کرتا تھا،،

آج بھی میں مذکورہ رسالے کی تحریر میں مشغول رہا، یہاں تک کہ اکتا گیا۔ پھر تماشے کے لیے باہر نکلنے کے بارے میں تردد میں تھا۔ اتنے میں تمہارا خط آگیا، تو میرے لیے یہ دروازہ کھل گیا اور میں نے جواب لکھنا شروع کردیا۔ مجھے اندیشہ تھا کہ اگر میں اسے مؤخر کردوں تو میری وہ عادتاً غالب آنے والی طبیعت پھر مجھ پر غالب آجائے گی اور خط لکھنے میں تاخیر ہوجائے گی،

اللہ رب العزت کی قسم! اگر میرے پاس کچھ ایسا علم نہ ہوتا جس کے بارے میں مجھے امید ہے کہ اللہ تعالیٰ اسے شائع کرنے کی توفیق عطا فرمائے گا، اور اگر میری اللہ عزوجل کی اطاعت کچھ ایسی نہ ہوتی جسے میں حقیر سمجھتا ہوں اور امید رکھتا ہوں کہ اگر زندگی نے ساتھ دیا تو اللہ تعالیٰ اس سے بہتر اطاعت کی توفیق عطا فرمائے گا، تو میرے نزدیک موت زندگی سے زیادہ محبوب ہوتی؛ بلکہ موت ہی محبوب اور زندگی مکروہ ہوتی،،
اس وقت میرا یہی عقیدہ ہے، آگے کیا ہوگا، میں نہیں جانتا۔
والسلام۔
تمہارا بھائی
عبد الرحمن

[المدخل إلى آثار المعلمي، ص 224–226]

کوئی بھی آپ سے اس بات پر معذرت نہیں کرے گا کہ اس نے آپ کے اعصاب تباہ کیے ہیں اس لیے ان کی حفاظت آپ خود کیجیے اور کسی کے سامنے یہ وضاحت نہ کیجیے کہ اس نے آپ کو کتنا تھکایا ہے کیونکہ دوسروں کو تھکانے والے اس بات کو کبھی تسلیم نہیں کرتے اس لیے اپنی توانائی اس چیز میں لگائیے جو آپ کو فائدہ دے اور اپنے جذبات کو اس سے دور رکھیے جو آپ کو مشقت میں ڈالے

- عمر درازؔ - 🖋 📜

" کوئی صبح، کوئی شام ایسی نہیں ہوتی جس میں ندا لگانے والا ندا نہیں لگاتا کہ:
اے لوگوں! دنیا سے کوچ کا وقت آیا جاتاہے، دنیا سے کوچ کا وقت آیا جاتا ہے "

حذیفہ رضی اللّٰہ عنہ
[العاقبة في ذكر الموت ولآخرة]

" جس نے بنیادی اصولوں کو ضائع کردیا، وہ منزل تک پہنچنے سے محروم رہے گا، خواہ وہ بڑے بڑے القاب کا حامل ہو اور بے شمار لوگوں کے مجمعے اسکے تالیاں بجاتے ہوں "

متقی وہ ہے جو ہر کام اللہ رب العزت کی رضا کے لئے کرے۔۔۔۔!!!

بایزید بسطامی رحمہ اللہ علیہ۔۔۔!!!

دُکھ کی بات تو یہ ہے کہ اللہ تو ہمارے قریب ہے لیکن ہم اللہ سے دور ہیں۔۔۔!!!

غیبت سے بچاؤ کا نسخہ

امام ابن وہب دوسری صدی ہجری کے مشہور محدث اور فقیہ ہیں، فرماتے ہیں، میں نے غیبت سے بچنے کے لیے یہ طریقہ اختیار کیا کہ جس دن کسی کی غیبت کردیتا، اگلے دن نفس کو سزا دینے کے لئے روزہ رکھ لیتا، لیکن بات بنی نہیں، روزہ رکھنا عادت سی بن گئ اور سزا کی تلخی کے بجائے اس میں لطف محسوس ہونے لگا، ظاہر ہے جو چیز پر لطف ہو، وہ سزا کیسے ہوسکتی ہے، اس لئے میں نے روزے کے بجائے ہر غیبت کے عوض ایک درہم صدقہ کرنا شروع کیا، یہ سزا نفس کو شاق معلوم ہوئی اور یوں غیبت کے روگ سے نجات ملی۔۔۔!!!

(ترتیب المدارک للقاضی عیاض: ج ۳ ص ۲۴۰)